والد محترم کی صحت یابی کیلئے دعاگو تمام دوستوں کاانتہائی مشکورہوں،رحمت صالح بلوچ

پیر 30 مارچ 2015 23:26

کوئٹہ(اُردو پوائنٹ اخبار تازہ ترین۔30مارچ۔2015ء)صوبائی وزیرصحت رحمت صالح بلوچ نے اپنے والد کی کراچی میں عیادت پرآنے والے افراد اظہار تشکرکرتے ہوئے کہا کہ میں ان تمام دوستوں کاانتہائی مشکورہوں جنہوں نے میرے والد محترم کی صحت یابی کیلئے دعاکی اوران کی جان پرسانی کیلئے تشریف لائے میں ان دوستوں اوربلوچستان کے عوام کابھی احسان مندہوں جنہوں نے میرے والد کی صحت یابی کیلئے اپنے گھروں میں دعائیں مانگی رب العزت نے ان تمام لوگوں کے دعاؤں کے عوض میرے والد کوصحت یابی کے ساتھ ساتھ نئی زندگی عطاء کی انہوں نے کہاکہ انسان وہی ہے جوکسی کے کام آئے اورمشکل گھڑی میں سہارابنے میں اورمیراخاندان انتہائی خوش نصیب ہے کہ ہمیں بے شمارچاہنے والے مخلص دوست اورلوگ ملے جوہمیں مشکل گھڑی میں اپنی دعاؤں اورہمدردی کااحساس دلاتے ہیںآ خرمیں صوبائی وزیرصحت رحمت صالح بلوچ نے عیادت پرآنے والے تمام دوستوں کویقین دلایاکہ میں اورمیراخاندان ہرمشکل گھڑی میں اپنے دوستوں اورعوام کے ساتھ ہیں اس موقع پرنیشنل پارٹی کے رہنماء غفارہوت،طاہرہ خورشید،مبارک علی بلوچ،حاجی عبدالصمد بلوچ،حاجی موسیٰ جان خلجی اورکراچی کے پارٹی رہنماء حمیدبلوچ بی ایس او کے حنیف کمانڈوسمیت دیگررہنماء بھی موجود تھے۔