اوکاڑہ، ایس ایچ او تھانہ صدر کو فائرنگ کر کے زخمی کرنے والے گینگ کا سرغنہ ساتھی سمیت گرفتار
منگل 5 مئی 2015 18:45
اوکاڑہ ( اُردو پوائنٹ اخبار تازہ ترین۔ 05 مئی۔2015ء ) ایس ایچ او تھانہ صدر اوکاڑہ کو فائرنگ کر کے زخمی کرنے والے ڈکیت گینگ کا سرغنہ ساتھی سمیت گرفتار۔ملزمان کو شناخت پریڈ کے لئے ساہیوال جیل منتقل کر دیا گیا۔واردات کھوجیوں کے کھرا رواں کرنے کی وجہ سے ٹریس ہوئی۔ڈی پی او نے کھرا رواں کرنے والے کھوجیوں کو نقد انعامات دئیے۔تفصیلات کے مطابق ڈسٹرکٹ پولیس آفیسر اوکاڑہ فیصل رانا نے صحافیوں کو بتایا کہ تھانہ صدر اوکاڑہ کے ایس ایچ او انسپکٹر مہر محمد اسماعیل کو گشت کے دوران سرکاری گاڑی پر فائرنگ کر کے زخمی کرنے والے ڈکیت گینگ کے سرغنہ کو اسکے ساتھی سمیت پولیس نے گرفتار کر لیا ہے ملزمان کے خلاف تھانہ صدر اوکاڑہ میں دہشت گردی ایکٹ کے تحت مقدمہ درج ہے۔
ڈی پی او نے بتایا کہ دونوں گرفتار ملزمان کو شناخت پریڈ کے لئے سنٹرل جیل ساہیوال منتقل کر دیا گیا ہے جہاں ملزمان کی شناخت ہو گی جسکے بعد انہیں جیل سے طلب کروا کے تفتیش کے لئے لایا جائے گا۔(جاری ہے)
ڈی پی او نے کہا کہ سرکاری گاڑی پر فائرنگ اور ایس ایچ او کے زخمی ہونے کی واردات کو ٹریس کرنا پولیس کے لئے ایک چیلنج تھا یہ واردات دو کھو جیوں کی مہارت کی وجہ سے ٹریس ہوئی۔
کھوجیوں نے کھرا رواں کر کے اس مقام پر پہنچا دیا جہاں پر ملزمان واردات کے بعد پہنچے اور واردات میں استعمال ہونے والا اسلحہ رکھا۔پولیس نے اسلحہ تو واردات کے فوری بعد کھوجیوں کی مہارت کے باعث بر آمد کر لیا۔جبکہ ملزمان کی گرفتاری گزشتہ روز ہوئی جن کا تعلق ڈکیت گینگ سے بتایا جاتا ہے جبکہ گرفتار ہونے والا ایک ملزم ڈکیت گینگ کا سرغنہ بھی ہو سکتا ہے۔ڈی پی او نے کہا کہ جن دو کھو جیوں امیر علی اور محمد سعدی نے پولیس کی بر وقت مدد کر کے کھرا رواں کر کے واردات ٹریس کروائی انہیں میں نے دفتر بلا کر پانچ پانچ ہزار روپے انعام اور تعریفی سرٹیفکیٹس دئیے ہیں۔ڈی پی او نے کہا کہ اس واردات کے ٹریس ہونے سے ایک بات کا ثبوت مل گیا ہے کہ اگر پولیس افسران واردات کے فوری بعد کھوجیوں کی مدد لے کر واردات ٹریس کریں تو بڑی سے بڑی واردات ٹریس ہو سکتی ہے۔مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.