دریائے ناڑی و تلی کے کناروں کوکٹاؤ سے روکنے کیلئے حفاظتی اسپر تعمیر کرنے کی ضرورت ہے،محمد اکبر کھوسہ
پیر 6 اپریل 2015 16:52
سبی(اُردو پوائنٹ اخبار تازہ ترین۔06 اپریل۔2015ء )ایکسئین پاور اینڈ ایری گیشن سبی ڈویژن محمد اکبر کھوسہ نے کہا ہے کہ دریائے ناڑی اور دریائے تلی کے کناروں کوکٹاؤ سے روکنے کیلئے حفاظتی اسپر تعمیر کرنے کی ضرورت ہے،مون سون کی بارشوں سے قبل ہی ممکنہ سیلاب سے نمٹنے کے لیے حکمت عملی تیار کرلی ہے،حفاظتی بندات کی تعمیر سے تباہی سے بچایا جاسکتاہے ،ہرنائی میں حفاظتی بندات کی تعمیر کا کام تیزی سے جاری ہے،تلی تنگی ڈیم کی تعمیر کے بعد سبی کی لاکھوں ایکڑ اراضی کوکاشت کاری کے قابل بنایاجاسکتا ہے،ان خیالات کا اظہارانہوں نے حالیہ بارشوں کے سلسلے میں سیلابی ریلوں اور تعمیراتی پروجیکٹس کے حوالے سے صحافیوں کو بریفنگ دیتے ہوئے کیا،انہوں نے کہا کہ حالیہ بارشوں سے دریائے ناڑی میں ناڑی ہیڈورکس سے 60ہزار کیوسک کا سیلابی ریلہ گزرا تھا جو کہ نچلے درجے کا سیلابی ریلہ تھا جبکہ دریائے تلی سے معمولی سیلابی ریلہ گزرا ہے ،تاہم سیلابی ریلوں کی وجہ سے دریائے ناڑی اور دریائے تلی کے کناروں میں کٹاؤ پیدا ہورہا ہے جس سے قریبی آبادی سمیت ملحقہ زرعی اراضی کو بھی نقصان کا خدشہ ہے انہوں نے کہا کہ کناروں کو کٹاؤ سے بچانے کے لیے حفاظتی اسپیئر بنانے کی ضرورت ہے جس پر سات کروڑ روپے کی خطیر رقم کی لاگت آئے گی اور مون سون کی بارشوں سے قبل ہی فنڈز کے جاری ہونے کے بعد دریا کے کناروں پر حفاظتی اسپیئر تعمیر کیئے جائیں گے انہوں نے کہا کہ تلی تنگی ڈیم جس پر ہوم ورک مکمل کردیا گیا ہے ڈیم کی تعمیر کے بعد علاقے کی لاکھوں ایکڑ زرعی اراضی سیراب ہوگی جس سے علاقے میں خوشحالی کا ایک نیا باب کھُل جائے گا اور علاقے میں زرعی انقلاب برپاء ہوگا انہوں نے کہا کہ ماضی میں مون سون کی بارشوں سے ہونے والا نقصان ناقابل تلافی ہوا تھا اور ممکنہ سیلابی ریلہ سے نمٹنے کے لیے امسال محکمہ کی جانب سے ہیوی مشینریز سمیت اہلکاروں کوبھی الرٹ رکھا گیا ہے ،ایک سوال کے جواب میں انہوں نے کہا کہ سبی ڈویژن کا ضلع ہرنائی جہاں پر اکثروبیشتر بارشوں کا سلسلہ زیادہ رہتا ہے ضلع میں حفاظتی بندات کی تعمیر کاکام تیزی سے جاری ہے جسے جاری مالی سال میں مکمل کردیا جائے گا۔
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.