2015 کی پہلی سہ ماہی میں پاکستان کی رئیل اسٹیٹ کا شعبہ جمود کا شکاررہا
گھروں، اپارٹمنٹس، پلاٹس اور نئی ڈویلپمنٹس سمیت تما م زمروں میں سرمایہ کاری انتہائی سست رہی ،لمودی کی رپورٹ
بدھ 6 مئی 2015 19:04
اسلام آباد(اُردو پوائنٹ اخبار تازہ ترین۔ 06 مئی۔2015ء) Lamudi پاکستان کی طرف سے جاری کردہ نئے اعداد و شمار کے مطابق 2015 کی پہلی سہ ماہی میں پاکستان کا پراپرٹی شعبہ جمودی کا شکار رہا اور گھروں، اپارٹمنٹس، پلاٹس اور نئی ڈویلپمنٹس سمیت تما م زمروں میں سرمایہ کاری انتہائی سست رہی ۔لاہور، اسلام آباد اورکراچی سمیت تمام بڑے شہروں میں پراپرٹی کوخریدنے اور کرایہ پرلینے میں گراوٹ دیکھی گئی تاہم تجزیہ سے یہ انکشاف سامنے آیا ہے کہ گوجرانوالہ اور فیصل آبادجیسے درمیانے درجہ کے شہروں میں جائیداد میں سرمایہ کاروں کی دلچسپی میں اضافہ ہوا۔
ان شہروں میں نئے ڈویلپمنٹس میں تیزی سے توسیع ہورہی ہے اور یہاں پرسرمایہ کار ابھرتے ہوئے رئیل اسٹیٹ کی بہت بڑی صلاحیت سے پیسہ کمانے کیلئے بے تاب ہیں ۔(جاری ہے)
لمودی کے اعداد و شمارکے مطابق اپارٹمنٹس کے شعبہ میں معمولی کمی رجسٹرڈ کی گئی۔ کراچی میں اپارٹمنٹس خریدنے کی قیمتوں میں اہم کمی دیکھی گئی۔ قیمتوں میں اس کمی مجموعی طور پر کو رئیل اسٹیٹ کے شعبے میں میں سست روی سے منسوب کیا جا تا ہے۔
شہر میں رینٹل اپارٹمنٹس کی قیمتوں میں بھی جمود رہا۔ہاؤسنگ کے زمرے میں دونوں کرایہ پرلینے اور خرید نے کے عمل میں منفی رجحان دیکھا گیا۔ لاہورمیں اوسط گھروں کی قیمتوں میں سب سے زیادہ کمی (خرید نے کیلئے) دیکھی گئی جبکہ فیصل آباد اورگوجرانوالہ میں بھی تقریبا یہی صورتحال رہی۔ دوسری جانب اسلام آباد میں اس حوالے سے معمولی کمی ریکارڈ کی گئی۔مکانوں کے کرایہ میں تقریبا تمام شہروں میں معمولی کمی رہی جبکہ گوجرانوالہ میں معمولی اضافے کا رجحان ریکارڈ کیا گیا۔ Lamudi پاکستان کے کنٹری منیجرسعد ارشد نے کہا کہ فی الحال، مارکیٹ میں چند حقیقی خریدارموجود ہیں اور جب تک سرمایہ کار اپنی موجودہ سرمایہ کاری سے کماتے نہیں ،ان کی جانب سے مزید سرمایہ کاری کا امکان کم ہے۔تجارتی خریداری کے زمرے میں لاہور کی قیمتوں میں سب سے زیادہ کمی رجسٹرڈکی گئی۔کمرشل رینٹل کی درجہ بندی میں لاہور اور کراچی میں کمی اوراسلام آباد اور فیصل آباد میں معمولی اضافہ دیکھا گیا۔سعدارشد نے کہا کہ اسی عرصہ میں پورے ملک میں تجارتی جائیداد کا شعبے جمود کا شکار رہا اورکمرشل پراپرٹی کے مقابلے میں تجارتی جائیداد کی قیمتوں میں بہت زیادہ تنزلی رہی ۔پراپرٹی کی کم یا منفی ریٹرنز کی پیش کش کے ساتھ ، کمرشل پراپرٹی میں سرمایہ کاری فی الحال ایک مہنگی کوشش کے طور پر دیکھی جارہی ہے ۔گزشتہ سہ ماہی کے دوران تمام بڑے شہروں میں پلاٹس کی قیمتوں میں کمی آئی۔ مالی سال 2014-15 کے بجٹ میں عائد کردہ ودہولڈنگ ٹیکس کی وجہ سے جائیداد کے شعبہ کوسخت دھچکا لگا اور سرمایہ کار اب نئے بجٹ کا انتظارکررہے ہیں اور انھیں توقع ہے کہ ٹیکسوں میں کمی کرکے اس شعبہ کو دوبارہ فعال بنادیا جائے گا ۔First'N'Final کے سی ای او سلمان شیخ کے مطابق رواں سہ ماہی میں رئیل اسٹیٹ مارکیٹ ایک بحران سے گزری ہے اورپراپرٹی کی خریداری اورفروخت نہ ہونے کے برابر رہی ۔ اس کی بڑی وجہ حکومت کی طرف سے عائد کردہ بھاری ٹیکسوں کوقراردیا جاسکتا ہے ۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.