پاکستان مدینہ طیبہ کی طرح اسلام کے نام پر بننے والا ملک ہے، پاکستان کو سیکولر ریاست کے طور پر دیکھنے کے خواہش مند شہداء کے خون کو فراموش نہ کریں، امیر کراچی ڈاکٹر مزمل اقبال ہاشمی
جمعہ 20 مارچ 2015 17:45
کراچی (اُردو پوائنٹ اخبار تازہ ترین۔20مارچ۔2015ء) جماعة الدعوة کی اپیل پر شہر بھر کی کئی مساجد میں تحفظ نظریہ پاکستان خطبات جمعہ کا موضوع رہا۔ علماء و خطباء کرام نے دو قومی نظریہ پر خصوصی روشنی ڈالی۔ جماعة الدعوة کراچی کے امیر ڈاکٹر مزمل اقبال ہاشمی، جامعہ الدراسات الاسلامیہ کے مدیر مفتی محمد یوسف طیبی، نائب مدیر مفتی یوسف کشمیری، مدیر تعلیم الشیخ یحییٰ بھٹی، جماعة الدعوة کے رہنما مفتی سعید، ابو عکاشہ منصور، حافظ محمد امجد سمیت دیگر رہنماؤں و علماء کرام نے پی ای سی ایچ سوسائٹی، گلشن اقبال، ڈالمیا، نارتھ ناظم آباد، نارتھ کراچی، منظور کالونی، شیرشاہ سمیت دیگر علاقوں میں جمعہ کے اجتماعات سے پاکستان کی نظریاتی حیثیت پر خصوصی خطابات کیے۔
اجتماعات جمعہ میں شہریوں کی کثیر تعداد موجود تھی۔(جاری ہے)
جامع مسجد خالد بن ولید پی ای سی ایچ سوسائٹی میں امیر کراچی ڈاکٹر مزمل اقبال ہاشمی نے جمعہ کے اجتماع سے خطاب کرتے ہوئے کہا کہ پاکستان مدینہ طیبہ کی طرح اسلام کے نام پر بننے والا ملک ہے۔ پاکستان کو سیکولر ریاست کے طور پر دیکھنے کے خواہش مند شہداء کے خون کو فراموش نہ کریں۔ پاکستان کے لیے ہجرت کرنے والے آزادی کی قدر و قیمت سے بخوبی واقف ہیں۔
بھارت میں آج بھی مسلمانوں کی عزت، جان، مال سب کچھ غیر محفوظ ہیں۔ انہوں نے کہا کہ محمد بن قاسم کے فتح سندھ سے لے کر مغلیہ سلطنت کے انحطاط تک مسلمانوں نے برصغیر میں طویل حکمرانی کی، لیکن ہندوؤں کو ظلم و تشدد کا نشانہ نہیں بنایا۔ جب انگریز ہندوستان پر قابض ہوگئے تو ہندوؤں نے انگریزوں کے ساتھ مل کر مسلمانوں کو محکوم بنانے کی کوشش کی۔ آریا سماج کی تحریکیں اس بات کی دلیل ہے کہ ہندوؤں نے مسلمانوں کا ہندوستان میں رہنا گوارا نہیں کیا۔ مزمل اقبال ہاشمی نے کہا کہ خطبہ الہٰ آباد اور قراداد پاکستان ہندوستانی مسلمانوں کی وہ اجتماعی آواز ہے جس کی بنیاد پر پاکستان معرض وجود میں آیا۔ اسلامی نظریاتی ملک کے قیام کا مقصد یہاں اسلام کے سنہرے اصولوں کے مطابق ایک پاکیزہ معاشرے کا قیام تھا۔ پاکستانی مسلمانوں کو قومیت اور لسانیت کی بنیاد پر تقسیم کرکے فساد کی راہ ہموار کرنے کی تمام کوششیں کامیاب نہیں ہونے دیں گے۔ پاکستان کا مطلب آج بھی وہی ہے جو 1947ء میں تھا۔ کلمہ طیبہ کا رشتہ ہی مسلمانوں کو یکجا و متحد کرسکتا ہے۔مزید قومی خبریں
-
سیالکوٹ، پولیس کی بجلی چوری کے مرتکب ملزمان کے خلاف کارروائی، 3 ملزمان گرفتار
-
اٹک پولیس نے مرغوں کی لڑائی پرقمار بازی کرنے والے 10 افراد گرفتارکرلئے
-
اٹک ، سرکاری سکول سے سولرپلیٹس چوری کرنے والاملزم گرفتار
-
تین سالہ معصوم بچے اغواء کرکے جنسی زیادتی کرنے والا درندہ صفت ملزم اپنے ہی ساتھیوں کی فائرنگ سے ہلاک
-
رہنما پیپلز پارٹی آصفہ بھٹو زرداری کے ممبر قومی اسمبلی منتخب ہونے پرمسیحی برادری کا جشن
-
پیپلز پارٹی پنجاب کے ضمنی الیکشن میں ن لیگ کی مکمل حمایت کرے گی، رہنما پی پی پی راجہ پرویزاشرف
-
محکمہ ایجوکیشن کا سینئرکلرک رشوت لیتے رنگے ہاتھوں گرفتار
-
صوبائی وزراء خواجہ سلمان رفیق ، بلال یاسین کا حالات کا جائزہ لینے کیلئے گورنمنٹ میاں منشی ہسپتال کا دورہ
-
جیکب آباد، 30 سالہ نوجوان نے گلے میں رسی ڈال کر خودکشی کرلی
-
نومئی کے حملہ آور آج ملکی مفاد پر حملہ آور ہیں، عطااللہ تارڑ
-
وفاقی وزیر برائے وفاقی تعلیم اور پیشہ ورانہ تربیت سے برطانوی ہائی کمشنر کی ملاقات، تعلیمی شعبہ کی صوبوں کو منتقلی سے درپیش چیلنجز اور مواقع پر بھی تبادلہ خیال
-
چیچہ وطنی بوریوالہ روڈ پر منی ٹرک کی ٹکر سے موٹر سائیکل پر سوار دو افراد جاں بحق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.