وفاقی حکومت اسٹیل ملز کراچی کی نجکاری کرنے کے بجائے اس کی تجدید اور بحالی کرے، وزیراعلیٰ سندھ
جمعہ 10 اپریل 2015 22:34
کراچی (اُردو پوائنٹ اخبار تازہ ترین۔10 اپریل۔2015ء) وزیراعلیٰ سندھ سید قائم علی شاہ نے وفاقی حکومت سے سفارش کی ہے کہ وہ پاکستان اسٹیل ملز کراچی کی نجکاری کرنے اور 30- ہزار ملازمین کا روزگار داؤ پر لگانے کے بجائے اس کی ریشن فیڈریشن کے تعاون سے اسکی تجدید بحال اور اس میں وسعت پیدا کرکے ملک کی ترقی اور خوشحالی کیلئے استعمال کریں۔ انہوں نے کہا کہ پی پی نے ہمیشہ رشین فیڈریشن کے ساتھ اچھے تعلقات قائم کئے ہیں اور یہی وجہ ہے کہ شہید ذوالفقار علی بھٹو نے ملک کا سب کا بڑا پروجیکٹ پاکستان اسٹیل ملز کو روس کے تعاون سے کراچی میں قائم کیا جس نے برملا ملک کی ترقی میں بڑا اہم کردار ادا کیا۔
وہ آج سی ایم ہاؤس کراچی میں ریشن فیڈریشن کے سفیرMr. Alexey y.dedov جو اپنے قونصل جنرل کے ساتھ ان سے ملاقات کیلئے آئے سے باتیں کر رہے تھے۔(جاری ہے)
وزیراعلیٰ سندھ نے اس موقعہ پر کہا کہ مانا کہ پاکستان اسٹیل مل کراچی کا انتظامی تعلق وفاق سے ہے لیکن ہمیں اس لئے زیادہ تشویش ہے کہ ایک تو وہ کراچی میں قائم ہے دوسرا یہ کہ 30ہزار لوگوں کے روزگار کا ذریعہ ہے۔
اس کے علاوہ یہ منصوبہ پاکستان کی معیشت میں بہت اہم کردار ادا کر سکتا ہے۔ انہوں نے کہا کہ موجودہ وفاقی حکومت اس منصوبے کی نج کاری کرنا چاہتے ہیں، جن کی پی پی نے مخالفت کی ہے۔ انہوں نے کہا کہ پاکستان اسٹیل ملز میں بہتری کی کافی گنجائش موجود ہے اور ہم چاہتے ہیں کہ ریشین ماہرین سے استفادہ حاصل کرکے اس کو اقتصادی طور پر فعال بنایا جائے۔ وزیراعلیٰ سندھ نے کہا کہ پی پی کے رشیا کے ساتھ ہمیشہ اچھے تعلقات رہے ہیں اور انہوں نے خود اس وقت کے صدر پاکستان آصف علی زرداری کے ساتھ 2011میں ماسکو اور دیگر صوبوں کا دورہ کیا تھا جس کے دوران انہوں نے نہ صرف ریشین قائدین سے ملاقاتیں کیں اورانہیں کراچی آنے کیلئے مدعو کیا بلکہ ان کے ساتھ کئی مفاہمتی یادداشت نامہ پر دستخط بھی کئے۔ انہوں نے کہا کہ 18- ویں آئینی ترامیم کے بعد اب پاکستان میں صوبے کسی بھی ملک کے ساتھ آزادانہ دوطرفہ تعلقات اور معیشت کے شعبہ میں کوئی بھی معاہدہ کر سکتے ہیں۔ انہوں نے کہا کہ سندھ میں سرمایہ کاری اور کاروبار کے وسیع مواقعے موجود ہیں اور ریشین حکومت اور ان کے کاروباری حلقے ان سے بھرپور استفادہ کر سکتے ہیں، جن کیلئے ہم ان کی ہر ممکن مدد کر سکتے ہیں۔اس موقعہ پر ریشین فیڈریشن کے سفیر نے کہا کہ وہ دو طرفہ تعلقات میں مزید بہتری لانے، تجارت کو فروغ دینے کے سلسلے میں ہی یہاں سندھ کے دورے پر آئے ہیں، انہوں نے کہا کہ پاکستان میں سندھ کو اقتصادی لحاظ سے نمایاں اہمیت حاصل ہے اور ہم باہمی دلچسپی کے شعبوں کا سروے کرکے اس میں تعاون بڑھائیں گے۔مزید تجارتی خبریں
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.