ایرانی مجلس شوریٰ کے سپیکر کا سپیکر سردار ایاز صادق سے ٹیلی فون پر رابطہ ، یمن کی صورتحال کا مذاکرات کے ذریعے حل نکالنے پر اتفاق،ایٹمی پروگرام پر معاہدے سے ایران پر عائد عالمی پابندیاں ختم ہوں گی ، دونوں رہنماؤں کی گفتگو
اتوار 5 اپریل 2015 22:22
تہران (اُردو پوائنٹ اخبارتازہ ترین - آئی این پی۔5 اپریل۔2015ء) قومی اسمبلی کے سپیکر اور ایرانی مجلس شوریٰ کے سپیکر کے درمیان ہونیوالے رابطے میں یمن کے بحران کا پرامن سیاسی حل تلاش کرنے پر اتفاق کیا گیا ہے ۔ تفصیلات کے مطابق ایرانی کی مجلس شوریٰ کے سپیکر علی لارے جانی نے قومی اسمبلی کے سپیکر سردار ایاز صادق سے ٹیلی فون پر رابطہ قائم کیا اور ان سے مشرق وسطیٰ کی صورتحال بالخصوص یمن میں حوثی باغیوں کی طرف سے حکومت کا تختہ الٹنے کے بعد پید اہونیوالے کشیدہ حالات پر تبادلہ خیالات کیا گیا ۔
دونوں رہنماؤں نے اس بات پر اتفاق کیا کہ یمن کی صورتحال کا حل سیاسی مذاکرات کے ذریعے تلاش کیا جانا چاہیے اور ایسا حل نکالنا چاہیے جس سے امت مسلمہ کے اتحاد کیلئے کوئی مسئلہ پیدا نہ ہو ۔(جاری ہے)
ایرانی میڈیا کے مطابق ایرانی پارلیمنٹ کے سپیکر نے کہا کہ پاکستان اور ایران دونوں پڑوسی ممالک ہیں اور دونوں ممالک کو چاہیے کہ ناصرف خطے بلکہ یمن میں امن کے قیام کیلئے آپس میں رابطے قائم رکھیں ۔
ایرانی سپیکر نے کہا کہ ایران کے ایٹمی پروگرام کے حوالے سے ہونیوالے معاہدے سے خطے میں استحقام پیدا ہوگا اور امت مسلمہ کو بھی اس سے فائدہ پہنچے گا ۔ ایرانی سپیکر نے کہا کہ یمن میں کشیدگی اور جنگ سے غیر مسلم قوتیں فائدہ اٹھائیں گی لہٰذا جنگ کی بجائے اس مسئلے کا حل مذاکرات کے ذریعے تلاش کیا جانا چاہیے اور یمن میں جنگ شروع کرنیوالوں کو افغانستان میں نیٹو فورسز اور سویت یونین کے ساتھ جو کچھ ہوا اسے مد نظر رکھنا چاہیے ، یمن میں فوجی مداخلت سے مسئلہ حل نہیں ہوگا بلکہ اس سے مسائل مزید پیچیدہ ہوں گے ۔ پاکستان کی اسمبلی کے سپیکر ایاز صادق نے عالمی قوتوں اور ایران کے درمیان ایٹمی پروگرام کے حوالے سے ہونیوالے معاہدے کا خیر مقدم کیا اور اس توقع کا اظہار کیا کہ اس معاہدے کے بعد ایران پر عائد عالمی پابندیاں ختم ہو جائیں گی ۔ ایرانی حکومت کے حکام کے مطابق پاکستان کی حکومت یمن کے اندرونی معاملات میں مداخلت کرنے کا کوئی ارادہ نہیں رکھتی اور پاکستان کی حکومت کی یہ خواہش ہے کہ یمن میں امن سے امت مسلمہ کو فائدہ پہنچے گا ۔متعلقہ عنوان :
مزید اہم خبریں
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
8 فروری کو ن لیگ پنجاب میں زیادہ سے زیادہ صرف 40 نشستیں جیتی
-
ٰآئی ایم ایف کے نئے پروگرام کیلئے اسٹاف لیول معاہدہ جولائی میں ہونے کا امکان ہے، محمد اورنگزیب
-
پنجاب میں ن لیگ ختم ہوگی تو کوئی ایسا ہوگا جو خلاء کو پُر کرے گا
-
نان بائی ویلفیئرایسوسی ایشن نے روٹی، نان کے سرکاری نرخ کو چیلنج کردیا
-
جنرل (ر) قمر باجوہ نے نوازشریف کو باہر بھیجنے میں سہولتکاری کی تھی
-
8 فروری کے عام انتخابات کے بعد جو فارم 47 خلافِ قانون کئی روز تک جاری نہ ہوئے انکا ضمنی انتخاب کے چند گھنٹے بعد جاری ہونا نہایت حیرت انگیز ہے،پی ٹی آئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.