چینی صدر کا دورہ پاکستان، وزارت خارجہ سمیت اہم وزارتوں کے افسران کی چھٹیاں منسوخ
ہفتہ 18 اپریل 2015 12:44
اسلام آباد ( اُردو پوائنٹ اخبار تازہ ترین۔ 18اپریل۔2015ء ) چین کے صدر شی چنگ پنگ کے اہم دورہ پاکستان کے باعث وزارت خارجہ ، وزارت اطلاعات و نشریات ، وزارت داخلہ ، وزارت خزانہ اور وزارت منصوبہ بندی پانی وبجلی پٹرولیم و قدرتی وسائل کے افسران کی چھٹیاں منسوخ کردی گئیں ، ان اہم وزارتوں کے افسران نے ہفتہ کو اپنے دفاتر میں حاضری دی اور چینی صدر کے دورے سے متعلقہ امور کو حتمی شکل دی جبکہ قومی اسمبلی سیکرٹریٹ اور سینیٹ کے افسران اور متعلقہ اہلکاروں کی بھی دو چھٹیاں منسوخ کی گئیں ۔
تفصیلات کے مطابق چین کے صدر شی چنگ پنگ جو پاکستان کے دو روزہ دورے پر پیر کو اسلام آباد پہنچیں گے ان کے دورے کے انتظامات کو حتمی شکل دینے کیلئے حکومت نے اہم وزارتوں کے افسران اور متعلقہ ملازمین کی چھٹیاں منسوخ کردیں ۔(جاری ہے)
ہفتہ کو وزارت منصوبہ بندی میں ایک اہم اجلاس منعقد ہوا جس میں وفاقی وزیر منصوبہ بندی احسن اقبال ، وزیراطلاعات ونشریات پرویز رشید ، وزیراعظم کے معاون خصوصی خارجہ امور طارق فاطمی اور ان وزارتوں کے سینئر افسران شریک ہوئے جس میں چینی صدر کے دورے کے حوالے سے امور کو حتمی شکل دی گئی ۔
دریں اثناء ذرائع کے مطابق سپیکر اور چیئرمین سینیٹ نے منگل کو پارلیمنٹ کے مشترکہ اجلاس میں چینی صدر کے خطاب کی وجہ سے افسران اور متعلقہ ملازمین کی چھٹیاں منسوخ کردی ہیں اور وہ کارڈز کی تقسیم کے علاوہ دیگر انتظامات کو ہفتہ کے روز حتمی شکل دیتے رہے ۔ چینی صدر کے پارلیمنٹ سے خطاب کے موقع پر مسلح افواج کے سربراہان ، چاروں صوبائی وزراء اعلیٰ ، گورنرز ، صدر آزاد کشمیر ، وزیراعظم آزاد کشمیر ، گلگت بلتستان کے نگران وزیر اعلیٰ ، گورنر ، غیر ملکی سفارتکار ، اعلیٰ سول و فوجی حکام کو دعوت نامے دیئے گئے ہیں جبکہ بزنس گیلری پر مہمانوں کیلئے کارڈ جاری کرنے پر پابندی عائد کردی گئی ہے ۔ اخبار نویسوں کے لئے خصوصی طور پر کارڈز جاری کیے گئے ہیں ۔ کارڈز کے حامل افراد ہی ریڈ زون میں داخل ہوسکیں گےمزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.