علاقے کے مسائل سے اچھی طرح واقف اور انہیں حل کروانے کی اہلیت بھی رکھتا ہوں‘غلام ربانی

منگل 21 اپریل 2015 21:22

راولپنڈی ( اُردو پوائنٹ اخبار تازہ ترین۔ 21اپریل۔2015ء ) چکلالہ کینٹ بورڈ وارڈ 7سے پاکستان عوامی تحریک کے امیدوار غلام ربانی نے کہا کہ میں اسی وارڈ میں پلا بڑھا ، علاقے کے مسائل سے اچھی طرح واقف اور انہیں حل کروانے کی اہلیت بھی رکھتا ہوں۔یہاں کے لوگ مقامی سرکاری سکولوں سے پڑھ اعلیٰ عہدوں پر فائز ہوتے رہے مگر آج یہاں کی تعلیمی اداروں پر سرمایہ داروں کا قبضہ ہے۔

ان خیالات کا اظہار انہوں نے گزشتہ روز طارق آباد میں اپنی انتخابی مہم کے دوران لوگوں سے گفتگو کرتے وئے کیا ۔

(جاری ہے)

اس موقع پر ملک طاہر جاوید ،راجہ ارشد،حسان احمد، اور یونس چیمہ بھی ان کے ہمراہ تھے ۔غلام ربانی نے مزید کہا کہ ہر گلی کے نکڑ پر گندگی کے ڈھیر، مکیں صفائی کے عملے کی شکلیں تکنے کو بھی ترس گئے ہیں۔ اگر علاقے کے لوگوں نے اعتماد کیا تو مایوس نہیں کروں گا ۔

صاف پانی کی دستیابی کیلئے وارڈ میں کم از کم تین مقامات پر فلٹریشن پلانٹس کا قیام ،ایک فعال ڈسپنسری ،خواتین کیلئے ایک دستکاری سینٹر ،لائبریری اورپانی کی منصفانہ تقسیم میرا منشور ہے ۔پاکستان عوامی تحریک غریب ا ور متوسط طبقے کی نمائندہ جماعت ہے ،ہمارے سار ے امیدواروں کا تعلق انہی طبقات سے ہے ۔ عوام کی خاموش اکثریت ہمیں ضرور ووٹ دے گی ۔

Facebook Twitter Google + Share on Whatsapp

علاقے کے مسائل سے اچھی طرح واقف اور انہیں حل کروانے کی اہلیت بھی رکھتا ہوں‘غلام ربانی

مزید اہم خبریں