نارتھ ناظم آباد پر گرین بیلٹ پرغیر قانونی طور پر غیر ملکی ریسٹورینٹ کھولنے کی اجازت دینے پر میونسپل کمشنر سینٹرل کمال مصطفی کو ان کے عہدے سے برطرف کرکے ان کے خلاف انکوائری کے احکامات دے دئیے گئے ہیں،شرجیل انعام میمن
جمعرات 2 اپریل 2015 22:38
کراچی(اُردو پوائنٹ اخبار تازہ ترین۔02 اپریل۔2015ء) وزیر اطلاعات و بلدیات سندھ شرجیل انعام میمن نے جمعرات کے روز نارتھ ناظم آباد پر گرین بیلٹ پرغیر قانونی طور پر غیر ملکی ریسٹورینٹ کھولنے کی اجازت دینے پر میونسپل کمشنر سینٹرل کمال مصطفی کو ان کے عہدے سے برطرف کرکے ان کے خلاف انکوائری کے احکامات دے دئیے ہیں۔ جمعرات کو صوبائی وزیر شرجیل انعام میمن نے اچانک نارتھ ناظم آباد کا دورہ کیا اور وہاں گرین بیلٹ پر قائم دو غیر ملکی ریسٹورینٹ اور ایک مٹھائی کی دکان کو سیل کروایا اور اس سلسلے میں ڈسٹرکٹ سینٹرل کی انتظامیہ سے تفصیلی رپورٹ طلب کی۔
جس کے بعد انہوں نے پہلے مرحلے میں سیکشن آفیسر سینٹرل شمعون صدف کو فوری طور پر معطل کرکے سیکرٹری بلدیات کو ان کے خلاف محکمہ ذاتی کارروائی کی ہدایات دیں اور بعد ازاں میونسپل کمشنر سینٹرل کمال مصطفی کو بھی معطل کرکے ان کے خلاف انکوائری کے احکامات دئیے ہیں۔(جاری ہے)
واضح رہے کہ مذکورہ گرین بیلٹ پر قائم دو غیر ملکی ریسٹورینٹ اور دیگر دکانوں کو سابقہ ٹاؤن ناظم ممتاز حمیدنے اپنے اختیارات سے تجاوز کرتے ہوئے 5 سال کے لئے لیز پر زمین فراہم کی تھی، جس کی معیاد 2013میں مکمل ہوگئی تھی تاہم بعد ازاں اس وقت کے ایڈمنسٹریٹر سینٹرل لطیف لودھی اور میونسپل کمشنر کمال مصطفی نے اس معاہدے کی اپنے اختیارات سے تجاوز کرتے ہوئے دوبارہ تجدید کی تھی، جس پر جمعرات کو صوبائی وزیر نے نہ صرف ان دونوں غیر ملکی ریسٹورنٹ اور گرین بیلٹ پر قائم دیگر دکانوں کو سیل کروادیا بلکہ میونسپل کمشنر و سیکشن آفیسر سینٹرل دونوں کو معطل کرکے ان کے خلاف تحقیقات کرکے ان کے کیسز کو اینٹی کرپشن میں بھیجنے کی سیکرٹری بلدیات کو ہدایات جاری کردی ہیں۔
متعلقہ عنوان :
مزید قومی خبریں
-
حکومت گندم خریدنے کے ہدف میں4 ملین ٹن کا اضافہ کرے ‘ جمشید اقبال چیمہ
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
وفاقی حکومت کی طرف سے منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے، یہ بروقت مکمل ہونگے، اعظم نذیر تارڑ
-
ای بائیکس پورٹل کے ذریعے 1 لاکھ سے زائد طلبہ نے رجسٹریشن کروالی
-
پتوکی،مسلح ملزمان 22سالہ لڑکی کو اسلحہ کے زور پر اغوا کرکے فرار
-
سعد رفیق کا اپنی پرانی تقریر ایڈٹ کرکے جاری کرنے پر قانونی کارروائی کا اعلان
-
راولپنڈی ،چوری کی وارداتوں میں مطلوب دو ملزمان گرفتار
-
وزیراعلیٰ پنجاب نے صوبائی انفورسمنٹ اتھارٹی کے قیام کی منظوری دیدی
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
ایران سے سالانہ بنیادوں پر درآمدات میں 25فیصد کا بڑا اضافہ
-
لاہور : بارش سے بجلی کا ترسیلی نظام متاثر، 46 سے زائد فیڈر ٹرپ کر گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.