سپیشل برانچ کے ہیومن ریسورس اور ٹیکنیکل ونگز کو فعال اور متحرک بنایا جائے گا، نئی بھرتیاں بھی ہوں گی، افسروں کو کارکردگی کی بنیاد پر خصوصی مراعاتی پیکیج دیا جائے گا، پنجاب بھر میں اہم مقامات کی سکیورٹی مزید بہتر بنائی جائے، ملک دشمنوں عناصر کے عزائم ناکام بنانے کیلئے جانفشانی سے کام کیا جائے،پنجاب انفارمیشن ٹیکنالوجی بورڈ نے کرائم انٹیلی جنس سسٹم مرتب کر لیا ہے،ملک دشمن عناصر کی سرکوبی میں مدد ملے گی،غیرملکی باشندوں کی حفاظت کیلئے سپیشل پروٹیکشن فورس تیار کی جا رہی ہے، فورس میں بھرتیوں کا عمل جنگی بنیادوں پر مکمل کیا جائے
وزیراعلیٰ پنجاب شہباز شریف کا امن عامہ سے متعلق اجلاس سے خطاب اجلاس میں سپیشل برانچ کو جدید تقاضوں سے ہم آہنگ بنانے کیلئے جامع پروگرام پر عملدرآمد کی منظوری
منگل 28 اپریل 2015 19:01
لاہور ( اُردو پوائنٹ اخبار تازہ ترین۔ 28اپریل۔2015ء ) وزیراعلیٰ پنجاب محمد شہباز شریف کی زیرصدارت آج یہاں اعلیٰ سطح کا اجلاس منعقد ہوا جس میں امن عامہ کی مجموعی صورتحال ، سکیورٹی انتظامات، انسداد دہشت گردی کے حوالے سے نیشنل ایکشن پلان پر عملدرآمد کے ضمن میں پیش رفت، سپیشل برانچ کی تنظیم نو اور سپیشل پروٹیکشن فورس کے علاوہ انٹیلی جنس نظام کو بہتر بنانے کیلئے انفارمیشن ٹیکنالوجی سے استفادہ کرنے کے اقدامات کا تفصیلی جائزہ لیا گیا۔
وزیراعلیٰ محمد شہباز شریف نے اجلاس سے خطاب کرتے ہوئے کہا کہ عوام کے جان و مال کے تحفظ کیلئے ہرممکن اقدام اٹھایا جا رہا ہے اور نیشنل ایکشن پلان پر عملدرآمد کے حوالے سے تمام متعلقہ ادارے باہمی کوآرڈینیشن کے تحت کام کر رہے ہیں۔(جاری ہے)
دہشت گردوں کیلئے پاکستان میں کوئی جگہ نہیں۔ اپنی نسلوں کو محفوظ اور پرامن پاکستان دینے کا وعدہ پورا کریں گے۔
اجلاس کے دوران وزیراعلیٰ نے سپیشل برانچ کو جدید تقاضوں سے ہم آہنگ بنانے کیلئے جامع پروگرام پر عملدرآمد کی منظوری د یتے ہوئے کہا کہ سپیشل برانچ کے ہیومن ریسورس اور ٹیکنیکل ونگز کو فعال اور متحرک بنایا جائے گا۔ وزیراعلیٰ نے ہدایت کی کہ سپیشل برانچ کی تنظیم نو کے عمل کو تیز رفتاری سے آگے بڑھایا جائے اور اس ضمن میں شارٹ اور میڈیم ٹرم حکمت عملی وضع کی جائے۔ وزیراعلیٰ نے سپیشل برانچ میں نئی بھرتیوں کی بھی منظوری دیتے ہوئے کہا کہ سپیشل برانچ میں تعینات افسروں اور اہلکاروں کو کارکردگی کی بنیاد پر خصوصی مراعاتی پیکیج دیا جائے گا۔ انہوں نے ہدایت کی کہ اس ضمن میں 10 روز کے اندر کارکردگی کی بنیاد پر خصوصی مراعاتی پیکیج کو حتمی شکل دے کرسفارشات پیش کی جائیں۔ انہوں نے کہا کہ سپیشل برانچ میں تعینات افسروں اور اہلکاروں کی استعدادکار بڑھانے کیلئے تربیت پر خصوصی توجہ دی جائے اور اس ضمن میں ریفریشر کورسز کا اہتمام کیا جائے۔ اجلاس میں فیصلہ کیا گیاکہ سپیشل برانچ میں نئے بھرتی ہونے والے افسروں اور اہلکاروں کی کسی اور جگہ ٹرانسفر نہیں ہو سکے گی۔ وزیراعلیٰ نے ہدایت کی کہ سپیشل برانچ کے ریسرچ و ڈویلپمنٹ ونگ اور ٹیکنیکل انٹیلی جنس کو مزید بہتر بنانے پر توجہ دی جائے۔ انہوں نے کہا کہ انٹیلی جنس سکول کو بھی جدید تقاضوں سے ہم آہنگ کیا جائے گا۔ وزیراعلیٰ نے کہا کہ غیرملکی باشندوں کی حفاظت کیلئے سپیشل پروٹیکشن فورس تیار کی جا رہی ہے۔ سپیشل پرو ٹیکشن فورس کیلئے شفاف طریقے سے نئی بھرتی کا عمل جنگی بنیادوں پر مکمل کیا جائے۔ و زیراعلیٰ نے پنجاب بھر میں اہم مقامات کی سکیورٹی مزید بہتر بنانے کی ہدایت کرتے ہوئے کہا کہ ملک دشمنوں کے عزائم ناکام بنانے کیلئے جانفشانی اور جذبے سے کام کیا جائے اور سماج دشمن عناصر پر کڑی نظر رکھی جائے۔ انہوں نے کہا کہ پنجاب انفارمیشن ٹیکنالوجی بورڈ نے کرائم انٹیلی جنس سسٹم مرتب کر لیا ہے جس سے ملک دشمن عناصر کی سرگرمیوں پر کڑی نظر رکھی جا سکے گی اور جدید ٹیکنالوجی کی مدد سے ایسے عناصر کی سرکوبی میں مدد ملے گی۔ وزیراعلیٰ نے پنجاب انفارمیشن ٹیکنالوجی بورڈ کے چیئرمین کو کرائم انٹیلی جنس سسٹم مرتب کرنے پر مبارکباد دی اور ان کی کارکردگی کی تعریف کی۔ اراکین اسمبلی صوبائی رانا ثناء اﷲ، زعیم حسین قادری، معاون خصوصی رانا مقبول احمد، چیف سیکرٹری، انسپکٹر جنرل پولیس، سیکرٹریز داخلہ، متعلقہ سیکرٹریز اور قانون نافذ کرنے والے اداروں کے اعلیٰ حکام نے اجلاس میں شرکت کی۔متعلقہ عنوان :
مزید اہم خبریں
-
روس نے جرمن فاونڈیشن پر پابندی لگا دی
-
چین میں پاکستان کے سفیر کا دارالحکومت بیجنگ میں ہواوے کے نمائشی مرکز کا دورہ ، منصوبوں اور پاکستان کے ساتھ شراکت داری پر تبادلہ خیال
-
ایران : اصفہان میں دھماکوں کی آوازیں اسرائیل کا ایران پر’ ’میزائل حملہ“ کرنے کا دعوی
-
پاکستان کی معیشت 2047 تک تین ٹریلین ڈالرتک بڑھنے کی صلاحیت رکھتی ہے، سعودی سرمایہ کاروں کے لیے بینکاری اور سرمایہ کاری کے قابل منصوبے پیش کر یں گے، وزیرخزانہ محمداورنگزیب کی واشنگٹن میں ملاقاتوں ..
-
پاکستان میں مہنگائی تیزی سے کم ہو کر کم ترین سطح پر آگئی ہے،گورنر سٹیٹ بینک
-
پنجاب ،ضمنی انتخابات کے پیش نظر 10اضلاع میں دفعہ 144نافذ
-
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.