ملک بھر میں 75واں یوم پاکستان (کل ) ملی جوش وجذبہ سے منایا جائے گا
دن کا آغاز وفاقی دارالحکومت میں 21 توپوں ، صوبائی دارالحکومت میں 19 توپوں کی سلامی سے ہوگا، مساجد میں نماز فجر کے بعد ملکی ترقی خوشحالی اور استحکام کیلئے خصوصی دعائیں مانگی جائیں گی، عام تعطیل ہوگی ، سرکاری عمارتوں پر قومی پرچم لہرایا جائیگا، وفاقی دارالحکومت میں مسلح افواج کی پریڈ کی تمام تیاریاں مکمل،جڑواں شہروں میں رات 12 سے(کل) 2 بجے تک ہیوی ٹریفک کی آمدورفت پر پابندی لگادی گئی
اتوار 22 مارچ 2015 16:26
اسلام آباد (اُردو پوائنٹ اخبار تازہ ترین۔22مارچ۔2015ء ) ملک بھر میں 75واں یوم پاکستان (کل ) پیر کو ملی جوش وجذبہ سے منایا جائے گا، دن کا آغاز وفاقی دارالحکومت میں 21 توپوں جبکہ صوبائی دارالحکومت میں 19 توپوں کی سلامی سے ہوگا، مساجد میں نماز فجر کے بعد ملک کی ترقی خوشحالی اور استحکام کیلئے خصوصی دعائیں مانگی جائیں گی، عام تعطیل ہوگی اور اہم سرکاری عمارتوں پر قومی پرچم لہرایا جائے گا، یوم پاکستان کے موقع پر وفاقی دارالحکومت میں مسلح افواج کی پریڈ کی تمام تیاریاں مکمل کرلی گئی ہیں جب کہ جڑواں شہروں میں رات 12 بجے سے(کل ) پیر کی دوپہر 2 بجے تک ہیوی ٹریفک کی آمدورفت پر پابندی لگادی گئی ۔
قوم پیر کو یوم پاکستان اس عزم کے ساتھ منارہی ہے کہ ملک کی خوشحالی اورستحکام کیلئے انتھک جدوجہد کی جائیگی۔(جاری ہے)
دن کا آغاز وفاقی دارالحکومت میں 21 توپوں جبکہ صوبائی دارالحکومت میں 19 توپوں کی سلامی سے ہوگا۔ مساجد میں نماز فجر کے بعد ملک کی ترقی خوشحالی اور استحکام کیلئے خصوصی دعائیں مانگی جائیں گی۔ کل عام تعطیل ہوگی اور اہم سرکاری عمارتوں پر قومی پرچم لہرایا جائے گا۔
مختلف سیاسی ،سماجی، مذہبی ، تعلیمی اور دوسری تنظیمیں تقاریب کا اہتمام کرینگی جن میں قرار دار پاکستان کی اہمیت کو اجاگر کیا جائے گا جس نے برصغیر کے مسلمانوں کیلئے ایک آزاد وطن کے قیام کی راہ ہموار کی۔ فوجی پریڈ (کل ) صبح فیض آباد انٹرچینج کے قریب نئے تعمیر کیے گئے پریڈ گراؤنڈ میں ہوگی۔23 مارچ کا آغاز 21توپوں کی سلامی سے ہوگا، صدر مملکت ممنون حسین مسلح افواج کے سپریم کمانڈر کی حیثیت سے پریڈ کا معائنہ کریں گے۔خواتین فوجیوں کا دستہ بھی پریڈ میں شریک ہوگا۔آرمی ایوی ایشن کے مختلف ہیل کاپٹرز پریڈ میں شریک ہوں گے۔پاک فضائیہ کے جدید طیارے خصوصاٍ جے ایف تھنڈر -17 طیارے پریڈ میں حصہ لیں گے ، ائر فورس کے طیاروں میں جدید ترین ایف 16 طیارے، ایف 7، ایف 7 پی جی اور دیگر جدید جہاز فلائی پاس کا مظاہرہ کریں گے۔فلائی پاس کی قیادت پاک فضائیہ کے نئے سربراہ ائر چیف مارشل کریں گے۔ایس ایس جی کے کمانڈوز پیرا ٹروپنگ کا مظاہرہ بھی کریں گے۔پریڈ میں چاروں صوبوں کی ثقافت اجاگر کرنے کیلئے فلوٹ ہوں گے، جن پر علاقائی رقص ثقافتی دھنیں بجائی جائیں گی۔یوم پاکستان کی ایک پروقار تقریب تیسرے پہر ایوان صدر میں ہوگی جس میں صدر ممنون حسین مختلف شعبہ ہائے زندگی سے تعلق رکھنے والے افراد کو ان کی شاندار خدمات پر ایوارڈز اور تمغے دینگے۔اس موقع پر ریڈیو پاکستان خصوصی پروگرام نشر کرے گا جبکہ اخبارات خصوصی ضمیمے شائع کرینگے۔پاک فوج کے شعبہ ابلاغ عامہ ”آئی ایس پی آر “ کے مطابق یوم پاکستان کے موقع پر مسلح افواج کی پریڈ کے باعث راولپنڈی اور اسلام آباد میں رات 12 بجے سے (کل ) پیر کی دوپہر 2 بجے تک ہیوی ٹریفک کی آمدورفت پر پابندی ہوگی۔ اس کے علاوہ ایکسپریس ہائی وے بھی کل صبح6 بجے سے دن2 بجے تک بند رہے گی، اس شاہراہ پر صرف پرصرف پریڈ پر آنے والی گاڑیوں کو اجازت ہو گی دیگر ٹریفک کو کھنہ پل سے لہتڑار روڈ، راول ڈیم اور کشمیر ہائی وے کی جانب موڑدیا جائے گا۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.