ایس ایس پی راوٴ انوار کا نام ای سی ایل میں شامل کرانے کے لئے سندھ ہائی کورٹ میں درخواست دائر کرائی گئی

پیر 4 مئی 2015 13:27

کراچی(اُردو پوائنٹ اخبار تازہ ترین۔ 04 مئی۔2015ء) ایس ایس پی راوٴ انوار کا نام ای سی ایل میں شامل کرانے کے لئے سندھ ہائی کورٹ میں درخواست دائر کرائی گئی ہے۔رانا فیض الحسن ایڈووکیٹ کی جانب سے دائر کی گئی گئی درخواست میں موقف اختیار کیا گیا کہ راوٴ انوار کی جانب سے گزشتہ 5 برسوں کے دوران دہشت گردوں اور جرائم پیشہ افراد کے خلاف کئے گئے 80 فیصد مقابلے جعلی ہیں۔

(جاری ہے)

عدالت عالیہ سے درخواست ہے کہ ان کا نام ای سی ایل میں شامل کیا جائے ‘ ایم کیوایم کے خلاف پریس کانفرنس کی تفصیلات طلب کی جائیں اور انہیں کہیں بھی تعینات نہ کرنے کیلئے حکم دیا جائے۔واضح رہے کہ ایس ایس پی ملیر راوٴ انوار نے چند روز قبل پریس کانفرنس میں دعویٰ کیا تھا کہ ایم کیو ایم کے بھارت کی خفیہ ایجنسی ”را“ سے تعلقات ہیں، جس پر سندھ حکومت نے انہیں معطل کردیا ۔

Facebook Twitter Google + Share on Whatsapp

ایس ایس پی راوٴ انوار کا نام ای سی ایل میں شامل کرانے کے لئے سندھ ہائی کورٹ میں درخواست دائر کرائی گئی

متعلقہ عنوان :

مزید اہم خبریں