شرجیل انعام میمن کو کراچی میں پانی کے بحران کی سنگینی کا احساس نہیں ہے،خواجہ اظہار الحسن
پانی کا مسئلہ کراچی کے عوام کی دیرینہ مسئلہ ہے ،اس پر تحریک التوا کا بحث کے لیے منظور ہونااچھی بات ہے،قائد حزب اختلاف سندھ اسمبلی
منگل 5 مئی 2015 21:20
کراچی (اُردو پوائنٹ اخبار تازہ ترین۔ 05 مئی۔2015ء) سندھ اسمبلی میں قائد حزب اختلاف خواجہ اظہار الحسن نے کہا ہے کہ وزیر بلدیات و اطلاعات شرجیل انعام میمن کو کراچی میں پانی کے بحران کی سنگینی کا احساس نہیں ہے ۔ پانی کا مسئلہ کراچی کے عوام کی دیرینہ مسئلہ ہے ۔ اس لیے اس مسئلے پر تحریک التوا کا بحث کے لیے منظور ہونااچھی بات ہے ۔تاہم بارش کا نہ ہونا پانی کی قلت کا سبب نہیں ہے ۔
عوام کی طرح وزیر بلدیات کو بھی نماز استسقا پڑھنی چاہیے۔ منگل کو سندھ اسمبلی کے اجلاس کے بعد میڈیا سے گفتگو کرتے ہوئے انہوں نے کہا کہ 2006 میں کراچی کے پانی کے منصوبے کے ۔ 4 کی منظوری دی گئی تھی لیکن اس منصوبے پر ابھی تک کام کا آغاز نہیں ہو سکا ہے اور نہ ہی اس کے لیے فنڈز جاری کیے گئے ہیں ۔(جاری ہے)
کے ۔ 4 کے روٹس میں بار بار تبدیلی کی جاتی رہی ہے ۔
اس کا ذمہ دار کون ہے؟ حکومت کب اس منصوبے کے آغاز کا حکم جاری کرے گی؟ کیا متعلقہ وزیر اس حوالے سے کوئی ڈیڈ لائن دیں گے؟ پانی اور سیوریج کی لیکجزکی مرمت کے لیے چیف انجینئرز کے پاس پیسے تک نہیں، پمپنگ اسٹیشنز کی مرمت کے لیے کیا اقدامات کیے جار ہے ہیں؟ انہوں نے کہا کہ ہم کل دھابیجی اسٹیشن جائیں گے اور وہاں کے مسائل سے حکومت کو آگاہ کریں گے، بعد میں ہم کراچی کے دیگر اسٹیشنوں کا بھی دورہ کریں گے، پی ٹی آئی اور فنکشنل لیگ کے ارکان سندھ اسمبلی کو بھی دعوت دیتا ہوں کہ وہ ہمارے ساتھ آئیں اور عوامی مسائل کے حل میں اپنا کردار ادا کریں ۔ انہوں نے کہا کہ ہم پانی پر سیاست نہیں کریں گے صرف مسائل سے آگاہی دیں گے، وزیر صاحب کو ابھی مسائل کے بارے میں آگاہی نہیں کیوں کہ وہ عوام کے درمیان نہیں ، عوام میں پایہ جانیوالا غم و غصہ ابھی انہیں معلوم نہیں۔ انہوں نے کہا کہ کراچی آپریشن کادائرہ وسیع کیا جائے اور بدین ، نواب شاہ، خیرپور، شکارپور سمیت پورے سندھ میں آپریشن کیا جائے۔مزید اہم خبریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
-
8 فروری کے فراڈ الیکشن کی بینی فشری پیپلزپارٹی، ن لیگ اور ایم کیوایم ہیں
-
سولر پینلز کی قیمتوں میں مزید کمی
-
خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ
-
وزیراعلیٰ پنجاب مریم نوا ز شریف کی جانب سے 100 گرام روٹی 16 روپے جبکہ 120 گرام نان 20 روپے مقرر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.