آیت اللہ ریاض نجفی وفاق المدار س الشیعہ کے مرکزی صدر منتخب، مدارس کی رجسٹریشن کا حکومتی فارم مسترد کردیا گیا،
حرمین شریفین کا دفاع ہر مسلمان پر واجب ہے، آل سعود یمن ہو، بحرین یا شام کسی بھی جنگ کا حصہ نہ بنیں‘ علامہ نیاز نقوی ، یمن کے بحران کو غلط رنگ دیا جارہا ہے،داعش سے سعود ی عرب اور پاکستان دونوں کو خطرہ ہے‘ علامہ افتخار نقوی و دیگر کا خطاب
منگل 31 مارچ 2015 22:20
لاہور ( اُردو پوائنٹ اخبارتازہ ترین - این این آئی۔31مارچ۔2015ء) آیت اللہ حافظ ریاض حسین نجفی کو وفاق المدار س الشیعہ پاکستان کا بلامقابلہ مرکزی صدر منتخب کرلیا گیا ہے جبکہ مدارس کی رجسٹریشن کے مجوزہ حکومتی فارم کو مسترد کرتے ہوئے مطالبہ کیا گیا ہے کہ اتحاد تنظیمات مدارس کی قیادت کو اعتماد میں لیا جائے۔ جامعتہ المنتظر لاہور میں وفاق المداس الشیعہ کی مجلس عاملہ کے اجلاس میں میں بزرگ علما پر مشتمل اعلٰی اختیاراتی مجلس اعلٰی کی طرف سے آیت اللہ حافظ ریاض حسین نجفی کا آئندہ چار سال کے لیے نام مرکزی صدر کے لئے پیش کیا، جس کی ارکان نے تائید کی اور مد مقابل کوئی امیدوار نہ آیا۔
اجلاس میں قائد ملت جعفریہ علامہ ساجد علی نقوی، علامہ نیاز حسین نقوی،علامہ محمد افضل حیدری، اسلامی نظریاتی کونسل کے رکن علامہ افتخار حسین نقوی، علامہ شیخ محسن علی نجفی، سابق سینیٹر علامہ جواد ہادی، علامہ شیخ مرزا علی، علامہ محمد تقی نقوی، علامہ عارف واحدی، علامہ شبیر میثمی اور دیگر علمانے بھی شرکت کی۔(جاری ہے)
اجلاس میں مدارس دینیہ کی رجسٹریشن کے لئے حکومت کا مجوزہ فارم غیر ضروری قراردے کر مسترد کرتے ہوئے واضح کیا گیا کہ اتحاد تنظیمات مدارس کی قیادت کو اعتماد میں لے کر تیارکردہ فارم ہی قابل قبول ہوگا۔
اس بات پر ا طمینان کا اظہار کیا گیا کہ کوئی شیعہ دینی مدرسہ دہشت گردی میں ملوث نہیں پایا گیا۔ دہشت گردی کے خلاف فوج کے آپریشن ضرب عضب کی حمایت کا اعلان اور اتحاد امت کی ضرورت پر زور دیتے ہوئے مطالبہ کیا گیا کہ پاکستان یمن میں اپنے حقوق کی جدوجہد کرنے والے عوام کے خلاف کسی قسم کی جنگ کا حصہ نہ بنے ۔ جنرل راحیل شریف فوج کے دستے یمنی عوام سے لڑنے کیلئے نہ بجھوائیں۔ میڈیا سے گفتگو میں علامہ محمد افضل حیدری نے کہا کہ سوسائیٹیز ایکٹ کے تحت مدارس کی رجسٹریشن پر کسی کو کوئی اعتراض نہیں تھا۔ مگر حکومت کے نئے فارم میں پوچھی گئی معلوما ت غیر ضروری ہیں، انہیں تسلیم نہیں کرتے ۔ ایک سوال کے جواب میں علامہ نیا زنقوی نے واضح کیا کہ حرمین شریفین امت مسلمہ کی عقیدت کا محور و مرکز ہیں۔اس کا دفاع ہر مسلمان پر واجب ہے۔ مگر یمن کے بحران سے ابھی تک کسی نے حرمین شریفین اور سعودی عرب پر حملہ کیا ہے اور نہ ہی اس کا اعلان کیا ہے۔خادم الحرمین شریفین کہلانے والے آل سعود یمن ہو، بحرین یا شام کسی بھی جنگ کا حصہ نہ بنیں۔ عوام کے سیاسی حقوق کا احترام کیا جائے۔ شورش زدہ علاقوں میں انتخابات کروائے جائیں۔ علامہ افتخار نقوی نے کہا کہ یمن کے بحران کو غلط رنگ دیا جارہا ہے۔ 14۔ قبائل پر مشتمل انصاراللہ حکومت مخالف اتحاد کی سیاسی اصلاحات کے لئے جدوجہد ہے ۔ جو کہ زیدی، حنفی اور شافعی ہیں۔ شیعہ اثنا عشری صرف ہزاروں کی تعداد میں ہیں۔ انہوں نے کہا کہ خانہ کعبہ اور روضہ رسول ﷺپر حملے کی دھمکی داعش کے نام نہاد خلیفہ نے دی ہے۔ مگر افسوس ہے کہ پاکستان میں کچھ لوگ اسے فرقہ وارانہ رنگ دینے کی سازش کررہے ہیں۔ حالانکہ حقیقت یہ ہے کہ سلفی ملک سعودی عرب نے حنفی، زیدی اور شافعی ملک یمن پر حملہ کیا ہے۔ ان کا کہنا تھا کہ داعش سے سعود ی عرب اور پاکستان دونوں کو خطرہ ہے۔ اس کا سدباب اتحاد سے ہی کیا جاسکتا ہے۔ محسن ملت علامہ صفدر حسین نجفی مرحوم کی برسی کے اجتما ع سے خطاب میں قائد ملت جعفریہ علامہ ساجد علی نقوی نے کہا کہ جنر ل راحیل شریف کے دہشت گردوں کے خلاف بیانات حوصلہ افزا ہیں،ہم نتائج کے منتظر ہیں۔ امن و امان پر تشویش کا اظہار کرتے ہوئے انہوں نے کہا کہ نیشنل ایکشن پلان محض اعلان ثابت ہوا۔ اس کے بعد دہشت گردی کے چار بڑے واقعات ہوئے ملک کی 26۔ خفیہ ایجنسیاں کہاں تھیں۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.