صرف اس وجہ سے گھر کی کمیٹیوں کے پیسے خرچ کرتا رہا کہیں بجلی ‘ ٹیلیفون منقطع ہونے سے پیپلز پارٹی کی عزت نیلام نہ ہو جائے ‘ اقبال سیالوی
منظور وٹو نے میرے معاملے پر اپنی بنائی گئی تین رکنی کمیٹی کی سفارشات ماننے سے انکار کر دیا،انصاف نہ ملا تو خود سوزی کر لوں گا اقبال سیالوی نے واقعی اپنی جیب سے اخراجات کئے ، واجبات کی ادائیگی کیلئے پارٹی فنڈ میں رقم موجود ہے ‘ فنانس سیکرٹری اورنگزیب برکی
جمعہ 24 اپریل 2015 19:58
لاہور( اُردو پوائنٹ اخبار تازہ ترین۔ 24اپریل۔2015ء) پیپلز پارٹی پنجاب کے ڈپٹی سیکرٹری اطلاعات و دیرینہ کارکن اقبال سیالوی نے کہا ہے کہ پارٹی کی عزت بچانے کی خاطر گھر میں ڈالی گئی کمیٹیوں کے پیسے لا کر صوبائی سیکرٹریٹ میں خرچ کر ڈالے ، پنجاب کے صدر منظور وٹو نے میرے واجبات کی ادائیگی کے معاملے پر بنائی گئی اپنی تین رکنی کمیٹی کی سفارشات کو یہ کہتے ہوئے جھٹلا دیا کہ کونسی کمیٹی ،کیسا فیصلہ اور میں نے کیسے واجبات ادا کرنے ہیں،واضح کرنا چاہتا ہوں کہ اگر انصاف نہ ملا تو خود سوزی کر لوں گا ۔
گزشتہ روز ’’ اُردو پوائنٹ اخبار تازہ ترین۔ 24اپریل۔2015ء ‘‘سے گفتگو کرتے ہوئے اقبال سیالوی نے کہا کہ منظور وٹو نے پنجاب کی صدارت سنبھالنے کے بعد کہا کہ ہمارے پاس ابھی فنڈز نہیں ہیں ،انکی صاحبزادی کے سیکرٹریٹ کا دورہ کرنے پر اوکاڑہ سے آنے والے انکے درجنوں افراد کے لئے میں نے اپنی جیب سے انتظامات کئے ۔(جاری ہے)
سات ماہ تک سیکرٹریٹ کے ملازمین کو تنخواہوں کی ادائیگی ،صرف اس وجہ سے گھر میں ڈالی گئی کمیٹیوں کے پیسے لا کر خرچ کرتا رہا کہ کہیں بجلی کا میٹر اور ٹیلیفون کے منقطع ہوجانے سے پارٹی کی عزت نیلام نہ ہو جائے لیکن مجھے آج اس کا یہ صلہ دیا جارہا ہے ۔
جن لوگوں نے میرے گھر والوں سے رقم لینی ہے وہ گھر کا دروازہ توڑ رہے ہیں۔اقبال سیالوی نے بتایا کہ منظور وٹو نے میرے واجبات کی ادائیگی کے معاملے پر تنویر اشرف کائرہ‘ اورنگزیب برکی اور منظور مانیکا پر مشتمل تین رکنی کمیٹی بنائی جس نے سارے حساب کتاب کی جانچ پڑتا ل کی اور 5لاکھ 12ہزار روپے واجبات نکلے لیکن مجھے کہا گیا کہ آپ 3لاکھ97ہزار لے لیں جس پر میں راضی ہو گیا لیکن جب کمیٹی نے منظور وٹو سے رقم دینے کی سفارش کی تو انہوں نے کہا کہ کونسی کمیٹی، کیسا فیصلہ اور میں نے کس مد میں واجبات دینے ہیں جس پر کمیٹی کے لوگ بھی حیران رہ گئے ۔اقبال سیالوی نے کہا کہ اگرمجھے انصاف نہ ملا تو میں خود سوزی کر لوں گا اور ا س سے یہ ضرور بتاؤں گا اس کی ذمہ داری کس پر عائد ہو گی ۔ اس حوالے سے جب پنجاب کے فنانس سیکرٹری اورنگزیب برکی سے رابطہ کیا گیا تو انہوں نے کہا کہ اس معاملے کے بعد پیپلز پارٹی پنجاب کے صدر منظور وٹو سے رابطہ ہوا ہے اور انہیں کہا ہے کہ اقبال سیالوی غریب اور ہمارا دیرینہ کارکن ہے اور اس نے واقعی اپنی جیب سے اخراجات کئے ہیں ۔ انہوں نے ایک سوال کے جواب میں کہا کہ پارٹی کے فنڈز میں اتنے پیسے موجود ہیں جس سے اقبال سیالوی کے واجبات کی ادائیگی ہو سکے لیکن میں از خود ادائیگی نہیں کر سکتااس کے لئے پارٹی صدر کی منظوری ضروری ہے۔یاد رہے کہ پیپلز پارٹی کے دیرینہ کارکن اقبال سیالوی نے اپنے لاکھوں روپے کے واجبات نہ ملنے پر جمعرات کے روز لاہور پریس کلب کے سامنے خود سوزی کی کوشش کی تھی جسے ناکام بنا دیا گیا تھا۔متعلقہ عنوان :
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.