گلگت بلتستان میں آمدہ انتخابات فوج کی نگرانی میں کروائے جائیں،نورالباری
ہفتہ 21 مارچ 2015 13:13
راولپنڈی(اُردو پوائنٹ اخبار تازہ ترین۔21مارچ۔2015ء) جماعت اسلامی آزاد جموں وکشمیر کے قائمقام امیر نورالباری نے کہا ہے کہ گلگت بلتستان میں آمدہ انتخابات فوج کی نگرانی میں کروائے جائیں، آئینی اصلاحات کے پیکج میں موجود سقم دور کر کے اس میں بہتری لائی جائے جو سب طبقات کے لیے قابل قبول ہو، نادرا کی ٹیموں کو متحرک کیا جائے کہ وہ گلگت بلتستان کے گاؤں گاؤں جا کر شناختی کارڈ بنوانے کا عمل تیز کریں ،ووٹر لسٹیں درست کی جائیں اور ایسے افراد جن کا ووٹ ہے لسٹ میں در ج نہیں ہے ان کا ووٹ درج کیا جائے صاف اور شفاف انتخابات ہی عوام کو قابل قبول ہوں گے انتخابات کی تاریخ عجلت میں طے کرنے کے بجائے آل پارٹیز کانفرنس بلا کر مشاورت سے تاریخ طے کی جائے ان خیالات کااظہار انہوں نے گلگت بلتستان کے عمائدین سے گفتگو کرتے ہوئے کیا،نورالباری نے کہا کہ گلگت بلتستان میں صاف اور شفاف انتخابات ہی خطے کی تعمیر و ترقی اور جمہوریت پر اعتماد کا مظہر ہوں گے انہوں نے کہا کہ جون میں بعض علاقوں میں عوام چراہ گاہوں کی طرف مال مویشی لے کر چلے جاتے ہیں جس کی وجہ سے ٹرن آوٹ میں کمی ہو گی اس لیے ضرورت اس امر کی ہے کہ ایسی تاریخ طے کی جائے جو گلگت بلتستان کے عوام کے لیے قابل قبول ہو اور موسم بھی مناسب ہو، انہوں نے کہا کہ جماعت اسلامی گلگت بلتستان کے آمدہ انتخابات میں بھرپور حصہ لے گی نظام کی تبدیلی ہمارا ایجنڈا ہے نظام کو تبدیل کیے بغیر ہمارے مسائل حل نہیں ہو سکتے جماعت اسلامی اول روز سے گلگت بلتستان کے عوام کے آئینی حقوق کے حصول کے لیے جدوجہد کر رہی ہے اور یہ جدوجہد اس وقت تک جاری رکھے گی جب تک گلگت بلتستان کے عوام کو ان کے آئینی حقوق مل نہیں جاتے انہوں نے کہا کہ جماعت اسلامی تنقید برائے تنقید پر یقین نہیں رکھتی ہے ہم تنقید برائے اصلاح کی غرض سے بات کرتے ہیں انہوں نے کہا کہ عوام کو شفاف طریقے سے اپنے نمائندے منتخب کرنے کا موقع دینا ہی خطے کے مفاد میں بھی ہے ۔
متعلقہ عنوان :
مزید اہم خبریں
-
سیکرٹری داخلہ نے اسلام آباد ہائیکورٹ کے حکم کے مطابق عملدرآمد نہیں کیا،اہلیہ پرویز الہی
-
صدرمملکت آصف علی زرداری کوئٹہ کا 3 روزہ دورہ مکمل کرکے اسلام آباد واپس روانہ ہو گئے
-
وزیراعلٰی کا مری ہسپتال پراجیکٹ کو سابق دور میں 4 ارب روپے نقصان پہنچانے پر کارروائی کا فیصلہ
-
کمپٹیشن کمیشن آف پاکستان نے پی ٹی سی ایل کی جانب سے ٹیلی نار پاکستان کے حصول کے جائزے کے دوسرے مرحلے کا آغاز کر دیا
-
موبائل کمپنیاں پانچ لاکھ سمیں بلاک کرنے پر آمادہ، مہلت مانگ لی
-
رفح پر اسرائیلی حملوں کے خوف سے لوگ ’علاج معالجہ سے گریزاں‘
-
جس نے ہمیں انتشاری ٹولہ کہا ہم ان سے کہتے آپ معافی مانگیں
-
آئی ایم ایف نے تنخواہ دار طبقے پر35 فیصد ٹیکس کی تجویزدیدی
-
پاکستان کا پہلا قمری مشن ،آئی کیوب قمر کامیابی سے چاند کے مدار میں پہنچ گیا
-
پاکستان میں حالیہ حملوں میں افغانوں کے ملوث ہونے کے دعوے غیر ذمہ دارانہ ہیں، طالبان
-
9 مئی کے حملے ریاستی رٹ ، قانون کی حکمرانی اور ادارے کو کمزور کرنے کی کوشش تھے
-
عمران خان سمیت ہرقیدی بنیادی انسانی حقوق اور قانونی تحفظ کا حقدار ہے، امریکہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.