ہماری وفاداری سعودی یا ایرانی حکومت سے نہیں اسلام اور پاکستان سے ہو نی چاہیئے،صاحبزادہ جمیل احمدقادری
ہمارے لئے سب سے پہلے اسلام اور پھر پاکستان اس کے بعد دیگر اسلامی ممالک ہمیں عزیز ہیں ،خلیل احمدشیخ
ہفتہ 18 اپریل 2015 21:06
کراچی(اُردو پوائنٹ اخبار تازہ ترین۔ 18اپریل۔2015ء) اہلسنّت قاضی یوتھ کونسل پاکستان کے چیئرمین صاحبزادہ جمیل احمدقادری، قاضی خلیل احمدشیخ،قاضی مسلم، قاضی شکیل احمد، قاضی محمدعمر قادری ودیگرنے اپنے ایک بیان میں کہا ہے کہ ہماری وفاداری سعودی یا ایرانی حکومت سے نہیں صرف اور صرف اسلام اور پاکستان سے ہو نی چاہیئے۔ہمارے لئے سب سے پہلے اسلام اور پھر پاکستان اس کے بعد دیگر اسلامی ممالک ہمیں عزیز ہیں ،پاکستان کو دہشتگردوں کے رحم وکرم پر چھوڑ کر اپنی فوجیں سعودی عرب بھیجنادانشمندی نہیں ہوگی،یمن میں فوج بھیجنے کیلئے حکومت پر دباؤ ڈالنے والے مذہبی رہنما پاکستان سے زیادہ سعودی حکومت کے وفاد ارلگتے ہیں۔
انہوں نے کہاکہ پوری قوم نے پارلیمنٹ کی قراردادکو سراہاہے ،لیکن پاکستان میں رہنے اور پاکستان کا کھانے والے چند عناصرپارلیمنٹ کی قرار داد کو سازش قرار دے کرملک دشمنی کا ثبوت دے رہے ہیں۔(جاری ہے)
انہوں نے کہاکہ سیاسی جماعتیں پارلیمنٹ کی تو ہین کے خلاف آواز اٹھائیں ،پاکستان میں کسی نے فرقہ واریت کے نام پر فساد کرنے کی کوشش کی تو اہلسنّت پوری طاقت کے ساتھ میدان میں آکر اس سازش کو ناکام بنائیں گے۔
انہوں نے مزیدکہاکہ سعودی عرب میں امریکی فوجیوں کی موجودگی سے حرمین شریفین کا تقدس پامال ہورہا ہے،یمن بحران میں دوست ملک اور ہمسایہ ملک میں سے کسی ایک کو بھی نا راض نہ کیا جائے۔صاحبزادہ جمیل احمدقادری نے مزید کہا کہ سعودی بادشاہ جواب دیں کہ اگر یمن میں منصور ہادی کی حکومت کے خلاف بغاوت ناجائز ہے تو پھر مصر میں محمد مرسی کی حکومت کے خلاف بغاوت جائز کیسے ہے ۔موجودہ ملکی صورتحال میں پاکستان کو مستقل وزیر خارجہ کی ضرورت ہے۔خارجہ پالیسی کو ایک مشیر اور ایک معاون خصوصی کے ذریعے چلانا مناسب نہیں ۔صاحبزادہ جمیل احمدقادری نے کہا کہ پاکستان اس وقت اپنی سا لمیت اور بقاء کی جنگ لڑ رہا ہے ایسے وقت میں فوج کو کسی بیرونی جنگ میں الجھانا خود کشی ہو گی۔بلوچستان کی صور تحال ہمیں اجازت نہیں دیتی کہ ہم ایوان سے تعلقات کو دشمنی میں بدل لیں ۔مذہبی رہنما پاکستانی قوم کو تحفظ حرمین شریفین کے نام پر تقسیم نہ کریں کیونکہ حرمین شریفین کو اس وقت براہ راست کوئی خطرہ نہیں۔یمن بحران پر ہماری خاجہ پالیسی واضح ہو گئی ہے۔نا اہل حکمران پاکستان کو وزیر خارجہ اور خارجہ پالیسی کے بغیر چلا رہے ہیں۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.