پاکستان اسٹیل میں مقامی مارکیٹ کیلئے 2 ملی میٹر سائز کے ہاٹ رولڈ کوائلز کی تیارکئے جارہے ہیں،ترجمان
پیر 30 مارچ 2015 17:30
کراچی (اُردو پوائنٹ اخبار تازہ ترین۔30مارچ۔2015ء) : پاکستان اسٹیل نے مقامی مارکیٹ کیلئے2 ملی میٹر سائز کے ہاٹ رولڈ کوائلز بنانا شروع کردیئے ہیں جس سے مقامی انڈسٹری کو کم سے کم نرخوں پر خام مال کی فراہمی ممکن ہوسکے گی۔ ملک کے سب سے بڑے فولاد ساز صنعتی ادارے”پاکستان اسٹیل“ نے مقامی مارکیٹ کی طلب اور مصنوعات کی فروخت میں اضافے کے لئے 2 ملی میٹر سائز کے ہاٹ رولڈ کوائلز بنانے کا عمل شروع کردیا گیاہے ۔
یاد رہے کہ اس سے قبل پاکستان اسٹیل میں 3 ملی میٹر تا 12 ملی میٹر سائز کے ہاٹ رولڈ کوائلز تیار کئے جاتے تھے۔ترجمان پاکستان اسٹیل نے بتایا کہ 2 ملی میٹر سائز کے ہاٹ رولڈ کوائل کا استعمال مقامی گاڑیوں کے ”رم“ و دیگر اقسام کے Forming Sections وغیرہ بنانے میں کیا جاتا ہے۔(جاری ہے)
جبکہ اسی سائز کے ہاٹ رولڈ کوائلز پائپ انڈسٹری میں ”اسٹیل پائپ“ بنانے میں استعمال کئے جاتے ہیں۔
یہاں یہ بات بتانا ضروری ہے کہ انڈسٹری کے لئے 2 ملی میٹر کے خام مال”ہاٹ رولڈ کوائل“ کی مقامی پیداوار نہ ہونے کے باعث بیرونِ ملک سے درآمد کرنا پڑتے تھے جس پر ڈالرز کی صورت میں ملک کا کثیر زرمبادلہ خرچ ہوتا تھا۔ لیکن اب پاکستان اسٹیل میں 2 ملی میٹر سائز کے ہاٹ رولڈ کوائلز کی تیاری سے نہ صرف پاکستان اسٹیل کی مصنوعات کی فروخت میں اضافہ ہوگا بلکہ مقامی آٹو اور پائپ انڈسٹری کو بھی سستا خام مال میسر آسکے گا۔ ترجمان پاکستان اسٹیل نے مزید بتایا کہ بہترین خام مال کی درآمد سے 2 ملی میٹر سائز کے ہاٹ رولڈ کوائلز کی تیاری ممکن ہوسکی ہے اور انتظامیہ پاکستان اسٹیل نے مقامی اسٹیل مارکیٹ کی طلب کو مدنظر رکھتے ہوئے 2 ملی میٹر سائز کے ہاٹ رولڈ کوائل کی تیاری ممکن بنانے کے لئے اعلیٰ اور عمدہ معیار کا میٹالرجیکل کول اور آئرن اوور بیرون ملک سے درآمد کیا ہے۔ یہا ں یہ بات بتانا ضروری ہے کہ پاکستان اسٹیل نے 2mm کے ہاٹ رولڈ کوائلز کے ساتھ ساتھ 1.6mm کے Thin Profiles کے ہاٹ رولڈ کوائلز بنانے کی تیاری بھی کرلی ہے۔ انتظامیہ پاکستان اسٹیل کو اُمید ہے کہ مقامی اسٹیل مارکیٹ کی طلب کے مطابق ہاٹ رولڈ کوائل کی تیاری سے ادارے کی اسٹیل مصنوعات کی فروخت اورآمدنی میں اضافے کی نتیجے میں پاکستان اسٹیل کے مالی بحران میں نہ صرف کمی واقع ہوگی بلکہ ادارے کو خود کفیل بنانے میں بھی مدد ملے گی۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.