نوجوانوں کے حقوق کے حصول کے لیے صرف جماعت اسلامی نے ہی ہر محاذ پر جنگ لڑی ہے، عبدالرشید ترابی
جمعہ 10 اپریل 2015 19:23
اسلام آباد( اُردو پوائنٹ اخبار تازہ ترین۔10 اپریل۔2015ء ) جماعت اسلامی آزاد جموں وکشمیر کے امیر عبدالرشید ترابی نے کہا ہے کہ نوجوانوں کے حقوق کے حصول کے لیے صرف جماعت اسلامی نے ہی ہر محاذ پر جنگ لڑی ہے عدالتوں کی سطح پر ہو یا عوامی سطح پر جماعت اسلامی ہی میدان میں رہی ہے طالب علم راہنما راجہ نزاکت علی خان سمیت دیگر نوجوانوں کو جماعت اسلامی کی جنرل کونسل کی رکنیت حاصل کرنے پر مبارکباد پیش کرتا ہوں اور توقع رکھتا ہوں کہ وہ اپنی صلاحیتوں کو براؤکار لاتے ہوئے جماعت اسلامی کے لیے تقویت کا باعث بنیں گے ان خیالات کااظہار انہوں نے راجہ نزاکت علی خان ،جمعیت طلبہ عربیہ سے فارغ ہونے والے نوجوانوں کو جماعت اسلامی کی جنرل کونسل کی رکنیت کا حلف اٹھانے کی تقریب سے خطاب کرتے ہوئے کیا اس موقع پر جماعت اسلامی آزاد جموں وکشمیر کے ڈپٹی سیکرٹری جنرل ارشد حسین بخاری جماعت اسلامی ضلع مظفرآباد کے سیکرٹری قاضی شاہد حمید ایڈووکیٹ سمیت دیگر قائدین نے خطاب کیا ،حلف برداری کی تقریب سے خطاب کرتے ہوئے عبدالرشید ترابی نے کہا کہ آزاد کشمیر میں دیگر سیاسی پارٹیوں کے پاس نوجوانوں کے لیے کوئی لائحہ عمل موجود نہیں ہے نوجوانوں کو بے توقیر کیا جا رہا ہے جماعت اسلامی نوجوانوں کو درباری بننے سے بچانے کے لیے اور ان کے حقوق کے تحفظ اور حصول کے لیے جدوجہد کر رہی ہے جماعت اسلامی ہی کے پاس نوجوانوں کے سیرت وکردار کی تعمیر کے لیے تربیتی نظام اور لٹریچر موجود ہے جماعت اسلامی میں شامل نوجوانوں کو ہم نے عزت دی ہے اور یہی با صلاحیت اور صاحب کردار نوجوان معاشرے میں پھیلی ہوئی برائیوں کے خلاف جہاد کررہے ہیں میں آزاد خطے کے سارے نوجوانوں کو دعوت دیتا ہوں کہ وہ جماعت اسلامی میں شامل ہوں جو زیر تعلیم ہیں وہ اسلامی جمعیت طلبہ کے ہمسفر بنیں تا کہ ان کے سیرت و کردار کی تعمیر کے ساتھ ساتھ ان کو تعلیم کا اچھا ماحول بھی فراہم کیا جائے انہوں نے کہا کہ محض ڈگریاں حاصل کرنے سے نہ تو اچھا انسان بنتا ہے اور نہ ہی معاشرے کے لیے سود مند ثابت ہوتا ہے ڈگریوں کے ساتھ اخلاق و کردار کا معیار موجود ہو گا تو وہ معاشرے کے لیے مفید ثابت ہوگا برائیوں سے بچے گا کرپشن نہیں کرے گا بد اخلاقی کے بجائے اخلاقی کردار پیش کرے گا جو لوگوں کی خدمت کے لیے ضروری ہے انہوں نے کہا کہ جماعت اسلامی نے نوجوانوں کے مستقبل کو تاریک ہونے سے بچانے کے لیے آزاد کشمیر میں متبادل تعلیمی نظام دیا ذہین اور غریب طلبہ کے لیے اعلیٰ تعلیم کا بندوبست کیا آج بھی بیرون ملک اعلیٰ تعلیم حاصل کرنے والے اکثر نوجوانوں کا تعلق اسلامی جمعیت طلبہ اور جمعیت طلبہ عربیہ سے ہے یہ نوجوان اعلیٰ تعلیم کے ساتھ ساتھ اعلیٰ اخلاق اور کردار بھی پیش کررہے ہیں اور یہی مطلوب و مقصود ہے انہوں نے کہا کہ جماعت اسلامی آزاد خطے میں کرپٹ نظام کی تبدیلی کی جدوجہد کررہی ہے میرٹ کی پامالی کو روکنے کے لیے جہاد کررہی ہے تا کہ غریب اور پڑا لکھا فرد حق سے محروم نہ رہ جائے انہوں نے کہا کہ ظلم اور کرپشن کے خلاف اس جہاد میں نوجوان ہمارا ساتھ دیں ۔
متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.