(ن) لیگ کے وکیل کے دلائل پر انتہائی افسوس ہوا، انتخابی ریکارڈ پرمشتمل تھیلے دھاندلی کے شواہد سے بھرپور ہیں، ان تمام شواہد کی تحقیقات سے دھاندلی کے مکمل منصوبے کی جانچ ممکن ہے ، صوبائی حکومت بارش سے متاثرہ علاقوں میں امدادی سرگرمیاں تیز کر ے ،متاثرین کی مکمل معاونت یقینی بنائی جا ئے ،وفاقی حکومت فوری طور پر گندم کی تیار شدہ فصل کے تحفظ کیلئے اقدامات کرے ،کاشتکاروں کو متوقع نقصان سے محفوظ بنانے کیلئے موثر اقدامات اٹھائے
تحریک انصاف کے چیئرمین عمران خان کی جوڈیشل کمیشن کے اجلاس میں شرکت کے بعد میڈیا سے گفتگو
پیر 27 اپریل 2015 18:23
اسلام آباد ( اُردو پوائنٹ اخبار تازہ ترین۔ 27اپریل۔2015ء ) پاکستان تحریک انصاف کے چیئرمین عمران خان نے خیبرپختونخواہ میں بارش کے نتیجے میں ہونے والے جانی و مالی نقصان پر گہرے رنج اور افسوس کا اظہا رکیا ہے اور صوبائی حکومت کو امدادی سرگرمیاں تیز کرنے اور مشکلات میں گھرے شہریوں کی فوری اور مکمل معاونت یقینی بنانے کی ہدایت کی ہے، (ن) لیگ کے وکیل کے دلائل پر انتہائی افسوس ہوا، انتخابی ریکارڈ پرمشتمل تھیلے دھاندلی کے شواہد سے بھرپور ہیں، ان تمام شواہد کی تحقیقات سے دھاندلی کے مکمل منصوبے کی جانچ ممکن ہے۔
پیر کومئی 2013کے انتخابات میں کی گئی دھاندلی کی تحقیقات کیلئے چیف جسٹس آف پاکستان کی سربراہی میں قائم جوڈیشل کمیشن کے اجلاس میں شرکت کے بعد میڈیا سے گفتگو کرتے ہوئے تحریک انصاف کے چیئرمین نے کہا کہ بارشوں کے نتیجے میں خیبرپختونخواہ میں جانی و مالی نقصان ہوا ہے وہاں گندم کی تیار فصل کو نقصان پہنچنے کا بھی اندیشہ ہے۔(جاری ہے)
وفاقی حکومت فوری طور پر گندم کی تیار شدہ فصل کے تحفظ کیلئے اقدامات کرے اور کاشتکاروں کو متوقع نقصان سے محفوظ بنانے کیلئے موثر اقدامات اٹھائے۔
مئی 2013کے انتخابات میں دھاندلی کی تحقیقات کیلئے قائم کمیشن کی کارروائی پر بات کرتے ہوئے تحریک انصاف کے چیئرمین نے کہا کہ انہیں کمیشن کے رو برو مسلم لیگ (ن) کے وکیل کی جانب سے پیش کیے گئے دلائل پر انتہائی افسوس پہنچا ہے، کیونکہ دھاندلی میں ملوث عدالتی افسران سے پوچھ گچھ کے نتیجے میں عدلیہ کی ساکھ مجروح ہونے کے قطعاً کوئی امکانات نہیں۔ ملک میں آئندہ انتخابات کو صرف اسی صورت میں شفاف بنایا جا سکتا ہے کہ انتخابی اصلاحات کے ساتھ ساتھ مئی 2013کے انتخابات میں دھاندلی کا ارتکاب کرنے والے عناصر کو نہ صرف بے نقاب کیا جائے بلکہ انہیں عبرتناک سزائیں بھی سنائی جائیں۔ ان کا کہنا تھا کسی ادارے سے وابستہ شخص کی جانب سے کی جانے والی بددیانتی کی تحقیقات سے ادارے کی مجموعی ساکھ کو منسلک کرنا انتہائی نامعقول اور نامناسب بات ہے۔ انہوں نے کہا کہ جوڈیشل کمیشن آرڈیننس کی رو سے قائم کی گئی اسپیشل انوسٹی گیشن ٹیم کے ذریعے ان 60سے 70حلقوں جن کی نشاندہی پیپلز پارٹی کے رہنما اعتزاز احسن نے جوڈیشل کمیشن کے رو برو اپنے دلائل کے دوران کی، میں نتائج کی جانچ کے ذریعے مئی 2013کے انتخابات میں کی جانے والی دھاندلی اس کی نوعیت اور اس کے مرتکب عناصر کو بے نقاب کیا جا سکتا ہے۔ انہوں نے کہا کہ انتخابی ریکارڈ پرمشتمل تھیلے دھاندلی کے شواہد سے بھرپور ہیں اور ہفتہ بھر میں ان تمام شواہد کی تحقیقات سے دھاندلی کے مکمل منصوبے کی جانچ ممکن ہے۔متعلقہ عنوان :
مزید اہم خبریں
-
پاکستان کیلئے ایک اوربڑا اعزاز
-
زین قریشی کومریم نوازسے پوچھنے کی بجائے خود شرم سے ڈوب مرنا چاہیے‘ عظمیٰ بخاری
-
قدرتی آفات سے پیداہونے والی صورتحال سے نمٹنے اور لوگوں کے ریسکیو و مدد کےلئے جامع لائحہ عمل ضروری ہے،امداد کو شفاف انداز سے لوگوں تک پہنچایا جائے،حالیہ طوفانی بارشوں کے متاثرین کو کسی قیمت اکیلا ..
-
پنجاب کابینہ نے عمران خان اور شاہ محمود قریشی کے اڈیالہ جیل میں ٹرائل کی منظوری دے دی
-
پاکستان میں حملے سے جانی نقصان پر گہرا افسوس ہے، امریکا
-
لانگ مارچ توڑ پھوڑکیس، عمران خان کی 2کیسز میں بریت کی درخواست منظور
-
رواں مالی سال 4.8 ارب ڈالر کا انتظام کرنا ہے،گورنر سٹیٹ بینک
-
شوکت یوسفزئی نے 15 کروڑ ہرجانہ کیس کا فیصلہ چیلنج کردیا
-
حکومت کی پوری توجہ معیشت کو درست کرنے پر مرکوز ہے ، وفاقی وزیر قانون اعظم نذیر تارڑ
-
اسرائیل کاشام کے دارالحکومت دمشق پر فضائی حملہ‘ دشمن کے کچھ راکٹوں کو مار گرایا.دمشق
-
ہم وہ ہوتے ہیں جو ہم کھاتے ہیں
-
ایران: اس سال نوروز کے تہوار کے لیے عوام قناعت پر مجبور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.