خیبرپختونخوا کے غیور عوام نے کینٹ بورڈ ز کے انتخابات میں سہ فریقی اتحاد کو مستردکردیا،پرویزخٹک

پشاور(اُردو پوائنٹ اخبار تازہ ترین۔ 25اپریل۔2015ء) وزیر اعلیٰ خیبرپختونخوا پرویز خٹک نے کہا ہے کہ خیبرپختونخوا کے غیور عوام نے کینٹ بورڈ ز کے انتخابات میں سہ فریقی اتحاد کو مستردکردیااور ان کا صفایا کردیا پاکستان تحریک انصاف اور جماعت اسلامی کے امیدواروں کی کامیابی جمہوریت اور انصاف کی فتح اور پاکستان تحریک انصاف کی اتحادی حکومت پر بھر پور اعتماد کامظہر ہے صوبہ بھر میں تحریک انصاف کی بھر پور کامیابی سے مخالفین کو اپنی حیثیت کا اندازہ ہو گیا بلدیاتی انتخابات میں بھی یہی روایت برقرار رکھتے ہوئے کلین سویپ کریں گے۔

وہ نوشہر ہ میں میڈیا سے خصوصی بات چیت کررہے تھے اس موقع پر صوبائی وزیر ایکسائز اینڈ ٹیکسشن میاں جمشید الدین کاکاخیل بھی انکے ہمرا تھے وزیر اعلی خیبرپختونخوا پرویز خٹک نے کامیاب ہونے والے امیدواروں کو مبارک دی اور پاکستان تحریک انصاف اور اتحادیوں کی کامیابی کو انصاف کی فتح قراردیا انہوں نے نوشہرہ چھاؤنیوں میں پی ٹی آئی اور جماعت اسلامی کے مشترکہ امیدواروں کی کامیابی کو نیک شگون قراردیا اور کہا کہ اس سے صوبے میں تبدیلی کاسفر جاری رہے گایہ کامیابی پاکستان تحریک انصاف پر عوام کے بھر پور اعتماد کا مظہر ہے انہوں نے کہا کہ جماعت اسلامی اور پی ٹی آئی کا اتحاد فطر ی ہے سہ فریقی اتحاد کو اس لیے عوام نے مستر دکیا کہ انہوں نے عوام کے لیے کچھ نہیں کیا صوبے کے تمام کینٹ بورڈ ز میں تحریک انصاف کی کامیابی صوبے کے عوام کا تحریک انصاف کی بہتر کارکردگی کی علامت ہے۔

(جاری ہے)

انہوں نے پارٹی کی تنظیموں پر زور دیا کہ وہ اسی طرح بھر پور کارکردگی دکھاتے ہوئے بلدیاتی انتخابات میں بھی تحریک انصاف کو کامیاب کروائیں گے۔ انہوں نے کہا کہ میں نوشہرہ کے عوام کا مشکور ہوں جنہوں نے ہمیشہ مجھ پر اعتماد کیا انہوں نے کہا کنٹنو نمنٹ بورڈ کے انتخابات میں فوج کا کردار بہت اہم رہا انتخابات کا تمام مرحلہ فوج کی نگرانی میں جاری رہا اور صاف و شفاف انتخابات کرواکر فوج نے اپنا کردار اداکیا۔انہوں نے صاف وشفاف انتخابات کروانے پر الیکشن کمیشن کی کوششوں کوسراہا انہوں نے کہا کہ بلدیاتی انتخابات میں بھی پی ٹی ائی اور اتحادیوں کی کامیابی یقینی ہوگئی ۔ اور انشاء اﷲ کینٹ انتخابات کی طرح بلدیاتی انتخابات میں بھی پی ٹی ائی کلین سویپ کرے گی۔