وزیراعظم سے کراچی آپریشن، صولت مرزا کے بیان اور کارکنوں کی گرفتاریوں سے متعلق بات ہوئی، ہماری سیاسی ساکھ کو ناقابل تلافی نقصان پہنچایا گیا، دہشت گردوں کے خلاف بلا امتیاز کارروائی ہونی چاہیے، سیکیورٹی فورسز کی کارروائیوں میں رکاوٹ نہیں ڈالی، نائن زیرو پر کسی مجرم کو نہیں رکھاگیا، اسلحہ کے تمام پرمٹ وزیر اعظم کو جمع کرادیئے ، اسلحہ لائسنس وزیراعلیٰ سندھ، ڈی جی رینجرز اور آئی جی سندھ کو بھی بھجوائے، ایم کیوایم کے رہنماؤں فاروق ستار ، رشید گوڈیل اور خالد مقبول صدیقی کی وزیر اعظم سے ملاقات کے بعد میڈیا سے گفتگو
جمعہ 27 مارچ 2015 18:54
اسلام آباد(اُردو پوائنٹ اخبارتازہ ترین - آئی این پی۔27 مارچ۔2015ء) متحدہ قومی موومنٹ کے رہنماؤں ڈاکٹر فاروق ستار ، رشید گوڈیل اور خالد مقبول صدیقی نے کہاہے کہ وزیراعظم سے کراچی آپریشن، صولت مرزا کے بیان اور کارکنوں کی گرفتاریوں سے متعلق بات ہوئی، وزیر اعظم کو آگاہ کیا کہ ہماری سیاسی ساکھ کو ناقابل تلافی نقصان پہنچایا گیا، دہشت گردوں کے خلاف بلا امتیاز کارروائی ہونی چاہیے، سیکیورٹی فورسز کی کارروائیوں میں رکاوٹ نہیں ڈالی، نائن زیرو پر کارروائی کے وقت بھی کوئی مزاحمت نہیں کی، نائن زیرو پر کسی مجرم کو نہیں رکھاگیا، اسلحہ کے تمام پرمٹ وزیر اعظم کو جمع کرا دیئے ہیں، اسلحے کے لائسنس وزیراعلیٰ سندھ، ڈی جی رینجرز، آئی جی سندھ کو بھی بھجوائے ہیں۔
وہ جمعہ کو یہاں وزیر اعظم نواز شریف سے ملاقات کے بعد میڈیا سے گفتگو کررہے تھے ۔(جاری ہے)
قبل ازیں وزیراعظم ہاؤس میں وزیر اعظم نواز شریف سے ہونے والی ملاقات میں کراچی کی صورتحال سمیت دیگر اہم امور پر گفتگو کی گئی۔ بعدازاں رشید گوڈیل اور خالد مقبول صدیقی کے ہمراہ میڈیا سے گفتگو کرتے ہوئے ایم کیو ایم کے رہنماء فاروق ستار نے کہا کہ وزیراعظم سے کراچی آپریشن، صولت مرزا کے بیان اور کارکنوں کی گرفتاریوں سے متعلق بات ہوئی، وزیر اعظم کو بتایا کہ ہماری سیاسی ساکھ کو ناقابل تلافی نقصان پہنچایا گیا، دہشت گردوں کے خلاف بلا امتیاز کارروائی ہونی چاہیے، آج تک سیکیورٹی فورسز کی کارروائیوں میں رکاوٹ نہیں ڈالی، نائن زیرو پر کارروائی کے وقت بھی کوئی مزاحمت نہیں کی۔
انہوں نے کہا کہ نائن زیرو پر کسی مجرم کو نہیں رکھا، نائن زیرو کے اطراف سے کچھ جرائم پیشہ افراد کو گرفتار کیا گیا تھا، دہشت گردوں کے خلاف آپریشن میں رینجرز کے شانہ بشانہ ہیں، ہمارے کارکنوں کو آنکھوں پر پٹی باندھ کر عدالت میں پیش کیا گیا، ملزم اور مجرم میں فرق واضح کرنا چاہیے، ہمارے ساتھی مجرم نہیں ملزم تھے۔ انہوں نے کہا کہ ایسا تاثر دیا گیا کہ نائن زیرو پر جرائم پیشہ افراد اور اسلحہ رکھا گیا تھا، الطاف بھائی کی زندگی بھر کی محنت داؤ پر لگ گئی، ایم کیو ایم کی کھوئی ہوئی ساکھ کون واپس لوٹائے گا۔ سات برسوں میں ایم کیو ایم کے حوالے سے جو تاثر پیدا کیا گیا اس کو سختی سے مسترد کرتا ہوں، نائن زیرو پر اسلحہ لائسنس یافتہ تھا، ہمارے لائسنس یافتہ اسلحے کو غلط طریقے سے پیش کیا گیا، اسلحہ کے تمام پرمٹ وزیر اعظم کو جمع کرا دیئے ہیں، اسلحے کے لائسنس وزیراعلیٰ سندھ، ڈی جی رینجرز، آئی جی سندھ کو بھی بھجوائے ہیں۔ انہوں نے کہا کہ ہم انٹیلی جنس ادارہ نہیں جو معلوم ہو کون مطلوب کہاں چھپا ہوا ہے۔ میڈیا سے گفتگو کرتے ہوئے خالد مقبول صدیقی نے کہا کہ وزیر اعظم کو یاد دلایا کہ ہمارے کہنے پر آپریشن شروع کیا گیا، کراچی آپریشن سے متعلق مانیٹرنگ کمیٹی اب تک نہیں بنائی گئی۔ انہوں نے کہا کہ عمران خان نے ضرورت پڑنے پر ایم کیو ایم سے مدد کی بات کیوں کی، عمران خان آڈیو ٹیپ آن کرنے کی ہمت نہیں رکھتے ، عمران خان کا اصل چہرہ سامنے آگیا ہے، وزیراعظم سے صولت مرزا سے متعلق صرف ایک بات ہوئی، وزیر اعظم سے سوال کیا کہ بلیک وارنٹ جاری ہونے کے بعد بیان لیا جا سکتا ہے، کیا جیل مینوئل میں ویڈیو ریکارڈ کرنے کی گنجائش ہے۔مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.