انٹر ڈسٹرکٹ ویمن بیڈمن چمپئن شپ کا آغاز

جمعرات 9 اپریل 2015 17:27

پشاور(اُردو پوائنٹ اخبار تازہ ترین۔09 اپریل۔2015ء) انٹر ڈسٹرکٹ ویمن بیڈمنٹن چمپئن شپ قیوم سپورٹس کمپلیکس پشاور میں شروع ہوگئی ، باضابطہ افتتاح ممبرصوبائی اسمبلی عائشہ نعیم نے کیاان کے ہمراہ ایم پی اے نسیم خیات،ڈائریکٹرسپورٹس طارق محمود، ڈائریکٹریس سپورٹس خیبرپختونخوا رشیدہ غزنوی ، مس رحم بی بی ، نجمہ قاضی ، مس ستارہ ، مس شاہانہ،مس فرہاد سمیع ، پشاور ڈسٹرکٹ بیڈمنٹن کے صدر میاں صداقت شاہ ، کوچز ندیم احمد ، حیات الله ، مسعود احمدسمیت دیگر اہم شخصیات موجود تھے ۔

افتتاحی روز ہری پور، بنوں ، ایبٹ آباد اور نوشہرہ کی ٹیموں نے دوسرے راؤنڈ کیلئے کوالیفائی کرلیا ، ڈائریکٹریٹ آف سپورٹس ویمن خیبرپختونخوا کے زیر اہتمام ویمن گیمز کے سلسلے میں انٹرڈسٹرکٹ ویمن بیڈمنٹن چمپئن شپ گزشتہ روز ودود بیڈمنٹن ہال پشاورمیں شروع ہوگئی جس میں خیبرپختونخوا 17 ڈسٹرکٹ کی ٹیمیں شرکت کررہی ہیں ۔

(جاری ہے)

پہلے میچ میں ہری پور نے لکی مروت کو دو صفر سے شکست دیکر آگلے راؤ نڈکیلئے کوالیفائی کرلیا پہلے سنگل میں ہری پور کی عائشہ نے لکی مروت کی کوثر کو تین صفر سے شکست سکور 21-16,21-17 اور21-14 ، جبکہ ڈبل میں ہری پور کی آمنہ اور عائشہ نے لکی مروت کی رویلہ اورروحینہ کو سٹیٹ سیٹ میں شکست دیدی ، سکور 21-18,21-19 اور21-17 ، دوسرے میچ میں بنوں نے سوات کو تین صفر سے شکست دی بنوں کی خدیجہ نے سوات کی رینا کو تین صفر سے شکست دی جبکہ زیبا اور خدیجہ نے فرہانہ اوررینا کو ڈبل میں سٹیٹ سیٹ میں شکست دی ، اسطرح ایبٹ آباد نے ڈیرہ اسماعیل خان کو دو صفر سے شکست دی ، ایبٹ آباد کی عروسہ نے ڈیرہ اسماعیل خان کی بیلہ تسکین کو تین صفر سے شکست دیکر آگلے راؤنڈ کیلئے کوالیفائی کرلیا ، سکور 21-13,21-17 اور21-18 جبکہ ڈبلز میں ایبٹ آباد کی عالیہ اور مونیزہ نے ڈیرہ اسماعیل خان کی فرح اور ارم کو تین صفر سے شکست دی ، سکور 21-18,21-19 اور21-18 ، جبکہ آج کے آخری میچ میں نوشہرہ نے ملاکنڈ کو 2-1 سے شکست دی پہلے سنگل میں ملاکنڈ کی پری نے نوشہرہ کی صائمہ کو تین ایک سے شکست دی سکور 17-21,21-16 ا،21-19 اور 21-15 رہا ، اسطرح ڈبلز میں نوشہرہ کی وجیہ اور صائمہ نے ملاکنڈ کی شازیہ اور پری کو تین صفر سے شکست دی جبکہ آخری سنگل میں نوشہرہ کی شائستہ نے ملاکنڈ کی روحینہ کو تین صفر سے شکست دیکر آگلے راؤنڈ کیلئے کوالیفائی کیا۔