ہواوے نے ایک اورغیرمعمولی گیجٹMediaPad T1 8.0 متعارف کرادیا

جمعرات 2 اپریل 2015 19:42

کراچی (اُردو پوائنٹ اخبار تازہ ترین۔02 اپریل۔2015ء) عالمی سطح پرٹیلی کمیونیکیشنز سلوشنزفراہم کرنیوالی معروف کمپنی ہواوے نے ایک اورغیرمعمولی گیجٹ(چھوٹاآلہ)MediaPad T1 8.0 متعارف کرادیا ہے جومنفرداورحیرت انگیزایپلی کیشنزاوراعلی معیارکے آپریٹنگ سسٹم سے لیس ہے جبکہ اس کا ہموارڈیزائن اورہلکا پن دیگرخصوصیات ہیں۔ MediaPad ہموار اوربلارکاوٹ انٹرنیٹ سرفنگ اور 4G اور وائی فائی سپورٹ کے ذریعے اپنے صارفین کوناقابل فراموش تجربہ کی فراہمی کویقینی بناتا ہے۔

MediaPad T1 8.0 ، 7.9 ملی میٹرکے انتہائی پتلے ڈیزائن کا ایک ہلکا دھاتی ٹیبلٹ ہے جس کویوزر اپنے ساتھ رکھنے پرکسی قسم کا بوجھ محسوس نہیں کرتا ۔میڈیا ٹیب کا وزن محض 360 گرام ہے اور اب کسٹمر زبغیرکسی بوجھ کے اپنے ساتھ اہم دستاویزات اور حتی کہ پورا دفترگھمانے کے قابل ہو گئے ہیں۔

(جاری ہے)

ہواوے کے مارکیٹنگ سربراہ فرازایم خان کا کہنا ہے کہ Huawei نے ہمیشہ اعلی معیارکی مصنوعات تیارکی ہیں MediaPad T1 8.0 ایک گیجٹ (چھوٹا آلہ)ہے جواپنے صارفین کیلئے قریبی ساتھی کے طور پر کام کرے گا ۔

انھوں نے کہا کہ اس طرح کے غیر معمولی آلات شروع کرنے کے ضمن میں ہمارا بنیادی مقصد اپنے قابل قدر کسٹمرزکی زندگیوں کو آسان اور آرام دہ بناناہے ۔یہ ٹیبلٹ Qualcomm MSM8916 چپ اور 1.2 گیگاہرٹز کی رفتارکے 28 nm A53 Quad-core پروسیسر،2MP فرنٹ ،5MP کے ریئرکیمرے، انڈرائیڈ 4.4 (KitKat) آپریٹنگ سسٹم ، 4800mAh کی طویل بیٹری لائف،16GB ROM ،1GB RAM ، 32GB تک قابل توسیع انٹرنل میموری اور Huawei کے منفرد ایموشن UI 2.3 سے لیس ہے جبکہ اس کی سکرین ریزولوشن 800*1280 پکسلز ہے جوصاف وشفاف تصویراورویڈیوبنانے کی سہولت فراہم کرے گا۔

Facebook Twitter Google + Share on Whatsapp

ہواوے نے ایک اورغیرمعمولی گیجٹMediaPad T1 8.0 متعارف کرادیا

متعلقہ عنوان :

مزید تجارتی خبریں