قائد اعظم سولرپارک منصوبے کی رائیلٹی بہاولپور اور چولستان کے عوام کو دی جائے،ملک میں توانائی بحران سنگین ہوچکا،شہروں اور دیہاتوں میں18گھنٹے کی لوڈشیڈنگ ہورہی ہے،سستی بجلی کی پیدوار کیلئے کالاباغ ڈیم سمیت نئے ڈیم تعمیر کئے جائیں
امیر جماعت اسلامی پنجاب ڈاکٹر سید وسیم اخترکا بیان
بدھ 6 مئی 2015 17:48
لاہور(اُردو پوائنٹ اخبار تازہ ترین۔ 06 مئی۔2015ء) امیر جماعت اسلامی صوبہ پنجاب و پارلیمانی لیڈر صوبائی اسمبلی ڈاکٹر سید وسیم اخترنے بہاولپور میں بننے والی شمسی توانائی سے بجلی پیدا کرنے کے منصوبے قائد اعظم سولر پارک کے حوالے سے اپنی نیک خواہشات کا اظہار کرتے ہوئے پنجاب حکومت کو مبارک باد دی اور کہاقائد اعظم سولر پارک منصوبہ سے جوآسامیاں پیدا ہوں اس میں بہاول پور اور چولستان کے نوجوانوں کو ترجیح دی جائے اور جس طرح ملک کے دوسرے علاقوں میں بننے والے ڈیمز میں اس علاقے کو رائیلٹی دی جاتی ہیں اسی طرح قائد اعظم سولر پارک منصوبے کی بھی رائیلٹی بہاول پور اوچولستان کو دی جائے تاکہ اس علاقے کی محرومیوں کا کچھ ازالہ ہو سکے ۔
انہوں نے کہا کہ بہاول پور میں بننے والے اس عظیم الشان شمسی توانائی کے منصوبے کے مکمل ہونے کے بعد بہاول پور کو لوڈشیڈنگ سے بھی مستثنیٰ قرار دیا جائے ۔(جاری ہے)
قائد اعظم سولر پارک کی تعمیر کی وجہ چولستان کی جو آبادیاں اس میں آگئی ہیں ان آبادیوں کے رہائشیوں کو فوری طور متبادل جگہ دی جائے ۔ڈاکٹر سید وسیم اختر نے کہاکہ ملک میں توانائی کابحران سنگین ہوچکا ہے۔
شہروں اور دیہات میں18گھنٹے تک کی لوڈشیڈنگ نے عوام کا سکون غارت کردیا ہے۔پاکستان قدرتی وسائل سے مالامال ملک ہے ضرورت اس امر کی ہے کہ ان سے استفادہ کیا جائے۔ملک میں کالاباغ ڈیم سمیت نئے چھوٹے بڑے ڈیم تعمیر کئے جائیں تاکہ لوڈشیڈنگ کے خاتمے کے ساتھ ساتھ وافر مقدار میں پانی کو بھی ذخیرہ کیاجاسکے۔کالاباغ ڈیم توانائی کا سستا ترین منصوبہ ہے جس سے عوام کو60پیسے فی یونٹ بجلی میسر آسکتی ہے اور اس کے ساتھ ہی60سے65لاکھ ایکڑزمین سیراب اور روزگار کے نئے مواقع پیداہوسکتے ہیں۔متعلقہ عنوان :
مزید اہم خبریں
-
لاہور : سولر پینلز کی قیمتوں میں مزید کمی
-
خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ
-
وزیراعلیٰ پنجاب مریم نوا ز شریف کی جانب سے 100 گرام روٹی 16 روپے جبکہ 120 گرام نان 20 روپے مقرر
-
بڑے ریسٹورنٹس 50یا 100 روپے کی روٹی فروخت کر سکتے ہیں یہ ہماری ڈومین میں نہیں آتے
-
پیپلز پارٹی کاوفاقی کابینہ کا حصہ نہ بننے کافیصلہ حتمی ہے ،بلاول بھٹو زرداری
-
چیئرمین سینیٹ سید یوسف رضا گیلانی نے کراچی کے علاقے لانڈھی میں گاڑی پر ہونے والے خودکش دھماکے کی شدید الفاظ میں مذمت
-
افسوس! سعودی وزیرخارجہ پاکستان میں تھے کہ پی ٹی آئی رہنماء نے حکومت گرانے کا الزام لگا دیا
-
حکومت کا پٹرولیم مصنوعات کی قیمتیں ڈی ریگولیٹ کرنے پر غور
-
پنجاب میں 23 اپریل سے بارشوں کا نیا سلسلہ داخل ہو گا
-
موٹر ویز پر کسی صورت اوور لوڈ ٹرکوں کو گزرنے کی اجازت نہیں دی جائے گی اور ان پر بھاری جرمانے عائد کرنے کے ساتھ ساتھ موٹر ویز سے بھی اتار دیا جائے گا،علیم خان
-
اسرائیلی جنگی طیاروں کا جنوبی شام میں فوجی اڈے پر حملہ
-
قومی اسمبلی،بلاول بھٹو وزیرِ اعظم کی نشست پربیٹھ گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.