جمہوریت کی بقا کیلئے 2013کے الیکشن کو قبول کیا تھا،میاں افتخارحسین
ہمیں 2013کے الیکشن میں دہشت گردی کی بنیاد پر انتخابی مہم چلانے سے روکا گیا ،اور اس کے شواہد ہمارے پاس موجود ہیں، رہنماء عوامی نیشنل پارٹی
جمعہ 24 اپریل 2015 20:59
پشاور(اُردو پوائنٹ اخبار تازہ ترین۔ 24اپریل۔2015ء) عوامی نیشنل پارٹی کے مرکزی جنرل سیکرٹری میاں افتخار حسین نے کہا ہے کہ جمہوریت کیلئے اے این پی نے ہمیشہ سے قربانیاں دی ہیں اور جمہوریت کی بقا کیلئے 2013کے الیکشن کو قبول کیا تھا ، سپریم کورٹ آف پاکستان میں پیشی کے بعد اسلام آباد میں صحافیوں سے بات چیت کرتے ہوئے انہوں نے کہا کہ عدالت میں بھی ہمارا کیس مضبوط ہے کیونکہ باقی تمام پارٹیوں نے بیلٹ بکس کے حوالے سے دھاندلی کے ثبوت پیش کئے تاہم عوامی نیشنل پارٹی کے پاس اس حوالے سے ٹھوس شواہد موجود ہیں کہ ہمیں الیکشن کے دوران کس طرح انتخابی عمل سے دور رکھا گیا ، اس موقع پر اے این پی کے رہنما عبدالطیف آفریدی ، افراسیاب خٹک اور بشریٰ گوہر بھی ان کے ہمراہ تھے ، انہوں نے کہا کہ ہمیں 2013کے الیکشن میں دہشت گردی کی بنیاد پر انتخابی مہم چلانے سے روکا گیا ،اور اس کے شواہد ہمارے پاس موجود ہیں انہوں نے کہا کہ الیکشن مہم کے دوران ہمارے رہنماؤں اور کارکنوں پر جو خودکش حملے کئے گئے اور دھمکیاں دی گئیں ان کا ریکارڈ اور ایف آئی آرز بھی موجود ہیں جبکہ دھمکیوں کے حوالے سے میڈیا پر چلنے والی خبروں کا ریکارڈ بھی محفوط ہے ، میاں افتخار حسین نے کہا کہ اے این پی کے مرکزی صدر اسفندیار ولی خان کی طرف سے اس سلسلے میں الیکشن کمیشن کو خط بھی لکھا گیا تھا ، تاہم انہوں نے کہا کہ اے این پی کو جوڈیشل کمیشن پر اعتماد ہے اسی لئے ہم اپنا مؤقف پیش کرنے جوڈیشل کمیشن آئے ہیں ، انہوں نے کہاکہ جوڈیشل کمیشن میں مسلم لیگ ن اور پی ٹی آئی کے درمیان جنگ دکھائی دے رہی ہے جبکہ دھاندلیوں کے حوالے سے21 سیاسی جماعتوں اور مختلف افراد کی جانب سے ریکارڈ پیش کئے ہیں ، انہوں نے میڈیا سے کہا کہ اسے ٹوپارٹی شو بنا کر پیش نہ کیا جائے بلکہ برابری کی بنیاد پر کوریج کی جائے کیونکہ دھاندلی کے حوالے سے تمام جماعتوں نے اس میں حصہ لیا ہے جبکہ اے این پی کا مؤقف سب سے زیادہ مضبوط ہے کیونکہ اس وقت خطے میں جن عناصر کے مفادات وابستہ تھے اے این پی ان کے مفادات کی راہ میں بڑی رکاوٹ تھی ، اسی لئے ہمیں راستے سے ہٹانے کیلئے ایسے ہتھکنڈے استعمال کئے گئے۔
مزید اہم خبریں
-
2 سال ہو گئے،دوسرے ملک سے تو معلومات نہیں مانگ رہے،جسٹس محسن اخترکیانی کے ریمارکس
-
سموسہ فروش کی 2 بیٹیاں کمیشن پاس کرکے گزیٹڈ آفیسر بن گئیں
-
یو اے ای اور پاکستان میں عید الفطر کی تاریخ سے متعلق پیش گوئی کر دی گئ
-
پاکستان میں ایکس کی بندش دوسرے ماہ میں داخل
-
پاک افغان سرحد پر کشیدگی کے بعد لڑائی رُک گئی ہے، طالبان حکومت
-
پوٹن کا دوبارہ انتخاب، روس میں کون سی تبدیلیاں آ سکتی ہیں؟
-
حسن اور حسین نواز فلیگ شپ،ایون فیلڈاور العزیز ریفرنسز سے بری
-
پرویز الٰہی جیل واش روم میں گر گئے،فریکچر ہوگیا،جیل رپورٹ
-
پاکستان کیلئے ایک اوربڑا اعزاز
-
کور کمیٹی میں اندرونی معاملات پر بات ہوئی، کسی پر کوئی پابندی نہیں لگی، بیرسٹر گوہر
-
زین قریشی کومریم نوازسے پوچھنے کی بجائے خود شرم سے ڈوب مرنا چاہیے‘ عظمیٰ بخاری
-
قدرتی آفات سے پیداہونے والی صورتحال سے نمٹنے اور لوگوں کے ریسکیو و مدد کےلئے جامع لائحہ عمل ضروری ہے،امداد کو شفاف انداز سے لوگوں تک پہنچایا جائے،حالیہ طوفانی بارشوں کے متاثرین کو کسی قیمت اکیلا ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.