یکجہتی ، اتحاد اور یگانگت ہی سندھیوں کی خوشحالی اور ترقی کا ضامن ہے،سینیٹر تاج حیدر
تعصب اور تقسیم کے سیاسی نعرے سوچنے اور سمجھنے کی صلاحیت چھین لیتے ہیں، سندھ کی تقسیم کے مطالبے پر ردعمل
منگل 28 اپریل 2015 21:55
کراچی (اُردو پوائنٹ اخبار تازہ ترین۔ 28اپریل۔2015ء) پاکستان پیپلزپارٹی سندھ کے جنرل سیکریٹری سینیٹر تاج حیدر نے سندھ کی تقسیم کے مطالبے پر کہا ہے کہ وقت آگیا ہے کہ ہر زبان بولنے والے سندھی اس حقیقت کو اچھی طرح سمجھ لیں کہ آپس میں یکجہتی ، اتحاد اور یگانگت ہی وہ واحد راستہ ہے جو سندھ کے ہر زبان بولنے والے سندھیوں کی خوشحالی اور ترقی کا ضامن ہے۔
اپنے بیان میں انہوں نے کہا کہ تعصب اور تقسیم کے سیاسی نعرے ہم سے سوچنے اور سمجھنے کی صلاحیت چھین لیتے ہیں۔ یہ نعرے تیسری قوتوں کو یہ موقع فراہم کرتے ہیں کہ وہ سندھ کے سیاسی اور معاشی حقوق پر مسلسل ڈاکہ ڈالتے رہیں اور سندھ کے وسائل کو سندھ کے عوام کے بجائے اپنے مصارف میں لاتے رہیں۔تعصب کی سیاست کی وجہ سے سندھ آج پسماندہ ہے۔(جاری ہے)
کتاب سے نفرت، تعلیم سے دوری، اور اعلیٰ اقدار کی پامالی صرف اسی منفی سیاست کا نتیجہ ہیں۔
ہم اپنے فائدے نقصان سے بے خبر ہوکر متعصبانہ جذبات کی رو میں بہتے ہوئے اپنے پاؤں پر کلہاڑی مار رہے ہیں۔ ایک جانب کا تعصب دوسری جانب کے تعصب کو مضبوط کرتا ہے اور ہم بحیثیت مجموعی ایک اجتماعی خودکشی سے نزدیک تر ہوتے جارہے ہیں۔ سینیٹر تاج حیدر نے کہا کہ شہری سندھ کو جدا کرنے کی باتیں کرنے والوں کو یہ حقیقت نظر انداز نہیں کرنی چاہیے کہ دیہی علاقے ، شہری علاقوں کے بغیر طویل عرصے تک گزارہ کرسکتے ہیں لیکن شہری علاقے ہفتہ بھربھی دیہی علاقوں کے بغیر گزارہ نہیں کرسکتے ۔ نیز یہ کہ شہروں کی خوشحالی براہ راست طور پر دیہی علاقوں کی خوشحالی ، وہاں کی پیداوار میں اضافے اور دیہی عوام کی قوت خرید میں اضافے سے منسلک ہے۔ سینیٹر تاج حیدر نے کہا کہ پاکستان پیپلزپارٹی ایک ایسا پلیٹ فارم ہے جہاں ملک کے ہر زبان بولنے والے محبت اور یگانگت کے ساتھ عوام اور صوبوں کے حقوق اور اجتماعی ترقی کیلئے کام کررہے ہیں۔ ہماری سیاست میں کسی قسم کے تعصب کی کوئی گنجائش نہیں ہے۔ سندھ کے عوام اور پاکستان پیپلزپارٹی کسی بھی صورت میں سندھ کی تقسیم نہیں ہونے دیں گے۔متعلقہ عنوان :
مزید اہم خبریں
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ایف بی آرکا ٹریک اینڈ ٹریس سسٹم ناکام
-
خیبر پختونخواہ حکومت کا لاکھوں ٹن گندم کی خریداری کا فیصلہ
-
بھارتی شہری نے پاکستانی لڑکی کو دل کا عطیہ کرکے نئی زندگی دے دی
-
نجی شعبہ زراعت تبدیل کرنے میں موثر کردار ادا کرسکتا ہے، وزیرخزانہ
-
افغان شہریوں کو ڈھائی لاکھ روپے لیکر شناختی کارڈ جاری کرنیوالا نادرا کا افسر گرفتار
-
وزیر اعلیٰ مریم نواز سے ہالینڈ کی سفیر مسز ہینی ڈی وریس کی ملاقات، ڈچ کمپنیوں کوسرمایہ کاری کی دعوت
-
عمران خان کو ریاستی اداروں کے خلاف بیانات سے اجتناب برتنے کے حکم پر تنقید و سوالات
-
وزیردفاع کی شنگھائی تعاون تنظیم کے سالانہ اجلاس میں شرکت ، فاعی تعاون کے اقدامات سمیت علاقائی سلامتی کے امورکا جائزہ لیا
-
وزیراعلی مریم نواز نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
گھریلو اور کمرشل سولر پینل لگانے والوں پر ٹیکس لگانے کی تجویز سامنے آگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.