گندم کی خریداری میں کسانوں کے حقوق کا تحفظ کیا جائے گا، کوتاہی برداشت نہیں کی جائے گی ‘ وزیر کوآپریٹو پنجاب
منگل 28 اپریل 2015 14:22
لاہور ( اُردو پوائنٹ اخبار تازہ ترین۔ 28اپریل۔2015ء) صوبائی وزیر کوآپریٹو ملک محمد اقبال چنٹر ضلعی انتظامیہ کو ہدایت کی ہے کہ گندم خریداری کے تمام مراحل کی بھرپور مانیٹرنگ کی جائے اور مڈل مین کے رول کو ختم کیا جائے،گندم خریداری مہم میں کسی قسم کی غفلت برداشت نہیں کی جائے گی اور غفلت کے ذمہ داران کو سخت نتائج کا سامنا کرنا پڑے گا۔انہوں نے ہدایت کی کہ کسی بھی قسم کی شکایت کی صورت میں کارروائی عمل میں لائی جائے تاکہ کسانوں کی شکایات کا ازالہ کیاجاسکے۔
انہوں نے کہاکہ حکومت پہلے چھوٹے کاشتکاروں سے ان کا غلہ خریدے گی تاکہ انہیں ان کی محنت کا اجر مل سکے۔خداتعالیٰ کا بے پایاں کرم ہے اور کسانوں کی دن رات کی محنت کا ثمر ہے کہ اس سال بھی گندم کی ریکارڈ پیداوار ہوئی ہے۔(جاری ہے)
انہوں نے کہا کہ حکومت پنجاب نے کسانوں کی سہولت کیلئے پنجاب بھر میں گندم کی خریداری کے 376مراکز قائم کئے ہیں۔ متعلقہ محکمے ان مراکز پر گندم کی خریداری کے عمل کو شفاف بنانے کیلئے ہرممکن اقدامات کر رہے ہیں۔
انہوں نے کہاکہ وزیراعلیٰ پنجاب نے چھوٹے کاشتکاروں کیلئے 10ہزار ٹریکٹرز رعایتی نرخوں پر دینے کا اعلان کیا ہے جو نہایت خوش آئند ہے۔انہوں نے کہاکہ حکومت پنجاب نئے مالی سال میں 12.5ایکڑ تک کے چھوٹے کاشتکاروں کو ٹریکٹر فراہم کرے گی جنہیں فی ٹریکٹر 2لاکھ روپے کی سبسڈی دی جائے گی۔انہوں نے کہاکہ یہ اقدام حکومت پنجاب کی کسان دوست پالیسیوں کا کھلا ثبوت ہے۔صوبائی وزیرکو آپریٹونے کہا ہے کہ گندم کی خریداری میں کسانوں کے حقوق کا تحفظ کیا جائے گا۔انہوں نے کہاکہ حکومت پنجاب نے رواں سال 40لاکھ ٹن گندم خریدنے کا ہدف مقرر کیا ہے اور گندم کی قیمت 1300روپے فی من مقرر کی گئی ہے۔متعلقہ عنوان :
مزید اہم خبریں
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ایف بی آرکا ٹریک اینڈ ٹریس سسٹم ناکام
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.