حکومت انڈس موٹرز(ٹویوٹا) کی لوٹ مار پر خاموش ،نئی گاڑیوں کی بکنگ کیلئے ہزاروں افراد سے اربوں کی رقم وصول کرلی، چھ ماہ گذر جانے کے باوجود گاڑیاں نہ مل سکیں ، کمپنی جمع شدہ رقم پر بینکوں سے کروڑوں روپے ماہوار منافع وصول کر نے میں مصروف ، بکنگ کرانے والوں کا چیئرمین ایس ای سی پی سے انڈس موٹرز کیخلاف کارروائی کا مطالبہ
منگل 31 مارچ 2015 17:45
اسلام آباد (اُردو پوائنٹ اخبار تازہ ترین۔31مارچ۔2015ء) حکومت انڈس موٹرز(ٹویوٹا) کی لوٹ مار اور اجارہ داری پر خاموش تماشائی بن گئی۔ نئی گاڑیوں کی بکنگ کیلئے ہزاروں افراد سے ایک ارب روپے سے زائد کی رقم وصول کرلی، جنہیں گزشتہ چھ ماہ سے گاڑیاں نہیں ملیں، کمپنی جمع شدہ رقم پر بینکوں سے کروڑوں روپے ماہوار منافع وصول کر رہی ہے، گاڑیاں بک کرانے والوں کا چیئرمین سیکیورٹیز اینڈ ایکسچینج کمیشن آف پاکستان سے انڈس موٹرز کیخلاف کارروائی کا مطالبہ۔
تفصیلات کے مطابق انڈس موٹرز(ٹویوٹا) کمپنی کے خلاف ایڈوانس بکنگ کے باوجود بروقت گاڑیاں فراہم نہ کرنے کی شکایات کی بھرمار ہو گئی ہے۔ منگل کو ٹویوٹا گاڑیوں کی ایڈوانس بکنگ کرانے والوں نے بتایا کہ چھ ماہ ہو گئے کمپنی کو سو فیصد پیشگی ادائیگی کر دی جبکہ کمپنی گاڑیوں کی فراہمی کیلئے مسلسل تاریخ پر تاریخ دے رہی ہے۔(جاری ہے)
ذرائع کے مطابق گزشتہ چھ ماہ کے دوران ہزاروں افراد نے انڈس موٹرز کے پاس ایک ارب روپے سے زائد کی گاڑیاں بک کرائی ہیں جس پر کمپنی بینکوں سے ماہوار کروڑوں روپے منافع وصول کر رہی ہے۔
دوسری جانب وفاقی وزیر صنعت و تجارت سمیت تمام حکومتی ادارے خاموش تماشائی کا کردار ادا کر رہے ہیں۔ گزشتہ چھ ماہ کے دوران ٹویوٹا گاڑیوں کی ایڈوانس بکنگ کرانے والے متاثرین نے کہا کہ انڈس موٹرز کمپنی چھ ماہ گزرنے کے باوجود گاڑیاں فراہم نہ کر کے سیکیورٹیز اینڈ ایکسچینج کمیشن آف پاکستان کے قواعد و ضوابط کی سنگین خلاف ورزی کر رہی ہے۔ انہوں نے چیئرمین ایس ای سی پی سے مطالبہ کیا کہ قواعد و ضوابط کی خلاف ورزی پر انڈس موٹرز کے خلاف فوری طور پر کاروائی کی جائے۔متعلقہ عنوان :
مزید تجارتی خبریں
-
پاکستان میں پولٹری کے شعبہ نے تیزی سے ترقی کی ہے ،ڈاکٹرسجاد ارشد
-
ٹریکٹروں کی فروخت میں جاری مالی سال کے پہلے 9 ماہ میں سالانہ بنیادوں پر 66 فیصداضافہ
-
پاکستان سٹاک ایکسچینج میں مسلسل دوسرے روز مندی کارحجان،کے ایس ای 100 انڈیکس 43.20 پوائنٹس کی کمی کے بعد 70290.11 پوائنٹس پربند
-
لاہور:برائلر گوشت کی قیمت 699روپے فی کلو تک پہنچ گئی
-
انٹر بینک اور اوپن مارکیٹ میں روپے کے مقابلے ڈالر مہنگا
-
سونے کی قیمتوں کا کمی کا رجحان
-
اٹک سیمنٹ نے 1.27 ملین ٹن سالانہ کی نصب صلاحیت کے ساتھ ایک نئی پیداواری لائن کے اضافے کا اعلان
-
بینکوں کے ڈیپازٹس، قلیل مدت کے قرضوں اورسرمایہ کاری میں مارچ کے دوران سالانہ بنیاد پر اضافہ ہوا،سٹیٹ بینک
-
پاکستان سٹاک ایکسچینج میں تیزی،100 انڈیکس51 پوائنٹس اضافہ
-
برائلرگوشت کی قیمت 699 روپے فی کلو تک پہنچ گئی
-
چینی کارساز کمپنی چیری کا ٹیگو 8 کی قیمت میں بڑی کمی کا اعلان
-
انٹر بینک میں روپے کے مقابلے ڈالر کی قدر مستحکم رہی جبکہ اوپن مارکیٹ میں ڈالر مہنگا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.