ایل پی جی کا فروغ روایتی ایندھن پر انحصار اور تجارتی خسارہ کم کرسکتاہے‘ فاروق افتخار
ہفتہ 4 اپریل 2015 15:03
لاہور ( اُردو پوائنٹ اخبار تازہ ترین۔04 اپریل۔2015ء) ایل پی جی ایسوسی ایشن آف پاکستان کے چیئرمین فاروق افتخار نے کہا ہے کہ ایل پی جی کو فروغ دینے سے نہ صرف ایندھن کے روایتی ذرائع پر انحصار کم ہوگا بلکہ آئل امپورٹ بل میں بھی کمی آئے گی جس تجارتی خسارہ کم ہوگا۔ ایک بیان میں ایل پی جی ایسوسی ایشن آف پاکستان کے چیئرمین نے کہا کہ ایل پی جی انڈسٹری ملک کے معاشی استحکام میں اپنا بھرپور کردار ادا کرتی ہے لیکن اس کے لیے حکومت کو اس اہم سیکٹر کے مسائل ترجیحی بنیادوں پر حل کرنا ہونگے۔
انہوں نے کہا کہ ایل پی جی کی سمگلنگ اور انتہائی گھٹیا معیار کی زہریلی ایل پی جی کی درآمد کی وجہ سے مقامی ایل پی جی انڈسٹری تباہی کے دہانے پر کھڑی ہے جسے بچانے کے لیے وزارت پٹرولیم اور وزارت خزانہ کو اپنا بھرپور کردار ادا کرنا چاہیے۔(جاری ہے)
انہوں نے کہا کہ حکومت مقامی ایل پی جی انڈسٹری کے تحفظ کے لیے ٹھوس اقدامات اٹھائے کیونکہ نہ صرف اس سے ان گنت خاندانوں کا روزگار وابستہ ہے بلکہ یہ حکومت کے لیے محاصل کا بھی ایک بڑا ذریعہ ہے۔
فاروق افتخار نے کہا کہ کچھ مفاد پرست امپورٹرز گھٹیا معیار کی ایل پی جی سستے داموں بیچ کر لوگوں کی جانوں سے کھیل رہے ہیں کیونکہ اس ایل پی جی میں تیزی سے آگ پکڑنے والے زہریلے کیمیکلز کی ملاوٹ کی گئی ہے جبکہ اس سے قومی خزانے کو بھی بھاری نقصان ہورہا ہے۔ انہوں نے کہا کہ ایل پی جی کے مقامی پروڈیوسرز کی پیداواری لاگت بہت زیادہ ہونے کی وجہ سے درآمد شدہ گھٹیا معیار کی ایل پی جی سستے داموں فروخت ہورہی ہے لہذا حکومت کو مقامی پروڈیوسرز کی پیداواری لاگت میں کمی لانے کے لیے بھی اقدامات اٹھانے چاہئیں۔ فاروق افتخار نے کہا کہ سمندر کے ذریعے امپورٹ کی جانے والی ایل پی جی کی لاگت 67ہزار روپے فی میٹرک ٹن جبکہ مقامی ایل پی جی کی قیمت 72ہزار روپے سے 77ہزار روپے فی میٹرک ٹن ہے۔ انہوں نے کہا کہ حکومت کو اس صورتحال کا نوٹس لینا چاہیے اور مقامی پروڈیوسرز کی حوصلہ افزائی کرنے کے لیے پیداواری لاگت کم کرنی چاہیے بصورت دیگر زہریلے کیمیکلز کی ملاوٹ شدہ ایل پی جی کی وجہ سے انتہائی قیمتی انسانی جانیں ضائع ہوسکتی ہیں۔متعلقہ عنوان :
مزید تجارتی خبریں
-
انٹر بینک میں روپے کے مقابلے ڈالر کی قدر مستحکم رہی جبکہ اوپن مارکیٹ میں ڈالر مہنگا
-
دو ہفتوں کے دوران پیٹرول کی قیمت میں 5 فیصد اضافہ
-
پاکستان اسٹاک مارکیٹ بدھ کو بھی کاروباری اتار چڑھائو کی زد میں رہی ،اگرچہ ٹریڈنگ کے دوران انڈیکس 70700پوائنٹس کی بلند سطح عبور کر گیا تھا تاہم پرافٹ ٹیکنگ کیلئے فروخت کے دبائو سے تیزی مندی میں تبدیل ..
-
انٹر بینک میں روپے کے مقابلے ڈالر کی قدر مستحکم رہی جبکہ اوپن مارکیٹ میں ڈالر مہنگا
-
ایس ای سی پی نے پہلے ڈیجیٹل انشورنس کا لائسنس جاری کردیا
-
انٹر بینک میں روپے کے مقابلے ڈالر کی قدر مستحکم رہی جبکہ اوپن مارکیٹ میں ڈالر مہنگا
-
پی ایس ایکس نے لسٹڈ کمپنیوں کے لیے ای ایس جی پریمیئر جاری کردیا
-
ایس ای سی پی نے فرنٹ رننگ کے الزام میں دو افراد کے خلاف فوجداری مقدمہ درج کرا دیا
-
پاکستان سٹاک ایکسچینج میں مندی کارحجان
-
آئی ایم ایف کی آئندہ سال پاکستان میں افراط زرکی شرح میں نمایاں کمی اورمجموعی قومی پیداوارمیں اضافہ کی پیشنگوئی
-
ملک بھر میں سونے کی قیمت میں 2400روپے اضافہ ریکارڈ
-
پاکستان سٹاک ایکسچینج میں مندی کارحجان، 100 انڈکس 60.92 پوائنٹس کی کمی کے بعد 70483.66 پوائنٹس پربند
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.