ملک میں 22مقامات پر ضمنی الیکشن ہوئے ،کسی جگہ بائیو میٹرک سسٹم نہیں لگایا گیا،کنور نوید جمیل ایڈووکیٹ
انتخابی مہم کے سلسلے میں اوکھائی میمن ہال ، فیڈرل بی ایریا بلاک 14، ریذیڈنٹس کمیٹی اور بلاک Bمیں منعقدہ کارنر میٹنگوں کے شرکاء سے خطاب
جمعہ 17 اپریل 2015 22:26
کراچی (اُردو پوائنٹ اخبار تازہ ترین۔ 17اپریل۔2015ء) این اے 246کی نشست پرنامزد متحدہ قومی موومنٹ کے امیدوار کنور نوید جمیل نے کہا کہ ملک میں 22مقامات پر ضمنی الیکشن ہوئے لیکن ان ضمنی الیکشن میں کسی جگہ بائیو میٹرک سسٹم نہیں لگایا گیا، ضمنی الیکشن میں نام نہاد سیاسی جماعتوں کا ٹولہ این اے 246کی نشست ایم کیوایم سے سازش کے ذریعے چھیننا چاہتا ہے لیکن حلقہ انتخاب کے حق پرست عوام 23اپریل کو اپنے ووٹ کی طاقت سے حق پرست امیدوار کو بھاری اکثریت سے کامیاب کراکر سازشی ٹولہ کی تمام تر سازشوں کو ملیا میٹ کردیں گے ۔
ان خیالات کااظہار انہوں نے اوکھائی میمن ہال بلاک 3، فیڈرل بی ایریا بلاک 14، فیڈرل بی ایریا ریذیڈنٹس کمیٹی اور فیڈرل بی ایریا بلاک Bمیں انتخابی مہم کے سلسلے میں منعقد کی گئی بڑی کارنر میٹنگوں کے شرکاء سے خطاب کرتے ہوئے کیا ۔(جاری ہے)
کارنر میٹنگوں سے ایم کیوایم کی رابطہ کمیٹی کے رکن ڈاکٹر خالد مقبول صدیقی ، قومی اسمبلی میں ایم کیوایم کے پارلیمانی لیڈر رشید گوڈیل ، حق پرست رکن قومی اسمبلی محبوب عالم ، حق پرست اراکین سندھ اسمبلی عبد الرزاق ، فیصل سبزواری اور ایم کیوایم سینٹرل ایگزیکٹو کونسل کی رکن شمع منشی نے بھی خطاب کیا ۔
کارنر میٹنگوں میں علاقے کے نوجوانوں ، بزرگوں اور خواتین نے کثیر تعداد میں شرکت کی اور حق پرست امیدوار کنور نوید جمیل کو 23اپریل کے دن بھاری اکثریت سے ووٹ دیکر کامیاب کرانے کی یقین دہانی کرائی ۔ کارنر میٹنگوں کے شرکاء سے خطاب کرتے ہوئے مقررین نے کہاکہ این اے 246کی نشست پر حلقہ کے عوام نے گزشتہ عام انتخابات میں نبیل گبول کو ایک لاکھ 47ہزار ووٹ دیکر کامیاب کروایا تھا ، ایم کیوایم کی دشمنی لیاری کے عوام سے نہیں بلکہ جرائم پیشہ عناصر سے ہے اور یہی تاثر ختم کرنے اور بلوچ اور سندھی عوام میں محبتیں پیدا کرنے کیلئے ایم کیوایم نے نبیل گبول کو اس حلقہ انتخاب سے الیکشن لڑایا تھا لیکن نبیل گبول عوام کو وقت نہیں دے پارہے تھے جس کی بناء پر ان سے استعفیٰ لے لیا گیا ۔ انہوں نے کہا کہ ایم کیوایم پر جھوٹے اور بنیاد الزامات عائد کئے جارہے ہیں اور حلقہ انتخاب کے عوام کی الطاف حسین اور ایم کیوایم سے وابستگی کو مشکوک بنا کر پیش کیاجارہا ہے جس سے حلقہ انتخاب کے عوام میں اضطراب پایاجارہا ہے۔انہوں نے کہاکہ ضمنی الیکشن میں حصہ لینا ہر سیاسی و مذہبی جماعت کا حق ہے لیکن ایم کیوایم سے جیتنے کی خواہش میں ہر جماعت ایم کیوایم کو برا بھلا کہہ رہی ہے جو اس بات کا ثبوت ہے کہ حلقہ انتخاب کے عوام ایم کیوایم کے ساتھ ہیں اور وہ نام نہاد سیاسی ومذہبی جماعتوں کو 23اپریل کو ہونے والے ضمنی الیکشن میں عبرتناک شکست سے دوچار کریں گے ۔ انہوں نے کہاکہ ملک میں کسی بھی جگہ اسلحہ کی سیاست نہیں ہونی چاہئے ، ایم کیوایم نے اسلحہ کی فیکٹری کو بند کرنے کا بل پیش کیا مگر کسی سیاسی ومذہبی جماعت نے اس پر آواز نہیں اٹھائی ، اسلحہ فیکٹریاں کراچی میں تو نہیں ہیں بلکہ خیبر پختونخواہ میں ہیں لیکن پی ٹی آئی کے سربراہ عمران خان وہاں اسلحہ کی فیکٹریاں بند نہیں کراتے اور کراچی کے عوام کے اصل مسائل کرنے کے بجائے الٹا ان کے دلوں کو دکھا رہے ہیں اور انہیں زندہ لاشیں کہہ کر مخاطب کررہے ہیں جس کی جتنی بھی مذمت کی جائے کم ہے ۔ مقررین نے کارنر میٹنگوں کے شرکاء سے اپیل کی کہ وہ 23، اپریل کے دن حق پرست امیدوار کنور نوید جمیل کو ریکارڈ تعداد میں ووٹ دیکر کامیاب کرائیں اور الطاف حسین اور ایم کیوایم سے حلقہ انتخاب کے عوام کی وابستگی کو ایک مرتبہ پھر دنیا پر ثابت کردیں ۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.