مارکیٹوں کے بند ہونے کا فیصلہ تاجر برادری کی مشاورت سے کیا جائی‘ پیاف

ہفتہ 18 اپریل 2015 16:33

لاہور ( اُردو پوائنٹ اخبار تازہ ترین۔ 18اپریل۔2015ء)پا کستان انڈسٹریل اینڈ ٹریڈرز ایسو سی ایشن فرنٹ ( پیاف ) کے چئیرمین عرفان اقبال شیخ نے گزشتہ دنوں وزیراعظم کی زیر صدارت کابینہ کے ہو نے والے اجلاس میں پنجاب اور اسلام آباد میں مارکیٹیں رات 8 بجے بند کرنے کے مجوزہ فیصلہ پر تحفظات کا اظہار کیا ہے۔ عرفان اقبال نے تاجر برادری کے مختلف وفود سے ملاقات کرتے ہوئے کہا کہ ہمارے ملک کے کلچر کو دیکھتے ہوئے اوقات کی تبدیلی مرحلہ وارکی جائے ۔

کوئی بھی فیصلہ کرنے سے پہلے تاجر برادری کو اعتماد میں لیا جائے۔ انہوں نے کہا کہ سخت گرمی کے موسم میں دوپہر کے وقت کاروباری سر گرمیاں بہت کم ہوتی ہیں اور لوگ شام کے وقت خریدوفروخت کرتے ہیں۔ انہوں نے کہا کہ بہت اچھی بات ہے کہ حکومت توانائی بحران کو حل کرنے کے لئے کوششیں کر رہی ہے اور عوام میں بجلی کی بچت کا شعور پیدا کر رہی ہے لیکن حکومت وہ اقدامات کرے جن سے تاجر برادری اور عوام کو فائدہ ملے ۔

(جاری ہے)

چیئرمین پیاف نے کہا کہ بجلی کے نرخوں میں کمی کی جائے، بجلی چوروں پرگرفت کو مضبوط کیا جائے اور لائن لاسز کم کئے جائیں۔ انکا کہنا تھا کہ بجلی کے حالیہ منصوبوں کی روزانہ کی بنیاد پر مانیٹرنگ کی جائے تا کہ ذیادہ سے ذیادہ بجلی سسٹم میں آسکے۔چیئرمین پیاف نے احکام بالا سے ا پیل کرتے ہوئے کہا کہ حکومت کو کوئی بھی فیصلہ کرنے سے پہلے مارکیٹوں کے نمائندوں کو اعتماد میں لینا چاہئے۔ تاجر دوست فیصلے کئے جائیں تا کہ ملکی معیشت ترقی کی راہوں گامزن رہے اور تاجر برادری ملکی ترقی میں اپنا کردار ادا کرتے رہیں۔ ایسے وقت میں جبکہ بلدیاتی الیکشن سر پے ہیں اس مسئلہ کو اچھالنا نقصان دے ہوگااور ہم نہیں چاہتے کہ کسی بھی قسم کے منفی اثرات ا لیکشن پراثرر انداز ہوں ۔