ہنگو،مسلم لیگ(ن) نے بلدیاتی اکھاڑے کے لیے طاقتور امیدوار سامنے لانے کا اعلان کر دیا
تبدیلی کے دعویداروں کے لیے تیس مئی یوم حساب ہو گا،مسلم لیگ(ن) ہی عوامی محرومیوں کا ازالہ کرے گی،الحاج فرید مفکر
بدھ 8 اپریل 2015 18:05
ھنگو( اُردو پوائنٹ اخبار تازہ ترین۔08 اپریل۔2015ء) مسلم لیگ(ن) نے بلدیاتی اکھاڑے کے لیے طاقتور امیدوار سامنے لانے کا اعلان کر دیا،تبدیلی کے دعویداروں کے لیے تیس مئی یوم حساب ہو گا،مسلم لیگ(ن) ہی عوامی محرومیوں کا ازالہ کرے گی،نئے پاکستان بنانے کے دعویدار سن لیں،نیا خیبر پختون خواہ (ن) لیگ بنائے گی،مسلم لیگ(ن) ضلع ھنگو کی تمام ڈسٹرکٹ اور تحصیل کونسلوں پر اپنے امیدوار میدان میں اتارے گی۔
ان خیالات کا اظہار پاکستان مسلم لیگ(ن) کے صوبائی سینئر نائب صدر الحاج فرید مفکر،ضلعی جنرل سکریٹری عبدالواحد اورکزئی،سابق امیدوار قومی اسمبلی ملک خالد نعیم اورکزئی،ملک جاوید اقبال،سید جمال اورکزئی، سیف الرحمان بنگش ،ملک وحید بنگش،طور حاجی اور دیگر مقررین نے مسلم لیگ(ن) کے ضلعی ورکر کنونشن سے خطاب کرتے ہوئے کیا ۔(جاری ہے)
ممتاز مسلم لیگی رہنماء صفت اللہ المعروف گلون کے حجرے دوآبہ میں منعقدہ ورکرز کنونشن میں ضلع بھر سے کارکنوں اور عہدیداروں نے شرکت کی۔
کنونشن میں بلدیاتی انتخابات میں بھر پور حصہ لینے کے لیے تفصیلی مشاورتی عمل کیا گیا۔کنونشن سے خطاب کرتے ہوئے مسلم لیگ(ن) کے صوبائی سینئر نائب صدر الحاج فرید مفکر،عبدالواحد اورکزئی،سیف الرحمان،سید جمال اور دیگر مقررین نے کہا کہ مسلم لیگ پاکستان کی خالق جماعت ہے جس کی جڑیں زمین میں ہیں حادثاتی سیاستدان کسی صورت مسلم لیگ کی جگہ نہیں لے سکتے،مقررین نے کہا کہ میاں محمد نواز شریف نے نئے خیبر پختون خواہ بنانے کا اعلان کیا ہے۔اور مسلم لیگ(ن) بلدیاتی انتخابات میں صوبہ بھر میں کامیابی حاصل کر کے نئے صوبے کی بنیاد رکھے گی۔انہوں نے کہا کہ ضلع ھنگو میں مسلم لیگ ڈسٹرکٹ کونسل ،تحصیل کونسل سمیت تمام نشستوں پر اپنے امیدوارکھڑے کرئے گی۔اور بھر پور کامیابی حاصل کرئے گی۔مسلم لیگی رہنماؤں نے کہا کہ موجودہ اراکین اسمبلی نے عوام کو محرومیوں کے سوا کچھ نہیں دیا ۔یہی وجہ ہے کہ ھنگو کے عوام تیس مئی کا بے تابی سے انتظار کر رہے ہیں تاکہ موجودہ ھنگو کے اراکین اسمبلی کا احتساب کیا جا سکے۔کنونشن میں مختلف نشستوں پر انتخاب لڑنے والے مسلم لیگی ورکرز سے کہا گیا کہ وہ ضلعی صدر اور جنرل سکریٹری کے پاس درخواستیں جمع کرائیں تاکہ میرٹ پر امیدواروں کی حتمی فہرست مرتب کی جا سکے۔کنونشن میں مسلم لیگی ورکرز نے دل کھول کر اپنے خیالات کا اظہار کیا اور بلدیاتی انتخابات میں دیگر پارٹیوں سے سیٹ ٹو سیٹ ایڈ جسمنٹ سمیت دیگر امور پر مشورے بھی دئے۔متعلقہ عنوان :
مزید اہم خبریں
-
وزیراعظم محمدشہبازشریف کا متحدہ عرب امارات کے شاہی خاندان کے رکن شیخ ھزاع بن سلطان بن زید آل نیہان کےانتقال پر اظہار تعزیت
-
گورنرسندھ کے معاملے پر ہم نے مسلم لیگ ن سے کوئی گارنٹی نہیں مانگی، خالد مقبول
-
بیرون ملک پاکستانیوں نے اپریل میں 2.8 ارب ڈالرز بھیجے
-
اسرائیلی حکومت غیر قانونی اقدامات کررہی ہے، منیر اکرم
-
چیئرمین سینیٹ سید یوسف رضا گیلانی و ڈپٹی چیئرمین سینیٹ سیدال خان کی گوادر کے علاقے میں معصوم مزدورں کے قتل پر اظہار افسو س
-
احسن اقبال کی نیشنل انرجی ایڈمنسٹریشن چین کے چیئرمین سے ملاقات، سی پیک سمیت مختلف امورپر تبادلہ خیال
-
سعودی اور پاکستانی کمپنیوں کے درمیان سرمایہ کاری کے معاہدے طے پاگئے،جام کمال
-
وزیر اعظم شہبازشریف کی ملکی برآمدات کو مزید مسابقتی بنانے کے حوالے سے فوری اقدامات کرنے کی ہدایت
-
9 مئی ریلی کیس،بیرسٹرگوہر،عمرایوب کی عبوری ضمانت منظور
-
تجارت اور کاروبار میں آسانی کے حوالے سے پالیساں بناتے ہوئے نجی شعبے سے مشاورت کو یقینی بنایا جائے، وزیراعظم کی ہدایت
-
لاہور ہائیکورٹ نے پنجاب حکومت کو طالب علموں کو پیر تک الیکٹرک بائیکس تقسیم کرنے سے روک دیا
-
آئی کیوب قمر نے کامیابی کے ساتھ چاند کے مدار سےپہلی تصویر بھیج دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.