سبی، کیسکو کی نجکاری و طویل لوڈ شیڈنگ کیخلاف واپڈا ہائیڈرویونین کا ایس ڈی او آفس میں احتجاجی مظاہرہ

سبی(اُردو پوائنٹ اخبار تازہ ترین۔ 06 مئی۔2015ء ) کیسکو کی نجکاری و طویل لوڈ شیڈنگ کے خلاف واپڈا ہائیڈرویونین کا ایس ڈی او آفس میں احتجاجی مظاہرہ ،واپڈا کی نجکاری ملک اور عوام کے معاشی قتل عام کے مترادف ہے حکومت ہوش کے ناخن لے،بلوچستان سے بجلی کا بحران جلد ختم کیا جائے،علی حیدر مگسی،عیسیٰ خان سیلاچی،افضل کھوسہ ودیگر مقررین کا احتجاجی مظاہرے سے خطاب، واپڈیا ہائیڈرو یونین سبی کی جانب سے ایس ڈی او آفس میں دھرنااور احتجاجی مظاہرہ کیا گیا احتجاجی دھرنا و مظاہرے سے خطاب کرتے ہوئے واپڈا ہائیڈرویونین کے سرکل چیئرمین حاجی افضل کھوسہ،جنرل سیکرٹری میرعلی حیدر مگسی،عیسیٰ خان سیلاچی ، سلطان ابڑو، محمد بخش مہیسر،اور قبائلی رہنماء وڈیرہ تھنگوخان گورچانی اور دیگر مقررین نے کہا کہ موجودہ حکومت کی جانب سے واپڈا کی نجکاری کا جو فصیلہ کیا گیا ہے اسے کسی صورت برداشت نہیں کریں گئے انہوں نے کہا کہ اس سے واپڈا مزید خسارئے میں جائے گا جبکہ واپڈا سے منسلک لاکھوں ملازمین کا بھی قتل معاش ہوگا جس کی واپڈا ہائیڈرو یونین سمیت ملک بھر کے مزدور پرزور مخالفت کرئے گی اور واپڈا کو کسی صورت نجکاری میں تبدیل ہونے نہیں دیا جائے گا انہوں نے کہا کہ حکومت کی غلط پالیسیوں کی وجہ سے آج واپڈا تباہی کے دہانے پر پہنچ چکا ہے اور واپڈا کی ترقی کے لیے کام کرنے والے ملازمین جو شب وروز اپنا خون پسینا ایک کرکے ادارئے کو مستحکم بنانے کے لیے اپنا کردار ادا کررہے ہیں ان کو نظر انداز کیا جارہا ہے انہوں نے کہا کہ واپڈا کی نجکاری ملک بھر کے ملازمین کے معاشی قتل کے مترادف ہوگا جس کے خلاف واپڈا ہائیڈرو یونین سیسہ پلائی دیوار بن کر ثابت ہو گی انہوں نے کہا کہ اگر حکمرانوں نے واپڈا کی نجکاری اور صوبے میں جاری طویل لوڈ شیڈنگ کا خاتمہ نہیں کیا تو ملازمین ملک گیر احتجاج کریں گے۔