ایک ساتھ آزادی حاصل کی ،چین کہاں پہنچ گیا اور ہم کہاں کھڑے ہیں، سراج الحق
چین سے سبق سیکھنا ہوگا،ہمارے پاس باصلاحیت نوجوان ہیں،کرپشن ایک ناسور کی شکل میں ہمیں دیکم کی طرح کھوکھلا کر دیا ہے، کرپشن کیخلاف جہاد کرنا ہوگا، میڈیا سے گفتگو
پیر 20 اپریل 2015 18:04
کراچی(اُردو پوائنٹ اخبار تازہ ترین۔ 20اپریل۔2015ء) جماعت اسلامی کے امیر سراج الحق نے کہا کہ چین کے صدر کو پاکستان میں خوش آمدید کہتے ہیں ،ہمیں چین سے سبق سیکھنا ہوگا ،چین پاکستان کے ساتھ ہی معرض وجود میں آیا تھا ،آج چین دنیا کی سب سے بڑی معاشی طاقت بن چکا ہے اور ہم لوگ کہاں کھڑے ہیں،پاکستان میں چین سے زیادہ باصلاحیت نوجوان موجود ہیں مگر کرپشن کی وجہ سے ملک میں موجود اشرافیہ نے ان نوجوانوں کی صلاحیتوں کو ضائع کیا ہے۔
ان خیالات کا اظہار انہوں نے پیر کے روز ادارہ نورالحق میں میڈیا سے گفتگو کرتے ہوئے کیا ۔انہوں نے کہا کہ ترقی یافتہ ممالک میں آئین و قانون کی بالادستی ہوتی ہے اور وہاں کے عوام اور حکمران برابر ہوتے ہیں ،ہمیں بیرونی خطرات سے زیادہ کرپشن سے خطرہ ہے جو ایک ناسور کی شکل میں ہمیں دیمک کی طرح کھوکھلا کر دیا ہے۔(جاری ہے)
ہمیں کرپشن کے خلاف جہاد کرنا ہوگا،کراچی میں ہمیشہ الیکشن کے نام پر سلیکشن ہوتی رہی ہے اور اس بار سلیکشن کو بائیومیٹرک سسٹم کا استعمال کر کے روکا جائے ،انہوں نے کہا کہ ملک بھر میں 7 کروڑ سے زائد سمز کی بائیومیٹرک تصدیق ہو سکتی ہے تو این اے246 میں صرف 2 لاکھ ووٹرز کے لئے بائیومیٹرک سسٹم کیوں نہیں لگایا جا سکتا ،کرپشن اور سیاستدان ساتھ ساتھ نہیں چل سکتے ،عوام کو دونوں میں سے کسی ایک کا منتخب کرنا ہوگا۔
سراج الحق نے کہا کہ کراچی کی عوام اس بار ان لوگوں کو موقع دیں جن پر کرپشن اور پلاٹوں پر قبضے کا کبھی الزام نہ لگا ہو،تحریک انصاف این اے246 کے ضمنی انتخابات کے دوران دوستانہ میچ کھیلیں گے،انہوں نے کہا کہ ہمیں سوچ اور ووٹ کے ذریعے انقلاب لانا ہوگا ،کراچی اور ملک کے دیگر حصے لازم وملزوم ہیں ۔مزید اہم خبریں
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
پاکستانی کمپنی کو یو اے ای کی کمپنی سے بڑا آرڈر مل گیا
-
جوڈیشل عدالت نے محمود خان اچکزئی کے ناقابل ضمانت وارنٹ گرفتاری جاری کر دئیے
-
غزہ پالیسی: امریکی محکمہ خارجہ کی ایک ترجمان مستعفٰی
-
نادرا کی جانب سے 3 کروڑ اسمارٹ کارڈز کی خریداری میں بے ضابطگیوں کا انکشاف
-
اسٹیٹ بینک کی مارکیٹ سے ریکارڈ 4.2 ارب ڈالر کی خریداری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.