لندن پولیس الطاف حسین کو جلد گرفتار کر لے گی، کراچی اور پاکستان میں رہنے والے دوستوں کو بتانا چاہتا ہوں کہ الطاف حسین کا دور ختم ہونے والا ہے، 10سال سے مہم چلا رہاہوں کہ الطاف حسین کو لندن میں بیٹھ کر کراچی کے حالات خراب کرنے سے روکا جائے

برطانیہ کے اہم سیاستدان جارج گیلووے کی میڈیا سے گفتگو

بدھ 6 مئی 2015 11:40

لندن (اُردو پوائنٹ اخبار تازہ ترین۔ 06 مئی۔2015ء) برطانیہ کے اہم سیاستدان جارج گیلووے نے کہا ہے کہ لندن پولیس ایم کیو ایم کے قائد الطاف حسین کو جلد گرفتار کر لے گی، کراچی اور پاکستان میں رہنے والے دوستوں کو بتانا چاہتا ہوں کہ الطاف حسین کا دور ختم ہونے والا ہے، وہ گزشتہ 10سال سے مہم چلا رہے ہیں کہ الطاف حسین کو لندن میں بیٹھ کر کراچی کے حالات خراب کرنے سے روکا جائے۔

(جاری ہے)

لندن میں میڈیا سے گفتگو کرتے ہوئے جارج گیلووے کا کہنا تھا کہ کراچی اور پاکستان میں رہنے والے دوستوں کو بتانا چاہتا ہوں کہ الطاف حسین کا دور ختم ہونے والا ہے۔ انہوں نے کہا کہ وہ گزشتہ 10سال سے مہم چلا رہے ہیں کہ الطاف حسین کو لندن میں بیٹھ کر کراچی کے حالات خراب کرنے سے روکا جائے ، انھوں نے بتایا کہ ان کی زندگی کے چند بہترین دن کراچی میں گزرے ہیں۔ وہ کراچی میں تشدد اور کرپشن برداشت نہیں کر سکتے ، انھوں نے مزید کہا کہ سکاٹ لینڈ یارڈ نے انھیں بتایا ہے کہ لندن پولیس الطاف حسین کو گرفتار کرنے کے بہت قریب ہے۔

Facebook Twitter Google + Share on Whatsapp

برطانیہ کے اہم سیاستدان جارج گیلووے کی میڈیا سے گفتگو

متعلقہ عنوان :

مزید اہم خبریں