دور دراز علاقوں کے بچوں کو ہنگامی طور پر اسکولوں میں لانے کے لئے ایک جامع منصوبہ تشکیل دیاجائے،سردار رضا محمد بڑیچ
پیر 27 اپریل 2015 21:31
کوئٹہ( اُردو پوائنٹ اخبار تازہ ترین۔ 27اپریل۔2015ء ) صوبائی مشیر تعلیم سردار رضا محمد بڑیچ نے کہا کہ ہم نیشنل کریکولم کونسل کے مقاصد اور اہداف تک اس وقت تک پہنچنے میں کامیاب ہوسکیں گے۔ جب ہم اس فورم کے تحت پورے ملک اور خصوصاً بلوچستان کے دور دراز علاقوں کے بچوں کو ہنگامی طور پر اسکولوں میں لانے کے لئے ایک جامع منصوبہ تشکیل دیں اور اس جامع منصوبہ کی تشکیل پر تمام صوبوں اور وفاق کا نہ صرف اتفاق رائے ہو بلکہ اس منصوبے کو عملی جامہ بھی پہنایا جائے۔
ان خیالات کا اظہار انہوں نے پانچویں بین الصوبائی وزراء تعلیم کانفرنس (IPEMC) کے افتتاحی سیشن سے خطاب کرتے ہوئے کیا۔ انہوں نے کہا کہ آئی پی ای ایم سی کے انعقاد کا مقصد پورے ملک اور بلوچستان میں معیار تعلیم کو عالمی معیار کے مطابق لانے کے لئے نیشنل ایجوکیشن پالیسی میں مزید اصلاحات لانا ہے۔(جاری ہے)
انہوں نے کہا کہ بین الصوبائی وزراء کانفرنس میں گورنر بلوچستان محمد خان اچکزئی، وزیر مملکت برائے تعلیم بلیغ الرحمان، صوبائی وزراء تعلیم سمیت وفاقی وصوبائی سیکریٹری، چیئرمین ہائر ایجوکیشن، ماہرین تعلیم کے علاوہ شعبہ تعلیم سے منسلک انٹرنیشنل این جی اوز کے ارکان نمائندے شریک ہیں اور ان کی قیمتی آراء سے ہم تعلیمی مسائل پر قابو پاسکیں گے۔
انہوں نے کہا کہ جہاں ملکی سطح پر تعلیمی حوالے سے پسماندہ علاقوں میں مختلف نوعیت کے مسائل ہیں وہیں صوبہ بلوچستان میں ہمارے بچوں کی نصف آبادی اسکول جانے سے محروم ہے اور اگر ہم ان بچوں کو اسکول میں لانے کے لئے کوششیں بھی کریں تو ہماری مالی مشکلات اتنی زیادہ ہیں کہ بدقسمتی سے حکومت کی جانب سے فراہم کردہ فنڈز ان اسکولوں کے انفراسٹرکچر پر خرچ ہوجاتے ہیں۔ انہوں نے کہا کہ ہماری تعلیمی ضروریات کو پورا کرنے کے لئے پورے صوبے میں بارہ ہزار سے زائد اسکولوں کی ضرورت ہے لیکن ہمارے پاس اتنے مالی وسائل نہیں کہ ہم اتنی بڑی تعداد میں اسکول تعمیر کرسکیں۔ انہوں نے توقع ظاہر کی کہ کانفرنس کے ایجنڈے میں شامل تمام نکات پر غوروخوص کے بعد انہیں حتمی شکل دی جائے گی اور تمام امور صوبوں اور وفاق کے باہمی اتفاق رائے سے طے پائے جائیں گے جن کے شعبہ تعلیم پر مثبت اور دوررس نتائج مرتب ہوں گے۔ مشیر تعلیم نے کانفرنس میں شرکت کے لئے باہر سے آنے والے مندوبین کا خیرمقدم کرتے ہوئے ان کا شکریہ ادا کیا اور کہا کہ بین الصوبائی وزراء تعلیم کانفرنس کا بلوچستان میں انعقاد ہمارے لئے باعث افتخار ہے۔متعلقہ عنوان :
مزید اہم خبریں
-
حسن اور حسین نواز کی بریت سے متعلق فیصلہ محفوظ
-
کراچی سے فورسز پر حملوں میں ملوث دہشت گرد گرفتار
-
بجلی 5روپے مہنگی کرنے کی درخواست نیپرا میں جمع
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.