نواز شریف کی حکومت گرانے کی کوشش کی گئی تو مزاحمت کریں گے،یمن کی لڑائی کو اپنی لڑائی نہیں سمجھتے، سعودی عرب کا تحفظ پوری دنیا میں ہر مسلمان پر فرض ہے‘سعودی عرب کی حفاظت کیلئے خود بھی جانا پڑا تو جاؤں گا‘آپریشن ضرب عضب کی مکمل حمایت کرتے ہیں، جب تک تعمیرات مکمل نہ ہوں، آئی ڈی پیز کو واپس نہیں بھیجنا چاہئے
عوامی نیشنل پارٹی کے سربراہ اسفند یار ولی کی میڈیا سے بات چیت
جمعرات 2 اپریل 2015 22:05
کراچی (اُردو پوائنٹ اخبار تازہ ترین۔02 اپریل۔2015ء) عوامی نیشنل پارٹی (اے این پی) کے سربراہ اسفند یار ولی نے کہا ہے کہ یمن کی لڑائی کو اپنی لڑائی نہیں سمجھتے سعودی عرب کا تحفظ پوری دنیا میں ہر مسلمان پر فرض ہے‘سعودی عرب کی حفاظت کیلئے خود بھی جانا پڑا تو جاؤں گا‘ نواز شریف کی حکومت گرانے کی کوشش کی گئی تو مزاحمت کریں گے‘آپریشن ضرب عضب کی مکمل حمایت کرتے ہیں، جب تک تعمیرات مکمل نہ ہوں، آئی ڈی پیز کو واپس نہیں بھیجنا چاہئے۔
وہ جمعرات کو یہاں میڈیا سے بات چیت کر رہے تھے۔ اسفند یار ولی نے کہا کہ یمن کی لڑائی کو اپنی لڑائی نہیں سمجھتے لیکن سعودی عرب کا تحفظ پوری دنیا میں ہر مسلمان پر فرض ہے اور اس کیلئے خود بھی سعودی عرب جانا پڑا تو ضرور جاؤں گا تاہم فوج کو یمن نہ بھیجا جائے۔(جاری ہے)
انہوں نے کہا کہ 80 کی دہائی میں فرد واحد کے فیصلے کا خمیازہ اب تک بھگت رہے ہیں، آج بھی فرد واحد فیصلہ کرنے جا رہا ہے، قومی پالیسی تشکیل دی جائے۔
یمن میں فوج نہ بھیجی جائے، اس کی مخالفت کریں گے۔ انہوں نے کہا کہ یمن میں فوج بھیجنے سے پہلے آل پارٹیز کانفرنس (اے پی سی) بلائی جائے تاکہ یہ قومی پالیسی بن سکے۔ایک سوال کے جواب میں اسفندیار ولی نے کہا کہ نیا خیبرپختونخواہ بننے جا رہا ہے جس میں عجیب سا نظام ہے ، اسمبلیوں کو گندگی کا ڈھیر کہنے والے عمران خان واپس جا رہے ہیں۔ بلدیاتی انتخابات سے متعلق سوال کے جواب میں اے این پی کے سربراہ کا کہنا تھا کہ بلدیاتی انتخابات جلد از جلد ہونے چاہئیں۔ انہوں نے کہا کہ وزیراعظم کو غیر جمہوری طریقے سے ہٹانے کی کوشش کی گئی تو سب کھڑے ہوں گے۔ اسفندر یار ولی کا کہنا تھا کہ آپریشن ضرب عضب کی مکمل حمایت کرتے ہیں، جب تک تعمیرات مکمل نہ ہوں، آئی ڈی پیز کو واپس نہیں بھیجنا چاہئے۔متعلقہ عنوان :
مزید قومی خبریں
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
سندھ حکومت کا اورنج لائن اور گرین لائن کو جوڑنے کے لئے شٹل سروس شروع کرنے کا فیصلہ
-
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
-
اسٹیل کی قیمتوں میں کمی کی وجہ سے کاروباری سرگرمیوں میں اضافہ ہو گیا
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.