پاکستان حرمین شریفین کی حفاظت کیلئے پرعزم ،سعودی عرب کے ساتھ کھڑا ہے،ممنون حسین
پاکستانی عوام ،حکمران سعودی عرب کیلئے خصوصی جذبات رکھتے ہیں، وہاں میں موجود پاکستانی دونوں ممالک کے درمیان پل کا کردار ادا کررہے ہیں، صدر مملکت کی امام کعبہ سے گفتگو یقین ہے سعودی عرب پر مشکل وقت آیا تو پاکستان پیچھے نہیں ہٹے گا، الشیخ ڈاکٹر خالد الغامدی کا خیبرپختونخوا میں بارشوں، طوفان سے ہونیوالے جانی ومالی نقصان پر اظہار افسوس
پیر 27 اپریل 2015 17:53
اسلام آباد(اُردو پوائنٹ اخبار تازہ ترین۔ 27اپریل۔2015ء) صدر مملکت ممنون حسین نے کہا ہے کہ پاکستان حرمین شریفین کی حفاظت کے لیے پرعزم ہے۔ پاکستان سعودی عرب کے ساتھ کھڑا ہے، اس میں کسی کو کوئی شک نہیں ہونا چاہیے۔ امام کعبہ الشیخ ڈاکٹر خالد الغامدی نے ایوان صدر میں صدر مملکت ممنون حسین سے ملاقات کی ۔ صدر مملکت نے کہا کہ پاکستان کے عوام اور حکمران سعودی عرب کیلئے خصوصی جذبات رکھتے ہیں۔
پاکستانیوں کے دل سعودی عرب کے ساتھ دھڑکتے ہیں۔ انھوں نے کہا کہ جو چیز سعودی عرب کے لیے اچھی ہے وہ پاکستان کے لیے بھی اچھی ہے اور جو چیز سعودی عرب کے لیے اچھی نہیں وہ پاکستان کے لیے بھی اچھی نہیں۔ صدر مملکت نے کہا کہ پاکستانیوں کی ایک بڑی تعداد سعودی عرب میں موجود ہے جو دونوں ملکوں کے درمیان پل کا کردار ادا کررہی ہے۔(جاری ہے)
امام کعبہ الشیخ ڈاکٹر خالد الغامدی نے کہا کہ پاکستان اور سعودی عرب کے درمیان گہرے تعلقات ہیں جن کی بنیادیں بہت مضبوط ہیں۔
انھوں نے کہا کہ پاکستانی عوام میں حرمین شریفین اور سعودی حکومت کے ساتھ محبت میں کوئی شک نہیں ہے۔ دونوں ملکوں کے تعلقات میں کوئی دراڑ نہیں آسکتی، دونوں ملکوں کے مقاصد ایک ہیں۔ انھوں نے کہا کہ پاکستان کے تمام طبقات حرمین شریفین کی حفاظت کے لیے پرعزم ہیں۔ امام کعبہ نے کہا کہ انھیں یقین ہے کہ اگر سعودی عرب پر مشکل وقت آیا تو پاکستان پیچھے نہیں ہٹے گا۔ اس موقع پر امام کعبہ نے خیبر پختون خوا میں بارشوں اور طوفان سے ہونے والے جانی و مالی نقصان پر افسوس کا اظہار کیا۔ ملاقات کے بعد صدر مملکت ممنون حسین اور امام کعبہ نے تحائف کا تبادلہ بھی کیا۔ امام کعبہ الشیخ ڈاکٹر خالد الغامدی نے ایوان صدر اسلام آباد میں نماز ظہر کی امامت کی جس میں صدر مملکت ممنون حسین سمیت ایوان صدر کے افسروں اور ملازمین کی بڑی تعداد نے شرکت کی۔ نماز کے بعد امام کعبہ نے سورۃ الضحیٰ کی تلاوت کی اور پاکستان کے استحکام، ترقی اور خوشحالی کیلئے خصوصی دعائیں کی۔ امام کعبہ نے سعودی عرب کی سالمیت اور استحکام اور امت مسلمہ کے اتحاد اور یکجہتی کیلئے بھی خصوصی دعا کی۔ امام کعبہ نے صدر مملکت کی صحت اور درازی عمر کیلئے بھی دعا کی۔متعلقہ عنوان :
مزید اہم خبریں
-
’مئی جون تک نئی سیاسی جماعت آجائے گی‘ شاہد خاقان عباسی کا اعلان
-
حسن اور حسین نواز کی بریت سے متعلق فیصلہ محفوظ
-
ہمارے شہداءکے قاتل افغانستان میں ہوں تو پھر کارروائی کا حق رکھتے ہیں،خواجہ آصف
-
کراچی سے فورسز پر حملوں میں ملوث دہشت گرد گرفتار
-
پاکستان میں ہونے والے حملے میں جانی نقصان پر افسوس ہے،ترجمان امریکی محکمہ خارجہ
-
بجلی 5روپے مہنگی کرنے کی درخواست نیپرا میں جمع
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.