پریڈ کی فل ڈریس ریہرسل کی گئی ‘ سکیورٹی کے سخت انتظامات ‘پریڈ ایوینیو کی جانب جانے والے تمام راستے کنٹینرز لگا کر سیل
ہفتہ 21 مارچ 2015 13:32
اسلام آباد/کوئٹہ(اُردو پوائنٹ اخبار تازہ ترین۔21مارچ۔2015ء)وفاقی دارالحکومت اسلام آباد میں 23 مارچ کی پریڈ کی فل ڈریس ریہرسل کی گئی ‘ سکیورٹی کے سخت انتظامات ‘پریڈ ایوینیو کی جانب جانے والے تمام راستے کنٹینرز لگا کر سیل کردیئے گئے ‘سکیورٹی فورسز کے سرچ آپریشن کے دور ان متعدد مشتبہ افراد کو گرفتار کرلیا گیا ‘پریڈ ایونیو کے قریبی علاقوں میں موبائل فون سروس بند رہی تفصیلات کے مطابق سیکورٹی فورسز نے 23 مارچ کی پریڈ ناکام بنانے کیلئے سرگرم دہشت گردوں کے خلاف آپریشن تیز کر دیا۔
مختلف شہروں میں پولیس اور رینجرز ہائی الرٹ رہی کوئٹہ میں پولیس اور ایف سی نے مشترکہ کارروائی کر کے جیل روڈ ، منو جان روڈ ، سبزل روڈ پر کارروائی کر کے 25 افراد کو حراست میں لے لیا۔(جاری ہے)
لاہور میں بھی مختلف علاقوں میں سرچ آپریشن کے دوران متعدد افراد گرفتار کئے گئے ادھر راولپنڈی میں سیکورٹی اداروں نے ہوٹلوں کو خالی کرانا شروع کر دیا حکام نے ہوٹل مالکان کو 3 روز تک کسی مسافر کو ہوٹل میں نہ ٹھہرانے کی ہدایات جاری کیں دوسری طرف پریڈ ایونیو آنے والی تمام اہم شاہراہیں ہر قسم کی ٹریفک کیلئے بند کر دی گئیں راولپنڈی کو اسلام آباد سے ملانے والی مصروف ترین شاہراہ مری روڈ کو شمس آباد کے مقام پر ناکہ لگا کر بند کر دیا گیا ایکسپریس وے پر ایئرپورٹ چوک، کھنہ پل اور شکرال کے مقام پر ناکے لگا کر ٹریفک متبادل راستوں کے ذریعے بحال رکھی گئی پریڈ ایونیو کے قریبی علاقوں آئی ایٹ، آئی نائن ، فیض آباد ، مارگلہ ٹاوٴن، راول ٹاوٴن، سوہان، زیروپوائنٹ، جی سکس، جی سیون سمیت دیگر رہائشی علاقوں میں موبائل فون سروس صبح چھ بجے سے بند کر دی گئی جڑواں شہر راولپنڈی اسلام آباد میں سیکورٹی انتہائی سخت کر دی گئی مختلف مقامات پر ناکے لگائے گئے ہیں جہاں پولیس اور پاک فوج کے جوان تعینات کئے گئے اطلاعات کے مطابق اسلام آباد کے مرکزی داخلی راستہ فیض آباد کو مکمل طور پر سیل کردیا گیا پریڈ میں پاک آرمی، بحریہ، فضائیہ اور ایف سی کے دستے شریک ہوں گے ایس ایس جی کمانڈوز، لائٹ انفنٹری کمانڈو بٹالین، میکنائزڈ انفنٹری یونٹ بھی پریڈ میں شامل ہیں اور پاک فضائیہ کے لڑاکا طیارے بھی فل ڈریس ریہرسل میں حصہ لے رہے ہیں ذرائع کے مطابق 23 مارچ کا آغاز 21توپوں کی سلامی سے ہوگا، صدر مملکت ممنون حسین مسلح افواج کے سپریم کمانڈر کی حیثیت سے پریڈ کا معائنہ کریں گے خواتین فوجیوں کا دستہ بھی پریڈ میں شریک ہوگا۔
آرمی ایوی ایشن کے مختلف ہیل کاپٹرز جن میں بیل، ایم آئی17، کوبرا گن شپ، پوما ہیلی کاپٹرز پریڈ میں شریک ہوں گے۔پاک فضائیہ کے جدید طیارے خصوصاٍ جے ایف تھنڈر -17 طیارے پریڈ میں حصہ لے رہے ہیں، ائر فورس کے طیاروں میں جدید ترین ایف 16 طیارے، ایف 7، ایف 7 پی جی اور دیگر جدید جہاز فلائی پاس کا مظاہرہ کریں گے۔اس فلائی پاس کی قیادت پاک فضائیہ کے نئے سربراہ ائر چیف مارشل سہیل امان کریں گے ایس ایس جی کے کمانڈوز پیرا ٹروپنگ کا مظاہرہ بھی کریں گے۔پاکستان کے درمیانے فاصلے تک مار کرنے والے میزائل خصوصاٍ رعد، نصر میزائل، پاکستان میں بننے والے ٹینک الضرار اور الخالد بھی پریڈ کا حصہ ہوں گے۔پریڈ میں چاروں صوبوں کی ثقافت اجاگر کرنے کیلئے فلوٹ ہوں گے، جن پر علاقائی رقص ثقافتی دھنیں بجائی جائیں گی ذرائع کے مطابق سیکیورٹی کے پیش نظر پاک فوج کا خصوصی کنٹرول روم قائم کردیا گیا ہے جہاں سے کسی بھی مشکوک سرگرمی کا جائزہ لیا جائیگا ۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.