سعودی عرب اور یمن کے درمیان تنازعہ ایک گریٹ گیم ہے ، لیفٹیننٹ جنرل(ر ) عبدالقیوم،
امت مسلمہ کو اس صورتحال کے پس منظر میں اپنی آنکھیں اور کان کھلے رکھنا ہونگے، اسلام دشمن قوتیں امت مسلمہ کے اتحاد کو پارہ پارہ کر کے اپنے مقاصد حاصل کرنا چاہتی ہیں، استقبالیہ میں گفتگو
ہفتہ 28 مارچ 2015 21:45
چکوال(اُردو پوائنٹ اخبار تازہ ترین۔28مارچ2015ء) سینٹ کے رکن لیفٹیننٹ جنرل(ر ) عبدالقیوم نے کہاہے کہ سعودی عرب اور یمن کے درمیان تنازعہ ایک گریٹ گیم ہے اور امت مسلمہ کو اس صورتحال کے پس منظر میں اپنی آنکھیں اور کان کھلے رکھنا ہونگے، کیونکہ اسلام دشمن قوتیں امت مسلمہ کے اتحاد کو پارہ پارہ کر کے اپنے مقاصد حاصل کرنا چاہتی ہیں۔ وہ مسلم لیگی رہنما ملک فلک شیر اعوان کی طرف سے بلال آباد تلہ گنگ میں دیے جانے والے استقبالیہ میں گفتگو کر رہے تھے۔
خطبہ استقبالیہ پیش کرتے ہوئے ملک فلک شیر اعوان نے سنیٹر عبدالقیوم کو مبارکباد پیش کرتے ہوئے اس یقین کا اظہار کیا کہ جنرل عبدالقیوم نا صرف ضلع چکوال کی تعمیر و ترقی میں اپنا بھرپور کردار ادا کریں گے بلکہ وہ ملک اور قوم کی بھی بھرپور انداز میں فکری رہنمائی کریں گے۔(جاری ہے)
استقبالیہ میں ایم این اے سردار ممتاز ٹمن، ایم پی اے سردار ذوالفقار علی خان دلہہ، ایم پی اے مہوش سلطانہ، بزرگ مسلم لیگی رہنما ملک اسلم سیتھی، سابق صدر اسلام آباد چیمبر آف کامرس ظفر بختاوری، چیئرمین پریس کلب خواجہ بابر سلیم محمود، عظیم سماجی کارکن راجہ مجاہد افسر، راجہ ساجد اقبال، بشیر سوز، ملک امیر خان، معروف نعت خوان عبدالرزاق جامی، پی ایم اے ضلع چکوال کے صدر ڈاکٹر زاہد ملک، ڈی سی او چکوال جاوید محمود بھٹی، ڈی پی او ڈاکٹر معین مسعود، ملک خالد ٹہی، ملک فیروز خان دھدیال، اسسٹنٹ کمشنر تلہ گنگ تنویر الرحمن، ٹی ایم او تلہ گنگ عابد ملک اور عمائدین علاقہ کی چیدہ چیدہ شخصیات موجود تھیں۔
جنرل عبدالقیوم نے مزید کہا کہ قوم کو بڑے چیلنجز کا سامنا ہے، دہشتگردی اور لوڈ شیڈنگ کا خاتمہ وزیراعظم نواز شریف کی پہلی ترجیحات ہیں،ملک میں امن ہوگا تو ترقی خود بخود ہوگی، جمہوریت اور اظہار رائے کی آزادی ہے، حتیٰ کے وزیراعلیٰ اور وزیراعظم کے خلاف بھی ایف آئی آرز درج ہورہی ہیں، ضلع چکوال مسلم لیگ ن کا مضبوط قلعہ ہے اور تمام منتخب عوامی نمائندوں کے ساتھ مل کر عوام کی خدمت کی جائے گی۔ اختتامی دعا حاجی عبدالرزاق جامی نے کرائی اور ملک سے دہشتگردی کے خاتمے اور پرامن پاکستان کی خصوصی دعا کرائی۔مزید اہم خبریں
-
وزیرِ اعظم شہباز شریف نے مشترکہ مفادات کونسل کی تشکیلِ نو کر دی
-
شانگلہ حملے کے اصل ملزمان کو قانون کے کٹہرے میں لائیں گے، وفاقی وزیرداخلہ کی چینی سفارت خانے کے دورے کے موقع پر گفتگو
-
آئی ایم ایف کے ساتھ نئے پروگرام کیلئے اسٹاف لیول معاہدہ جون تک کرنا چاہتے ہیں، وفاقی وزیر خزانہ
-
اپریل کو سندھ بھر میں عام تعطیل کا اعلان
-
فرانس: بالوں سے متعلق امتیازی سلوک ختم کرنے کا نیا قانون
-
امریکی سفیرکی اڈیالہ جیل میں بانی پی ٹی آئی سے ملاقات پروضاحت
-
کیا جرمنی شام کی اسد حکومت کی بالواسطہ مالی مدد کر رہا ہے؟
-
بھائی کے ہاتھوں قتل ہونے والی ماریہ کی ابتدائی میڈیکل رپورٹ منظر عام پر آگئی
-
وزیراعظم نے مشترکہ مفادات کونسل کی تشکیل نو کر دی،وزیرخزانہ کی جگہ وزیرخارجہ کونسل میں شامل
-
اللہ کو حاضر ناظرجان کر کہتا ہوں کسی کے ساتھ کوئی ناانصافی نہیں کی ،چیف جسٹس پشاور ہائیکورٹ
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
-
پاکستان: بھارت کے ساتھ تجارت بحال کرنے کی تجویز زیر غور ہے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.