پشاور،حکومت صوبے میں کھیلوں کے فروغ پر خصوصی توجہ دے رہی ہے، حاجی حبیب الرحمن
منگل 7 اپریل 2015 17:57
پشاور(اُردو پوائنٹ اخبار تازہ ترین۔07 اپریل۔2015ء) خیبر پختونخوا کے وزیر برائے زکوة،عشرو اوقاف حاجی حبیب الرحمن نے کہا ہے کہ صوبائی حکومت صوبے میں کھیلوں کے فروغ پر خصوصی توجہ دے رہی ہے ۔ تاکہ نئی نسل کو زیادہ سے زیادہ صحت مند سرگرمیاں فراہم ہوسکیں اور وہ کھیلوں کے میدان میں صوبے اور ملک کا نام روشن کرسکیں ۔یہ بات اُنہوں نے ضلع بونیر میں گدیزئی کے مقام پر ڈویژنل فٹ بال ٹورنمنٹ کے انعقاد کے موقع پر بحیثیت مہمان خصوصی خطاب کرتے ہوئے کہی ۔
وزیر اعلیٰ کے مشیر برائے اقلیتی اُمور سورن سنگھ بھی اس موقع پر موجود تھے ۔ حاجی حبیب الرحمن نے کہا کہ ایک متوازن معاشرے کے قیام کے لئے ضروری ہے کہ کھیلوں پر توجہ دی جائے اور صوبائی حکومت اس امر کا احساس کرتے ہوئے تحصیل لیول پر سپورٹس کمپلیکس تعمیر کرنے کا پختہ عزم رکھتی ہے ۔(جاری ہے)
اُنہوں نے نوجوان نسل پر زور دیا کہ وہ حصول تعلیم کے ساتھ ساتھ کھیلوں میں بھی بڑھ چڑھ کر حصہ لیں ۔
تاکہ اس ضمن میں حکومت کی کاوشیں بارآور ثابت ہو ۔ بعد ازاں صوبائی وزیر حاجی حبیب الرحمن نے الخدمت فاؤنڈیشن بونیر کے زیر انتظام چلنے والے یتیم خانے کا بھی دورہ کیا اور یتیم خانے کی انتظامیہ کو ہر ممکن مالی تعاون کا یقین دلایا ۔ صوبائی وزیر نے کہا کہ بے سہارہ اور یتیم بچوں کی دیکھ بھال اور انہیں زیور تعلیم سے آراستہ کرنا عین عبادت ہے اور یہ امر خوش آئند ہے کہ الخدمت فاؤنڈیشن کی کارکردگی اس ضمن میں مثالی ہے اور دیگر فلاحی تنظیموں کو اُسکی پیروی کرنی چاہئے۔متعلقہ عنوان :
مزید کھیلوں کی خبریں
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
ورلڈ اوپن اسکواش،پاکستان کے حمزہ خان مین ڈراز میں شامل
-
نیشنل ویمن فٹ بال چیمپئن شپ ملتوی
-
اولمپیئن جیولن تھرور ارشد ندیم نے ساؤتھ افریقا میں ٹریننگ کا آغاز کر دیا
-
شاہین آفریدی کو بطور کپتان تھوڑا وقت دینا چاہیے تھا،جاوید میانداد
-
پاکستان اورسری لنکا کے درمیان روایتی جے وردھنے ٹرافی مہمان ٹیم کے نام
-
پاکستا ن اور نیوزی لینڈ کے درمیان پانچ میچوں پر مشتمل ٹی ٹوئنٹی سریز کا دوسرا میچ (کل) کھیلا جائیگا
-
ورلڈ چیمپئن شپ آف لیجنڈز میں پاک۔ بھارت میچ کے ٹکٹ ہاتھوں ہاتھ فروخت
-
ہولگر رونے اور الیگزینڈر زویروف نے بی ایم ڈبلیو ٹینس چیمپئن شپ کے کوارٹر فائنل میں جگہ بنا لی
-
انڈین پریمیئر لیگ میں واحد میچ دہلی کیپٹلز اورسن رائزرز حیدرآباد کی ٹیموں کے مابین کل کھیلا جائے گا
-
آئی پی ایل کے دوران سٹیڈیم میں بکیز پکڑے گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.