عسکری قیادت حکومت ہی کا حصہ ہے، وفاقی وزیر اطلاعات

فہد شبیر اتوار 3 مئی 2015 18:51

کراچی(اُردو پوائنٹ اخبارتازہ ترین۔3مئی۔2015ء) وزیراطلاعات پرویز رشید نے کہاہے کہ عسکری قیادت حکومت ہی کا حصہ ہے ، جس کی رائے سے قومی سلامتی پالیسیز بنائی جاتی ہیں، الطاف حسین کی فوج سے متعلق تنقید پر وزیراعظم نے پیمرا کو ہدایات جاری کردی ہیں ۔ آرٹس کونسل کراچی میں ادبی کانفرنس سے خطاب کے بعد میڈیا سے گفتگو میں وزیراطلاعات نے کہا کہ الطاف حسین کو اپنی غلطی کا احسا س ہوگیا ہے ، امید ہے آئندہ کوئی بھی قومی سلامتی اداروں پر تنقید نہیں کرے گا۔

(جاری ہے)

وزیراطلاعات نے کہا کہ عسکری قیادت بھی حکومت کا حصہ ہے،کراچی میں آپریشن اور ضرب عضب کا فیصلہ وزیراعظم نے ہی کیا۔الطاف حسین کی تنقید سے متعلق عمران خان کے ردعمل پر وزیراطلاعات کا کہنا تھاکہ وہ ہر وقت لڑانے کی فکر میں رہتے ہیں ، کبھی ملکوں کی لڑائی تو کبھی حکومت کی فوج سے لڑائی کی کوشش کرتے ہیں ۔اس سے پہلے کانفرنس سے خطاب میں انہوں نے کہا کہ ملک میں چار آمریتیں آئیں ، جن کا لہجہ مختلف تھا، اساس اور مقصد ایک ہی تھا،سوچ پر پہرے لگانے اور اظہار رائے پر پابندی لگانے کا نام آمریت ہے۔

Facebook Twitter Google + Share on Whatsapp

عسکری قیادت حکومت ہی کا حصہ ہے، وفاقی وزیر اطلاعات

متعلقہ عنوان :

مزید اہم خبریں