پاکستان اور قطر کا توانائی، دفاع اور تجارت سمیت دیگر شعبوں میں تعاون کے فروغ پر اتفاق،پاکستان قطر کے ساتھ تعلقات کو بہت اہمیت دیتا ہے ، دونوں ملکوں کے درمیان تجارت کا حجم بہت کم ہے ،ا س میں مزید اضافہ کرنا ہوگا،صدر ممنون حسین کی امیر قطر شیخ تمیم الثانی سے ملاقات میں گفتگو، ایوان صدر پہنچنے پر صد امیر قطرکا پرتپاک استقبال ، صدر مملکت ممنون نے شیخ تمیم بن حماد الثانی کی دورہ قطر کی دعوت قبول کرلی
پیر 23 مارچ 2015 20:19
اسلام آباد(اُردو پوائنٹ اخبارتازہ ترین - آئی این پی۔23 مارچ۔2015ء) پاکستان اور قطر نے توانائی، دفاع اور تجارت سمیت دیگر شعبوں میں تعاون میں اضافے پر اتفاق کرلیا۔ صدر مملکت ممنون حسین نے کہاہے کہ دونوں ملکوں کے درمیان تجارتی حجم میں مزید اضافہ کرنا ہوگا۔ پیر کو صدر مملکت ممنون حسین سے ایوان صدر میں امیر قطر شیخ تمیم بن حماد الثانی نے ملاقات کی جس میں باہمی دلچسپی ، دوطرفہ تعلقات کے فروغ اور خطے کی صورتحال سمیت دیگر اہم امور پر تبادلہ خیال کیاگیا ۔
ا س دوران دونوں رہنماؤں نے دوطرفہ تعلقات ،توانائی، دفاع اور تجارت سمیت دیگر شعبوں میں تعاون میں اضافے پر اتفاق کرلیا ۔ملاقات کے دوران گفتگو کرتے ہوئے صدر مملکت نے کہا کہ پاکستان قطر کے ساتھ تعلقات کو بہت اہمیت دیتا ہے۔(جاری ہے)
انھوں نے کہا کہ دونوں ملکوں کے درمیان تجارت کا حجم صلاحیت سے بہت کم ہے جس میں اضافے کی ضرورت ہے۔ اس موقع پر امیر قطر نے کہا کہ انکا دورہ پاکستان دونوں ملکوں کے درمیان تعلقات میں قربت کی علامت ہے۔
مضبوط اور مستحکم پاکستان ہماری خواہش ہے اور اس مقصد کے لیے تعاون جاری رہے گا۔ انھوں نے کہا کہ پاکستانی ماہرین اور کارکنوں کے قطر کے دروازے کھلے ہیں۔ صدر مملکت ممنون حسین نے افغانستان کے حالات میں بہتری کے لیے صدر مملکت نے قطر کے کردار کی تعریف کی اور کہا کہ افغانستان میں انتخابات کے بعد پاک افغان تعلقات میں بہت بہتری آئی ہے۔ صدر مملکت نے کہا کہ پاک چین اقتصادی راہداری سے نہ صرف پاکستان ترقی کرے گا بلکہ اس کے ثمرات سے پورا خطہ استفادہ کرے گا۔ صدر مملکت نے کہا کہ قطر کے سرمایہ کاروں کے لیے پاکستان میں توانائی اور انفراسٹرکچر کے شعبے میں سرمایہ کاری کے مواقع موجود ہیں۔ امیر قطر نے کہا کہ ان کے ملک کے سرمایہ کار ان مواقع سے فائدہ اٹھائیں گے۔ صدر مملکت نے فیفا ورلڈکپ 2022 کی میزبانی ملنے پر قطر کے امیر کو مبارکباد بھی دی۔ ون ا?ن ون ملاقات کے بعد پاکستان اور قطر کے درمیان وفود کی سطح کے مذاکرات ہوئے۔ پاکستان کی طرف سے وفاقی وزیر پٹرولیم شاہد خاقان عباسی، مشیر خارجہ سرتاج عزیز اور دیگر مذاکرات میں شریک ہوئے۔ اس موقع پر دونوں ملکوں نے توانائی، دفاع اور تجارت سمیت دیگر شعبوں میں تعاون میں اضافے پر اتفاق کیا۔ ملاقات کے دوران امیر قطر نے صدر مملکت ممنون حسین کو دورہ قطر کی دعوت دی جو صدر مملکت نے قبول کرلی۔ اس سے پہلے امیر قطر جب ایوان صدر پہنچے تو صدر مملکت ممنون حسین نے انکا پرتپاک استقبال کیا۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.