پاکستانی معیشت بلندیوں کو چھو رہی ہے، دی اکانومسٹ کی رپورٹ

فہد شبیر اتوار 3 مئی 2015 23:52

لندن(اُردو پوائنٹ اخبارتازہ ترین۔3مئی۔2015ء)برطانوی جریدے اکانومسٹ نے پاکستان کی معاشی ترقی پر رپورٹ جاری کی ہے جس میں کہا گیا ہے کہ پاکستانی معیشت بلندیوں کو چھو رہی ہے۔ معاشی شرح نمو میں آئندہ برس چار اعشاریہ سات فیصد اضافہ ہوگا۔برطانوی جریدے دی اکانومسٹ کی رپورٹ کے مطابق مضبوط سٹاک مارکیٹ، مستحکم کرنسی اور کم افراط زر کی وجہ سے پاکستانی معیشت اس وقت عروج پر ہے۔

(جاری ہے)

آئندہ برس پاکستان کی معاشی شرح نمو میں 4 اعشاریہ 7 فیصد اضافہ ہوگا جو کہ گزشتہ آٹھ برس کی تیز ترین شرح ہوگی۔ جریدے نے پاکستانی معیشت کو سراہتے ہوئے لکھا ہے کہ پاکستانی سٹاک مارکیٹ مستحکم ہونے سے غیر ملکی سرمایہ کاری میں اضافہ ہوا ہے جبکہ غیر ملکی زرمبادلہ کے ذخائر کئی گنا اضافے کےبعد 17 اعشاریہ سات ارب ڈالرز تک جا پہنچے ہیں۔ عالمی بینک نے بھی پاکستان کو بھارت کے مقابلے میں بہترین کاروباری ملک قرار دیا ہے۔ جریدے نے معاشی ترقی کا سارا کریڈٹ موجودہ حکومت کو دیتے ہوئے اس کی تعریف کی ہے۔

Facebook Twitter Google + Share on Whatsapp

پاکستانی معیشت بلندیوں کو چھو رہی ہے، دی اکانومسٹ کی رپورٹ

مزید اہم خبریں