وزیر اعظم کی بحران پر قابو پانے کیلئے توانائی منصوبے بروقت مکمل کرنے کی ہدایت
بدھ 8 اپریل 2015 14:13
اسلام آباد (اُردو پوائنٹ اخبار تازہ ترین۔08 اپریل۔2015ء)وزیر اعظم نوا زشریف نے توانائی بحران پر قابو پانے کیلئے ملک میں فوری طو رپر توانائی کے تمام منصوبے بروقت مکمل کرنے کی ہدایت کر دی جبکہ مارکیٹیں رات آٹھ بجے ، شادی ہالز دس بجے اور بڑے ہوٹل رات 11بجے بند کرانے کا فیصلہ کیا ہے۔بدھ کو و زیر اعظم نواز شریف کی زیر صدارت کابینہ کی توانائی کمیٹی کا اجلاس ہوا۔
جس میں کابینہ توانائی کمیٹی کے گزشتہ اجلاسوں کے فیصلوں پر پیش رفت کا جائزہ لیا گیا،وزیراعظم نے ہدایت کی کہ سیکرٹری پانی و بجلی، اقتصادی راہداری منصوبوں کی مسلسل نگرانی کریں، بجلی کی بچت کیلئے وزرائے اعلیٰ کے ساتھ رابطہ رکھیں ۔ انہوں نے کہا کہ 3600میگا واٹ کے کمبائن سائیکل بجلی گھر بروقت مکمل کئے جائیں۔(جاری ہے)
وزیراعظم نے کہا کہ عوام میں بجلی کی بچت کا شعور اجاگر کرنے کیلئے اقدامات کئے جائیں اور بجلی کی بچت کے اقدامات کا نفاذ پنجاب میں بھی کیا جائے، بجلی بچت کے حوالے سے پنجاب دیگر صوبوں کیلئے مثال بنے۔
وزیراعظم نے کہا کہ پی ایس او کو ادائیگیوں کی جامع حکمت عملی وضع کی جائے اور مائع قدرتی گیس منصوبے بروقت مکمل کئے جائیں۔ انہوں نے کہا کہ بجلی بچت کے اقدامات سے سینکڑوں میگا واٹ بجلی بچ جائے گی، کم توانائی استعمال کرنے والے آلات کی حوصلہ افزائی کی جائے گی۔ اجلاس میں فیصلہ کیا گیا کہ وفاقی دار الحکومت میں تمام دکانیں رات آٹھ بجے جبکہ شادی ہالزرات 10 بجے اور ریستوران رات 11بجے بند کر دیئے جائیں گے اور اِس فیصلے پر عمل درآمد کیلئے فریقین اور انتظامیہ کے درمیان جلد ہی اجلاس بلاکر لائحہ عمل طے کیاجائے گاتاہم گھریلو صارفین کو کم سے کم لوڈشیڈنگ کا عذاب جھیلنا پڑے۔ کابینہ کو بریفنگ میں بتایا گیا کہ ایک ایل این جی ٹرمینل قائم کر دیا گیا ہے جبکہ دوسرا جلد ہی مکمل کر لیا جائے گا، پاکستانیوں نے ان منصوبوں پر ایک ارب ڈالر کی سرمایہ کاری کی۔(اح)اجلاس میں پانی وبجلی کے وفاقی وزیر خواجہ محمد آصف ، وزیر خزانہ اسحق ڈار ، پٹرولیم اور قدرتی وسائل کے وزیر شاہد خاقان عباسی اور منصوبہ بندی اور ترقی کے وزیر احسن اقبال اور وزیراعلیٰ پنجاب شہباز شریف نے شرکت کی۔مزید اہم خبریں
-
اصولی جدوجہد سے ہرگز دستبردار نہیں ہوں گے، عمران خان
-
اسلام آباد میں ضلعی انتظامیہ کا نان روٹی کی قیمتوں میں کمی کا نوٹیفکیشن 6 مئی تک معطل
-
وزارت اعلیٰ کی کرسی آسان نہیں تھی‘ آگ کے دریا سے گزر کر یہاں پہنچنا پڑا، مریم نواز
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.