بلوچستان ہائی کورٹ میں چےئرمین میونسپل کمیٹی سبی محمد داؤد کی دائر آئینی پٹیشن کی سماعت،
صوبے کے ایک اہم شہرمیں تعلیمی حوالے سے صورتحال اتنی خراب ہے،عدالت کا اظہار برہمی
ہفتہ 28 مارچ 2015 23:21
کوئٹہ(اُردو پوائنٹ اخبار تازہ ترین۔28مارچ2015ء) بلوچستان ہائی کورٹ کے جج جسٹس جمال خان مندوخیل اور جسٹس محمد اعجاز سواتی پر مشتمل سبی بنچ نے محمد داؤد چےئرمین میونسپل کمیٹی سبی کی جانب سے دائر آئینی پٹیشن کی سماعت کی اس موقع پر درخواست گذار نے عدالت کو بتایا کہ گورنمنٹ گرلز مڈل سکول حاجی عظیم خان گہرامزئی سبی اور گورنمنٹ گرلز پرائمری سکول چمڑہ کارخانہ سبی بغیرکسی بنیادی سہولت کے کرائے پر حاصل کردہ پلاٹوں میں چلائے جارہے ہیں جن کا کرایہ تک ان سکولوں کے اساتذہ اپنی جیبوں سے ادا کررہے ہیں ۔
انہوں نے عدالت سے درخواست کی کہ متعلقہ حکام کو ان مسائل کے حل کیلئے کہا جائے انہوں نے بتایا کہ علاقے میں محکمہ خوراک کی ایک عمارت خالی پڑی ہوئی ہے اگر مذکورہ سکولوں کو عارضی طور پر یہاں منتقل کردیا جائے تو یہ مسئلہ کسی حد تک حل ہوسکتاہے۔(جاری ہے)
عدالت نے کہا کہ یہ حکومت کی ذمہ داری ہے کہ وہ بچوں کو ضروری تعلیم مفت فراہم کرے جس کیلئے تعلیمی اداروں میں تمام تر سہولیات کی فراہمی کو یقینی بنایا جاناضروری ہے عدالت نے اس بات پر برہمی کا اظہار کیا کہ صوبے کے ایک اہم شہرمیں تعلیمی حوالے سے صورتحال اتنی خراب ہے۔
عدالت نے صوبائی سیکرٹری تعلیم اور ڈائریکٹر سکولز کو نوٹس جاری کرتے ہوئے اگلی تاریخ سماعت پر پیش ہونے کی ہدایت کی جبکہ ڈویژنل ڈائریکٹر ایجوکیشن سبی ڈسٹرکٹ ایجوکیشن آفیسران ( میل /فمیل) سبی کو مذکورہ دونوں سکولوں کے علاوہ ان کی نگرانی میں دیگر سکول کی موجودہ حالت سے متعلق ایڈوکیٹ جنرل کے توسط سے رپورٹ پیش کرنے کا حکم دیا۔ عدالت نے محکمہ خوراک کی عمارت کے حوالے سے ڈپٹی کمشنر کو ہدایت کی کہ اس سلسلے میں محکمہ کے متعلقہ آفیسر سے رابطہ کیا جائے اور اگر ممکن ہو تو مذکورہ سکول کو عارضی طور پروہاں منتقل کیا جائے سیکرٹری تعلیم کو ہدایت کی گئی کہ مذکورہ سکول کیلئے مستقل بنیادوں پر جگہ فراہم کرنے کا انتظام کیا جائے جبکہ کمشنر اور ڈپٹی کمشنر کو سکولوں کو فعال بنانے کے حوالے سے ڈسٹرکٹ ایجوکیشن آفیسران (میل /فیمیل) سبی کو ہر ممکن تعاون فراہم کرنے کی ہدایت کی گئی۔ عدالت نے ڈپٹی کمشنر کو اس حوالے سے آئندہ تاریخ سماعت یا اس سے قبل رپورٹ جمع کرانے کی ہدایت کی۔ کیس کی اہمیت کے پیش نظر اس کی آئندہ سماعت پرنسپل سیٹ کوئٹہ میں کرنے کیلئے یکم اپریل 2015 کی تاریخ مقرر کی گئی ہے۔ دریں اثناء معزز جج صاحبان کے حکم کی روشنی میں مذکورہ سکول کو عارضی طور پر محکمہ خوراک کی خالی عمارت میں منتقل کرکے تدریسی عمل کا آغاز کردیاگیا ہے جس کی رپورٹ معزز عدالت کو پیش کردی گئی جبکہ ڈپٹی کمشنر سبی نے عدالت کو یقین دہانی کرائی کہ مذکورہ عمارت میں بچوں کیلئے پینے کے پانی کے انتظامات اور دیگر سہولیات جلد فراہم کردی جائیں گیمزید اہم خبریں
-
احتساب عدالت نے عمران خان اور اہلیہ بشریٰ بی بی کا اینڈسکوپی ٹیسٹ 2روزمیں کرانے کا حکم
-
اسلام آباد ہائیکورٹ کی پمز ہسپتال کے میڈیکل بورڈ کو پرویز الٰہی کی صحت کا دوبارہ جائزہ لینے کا حکم
-
بلوچستان کی 14 رکنی کابینہ نے حلف اٹھا لیا
-
کراچی، غیر ملکیوں کی گاڑی پر حملہ کرنے والے دہشتگردوں کی شناخت بارے تفصیلات سامنے آگئیں
-
فیض آباد دھرنا کمیشن کو شہباز شریف کا دیا گیا بیان سامنے آگیا
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
سعودی عرب کے نائب وزیر دفاع جنرل طلال بن عبداللہ آل سعود کی پاک فوج کے سربراہ جنرل سید عاصم منیر سے ملاقات، دفاعی تعاون کو مزید فروغ دینے کے اقدامات پر تبادلہ خیال
-
وفاقی وزیر داخلہ محسن نقوی کی کراچی کے علاقے لانڈھی میں خودکش حملے کی مذمت
-
عدالتوں میں زیر سماعت مقدمات کو زیر بحث نہیں لایا جا سکتا،سپیکر قومی اسمبلی
-
لاہور ہائیکورٹ کا ڈپٹی ڈائریکٹر ماحولیات لاہور اور ڈپٹی ڈائریکٹر شیخوپورہ کو فوری تبدیل کرنے کا حکم
-
وفاقی وزیر داخلہ محسن نقوی کا کچے کے علاقے میں مشترکہ آپریشن کرنے کا فیصلہ
-
ورلڈ پریس فوٹو ایوارڈ: مردہ بچی کو تھامے فلسطینی خاتون کی تصویر کو
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.