ہائی کورٹ نے آئی جی اسلام آباد کو ڈرون حملوں کا مقدمہ سی آئی اے کے سابق اسٹیشن چیف کے خلاف درج کرنے کا حکم دیدیا

منگل 7 اپریل 2015 14:45

اسلام آباد(اُردو پوائنٹ اخبار تازہ ترین۔07 اپریل۔2015ء) ہائی کورٹ نے آئی جی اسلام آباد کو ڈرون حملوں کا مقدمہ سی آئی اے کے سابق اسٹیشن چیف کے خلاف درج کرنے کا حکم دے دیا۔

(جاری ہے)

منگل کو فاٹا کے رہائشی کی جانب سے اسلام آباد ہائی کورٹ میں دائر درخواست میں موقف اختیار کیا گیا تھا کہ میر علی میں ہونے والے امریکی ڈرون حملے میں ان کے عزیز واقارب جاں بحق ہوئے تھے جس پر عدالت نے آئی جی اسلام آباد طاہر عالم کو پیش ہونے کا حکم دیا، طاہر عالم نے عدالت میں ڈرون حملے کے حوالے سے مختلف معلومات پیش کیں جس کے بعد عدالت نے سی آئی اے کے سابق اسٹیشن چیف کے خلاف تھانہ سیکریٹریٹ میں مقدمہ درج کرنے کا حکم دیا۔