متحدہ قومی موومنٹ کیخلاف لگائے گئے الزامات کی تحقیقات ہونگی ٗاقبال ظفر جھگڑا

وزیر اعظم میاں نواز شریف کے ہدایات کے مطابق ذمہ داروں کو قرار واقعی سزا دی جائیگی ٗ میڈیا سے گفتگو

ہفتہ 2 مئی 2015 22:11

متحدہ قومی موومنٹ کیخلاف لگائے گئے الزامات کی تحقیقات ہونگی ٗاقبال ..

چارسدہ(اُردو پوائنٹ اخبار تازہ ترین۔ 02 مئی۔2015ء) پاکستان مسلم لیگ (ن )کے مرکز سیکرٹری جنرل سینیٹر اقبال ظفر جھگڑا نے کہا ہے کہ متحدہ قومی موومنٹ کیخلاف لگائے گئے الزامات کی تحقیقات ہونگی اور وزیر اعظم میاں نواز شریف کے ہدایات کے مطابق ذمہ داروں کو قرار واقعی سزا دی جائیگی، اگر وفاقی حکومت مطمئن نہ ہوتی تو گورنر عشرت العباد کو ہٹایا جاتا۔

چارسدہ ولی باغ میں سابق وفاقی وزیر مواصلات و سینیٹر اعظم خان ہوتی کی وفات پر اسکی بہن بیگم نسیم ولی خان کے ساتھ تعزیت کے بعد میڈیاسے بات چیت میں اقبال ظفر جھگڑا نے کہاکہ حکومت جلد بازی سے کام نہیں لے گی، ایم کیو ایم پر لگائے گئے الزامات کی تحقیقات ہونگے ، الزامات ثابت ہوگئے تو کاروائی ضرور کرینگے اور مجرموں کے ساتھ کسی قسم کی رعایت نہیں کی جائیگی چاہئے گورنر سندھ یا وزیر اعلیٰ سندھ ہی کیو ں نا ہوں ۔

(جاری ہے)

انہوں نے اس خدشہ کا اظہار کیاکہ اگر بغیر تحقیقات کے کاروائی کی گئی تو کراچی میں حالات مزید خراب ہونگے، نائن زیرو کے حوالے سے انفارمیشن ملے تو میاں محمد نواز شریف نے ایم ا کیو ایم کے ہیڈ کوارٹر پر آپریشن سے منع نہیں کیا جس پر ایم کیو ایم نے واویلا بھی کیا تاہم انکے ساتھ کوئی رعایت کی گئی اور نا کیا جائیگا۔ اقتصادی راہداری کے روٹ کے حوالے سے ایک سوال کے جواب میں اقبال ظفر جھگڑا نے کہاکہ ابھی تک رپورٹس کے مطابق اس کا روٹ تبدیل نہیں کیا گیا اگر سیاسی جماعتیں یہ ثابت کریں کہ روٹ تبدیل ہوا ہے تو میں بھی انکا ساتھ دونگا ۔ انہوں نے کہا کہ ہمارے ہاتھ صاف ہیں جوڈیشل کمیشن سے ڈرنے والے نہیں ، الیکشن کے وقت مسلم لیگ نون کی حکومت نہیں تھی دھاندلی کیسی کی۔